Поради неисполонување на хигиенски услови, затворени 9 новогодишни куќарки во струшката чаршија

Агенцијата за храна и ветеринарство (АХВ), спроведе вонреден инспекциски надзор во 9 новогодишни куќарки во градската чаршија во Струга и издаде решенија за забрана за работа поради неисполнување на основни хигиенски услови. На угостителите им се изречени парични казни по 200 евра во денарска противвредност, а издадени се и налози за нивна регистрација во Агенцијата како оператори со храна.

Со контролатата спроведена на 22 овој месец, утврдено е дека во куќарките работеле физички лица и тоа во нехигиенски услови, односно куќарките не биле поврзани на градскатата водоводна мрежа, немале спроведена задолжителна дезинфекција, дезинсекција и дератизација, лицата немале спроведени задолжителни здравствено – санитарни прегледи, а не се почитувале ниту правилата на Добра призводствена и Добра хигиенска пракса.

Решенијата за времена забрана на вршење на дејност ќе останат на сила се до исполнување на потребните услови за работа.

Тутунарот Крсте Дуковски од Прилеп објави видеа на кои се гледа како непознати лица крадат голема количина на тутун што тој го подготвувал за продажба. Според него, тутунот бил резултат на едногодишен напор и жртвување на неговото семејство.

„Минатата година беше најтешката за мене и мојата фамилија – товар што никој друг не може да го почувствува под мојата кожа. Оваа година вложивме сè: мака, здравје, пари и трпение, со надеж дека трудот и надчовечката жртва ќе го покрие ланскиот непребол.

Ова што го гледате на ВИДЕАТА е кражба на голема количина на тутун. Ова е кражба на месеци натчовечки труд, надеж и иднина. Решив да ги објавувам видеата не од омраза, туку за да се разбуди свеста и емпатијата и да се охрабри полицијата што побрзо да ги пронајде сторителите“ пишува Дукоски.

Тој упати апел доколку некој некој ги препознае лицата, да пријави во полиција.

На 13 септември на Спортскиот аеродром во Прилеп се одржa првиот AirFlow Music Festival – спектакл кој донесе голема публика, а кој го пропушти има за што да жали.

Фестивалот имаше хумана мисија, сите средства собрани од продажбата на карти и од спонзорите беа донирани за потребите на повредените од пожарот во Кочани, преку @supportkocani и Центарот за култура „Марко Цепенков“ – Прилеп, а собрани беа вкупно 807.500 денари.

Од Центарот за култура “Марко Цепенков” Прилеп, преку соопштение упатија благодарност до организаторите на настанот, а преку примената донација одново во функција е ставена кино салата “Мис Стон” и познатата Сцена 105.

Соопштението од НУЦК “Марко Цепенков” го пренесуваме во целост во продолжение:

Културата е перманентен процес кој ќе трае додека трае човештвото во било каква цивилизациска форма. Оти културата е сегментот од нашето целокупно постоење кој нè дефинира како цивилизација. А институционалната култура и културни програми, барем засега, се основата за интелектуално здраво, прогресивно и разумно општество. Дополнително, здравата институцуионална културна понуда е предуслов за здрава креативна, авангардна и инспиративна субкултурна сцена.

Но, културата и здравата културна средина подразбираат здрава, одржана и функционална инфраструктура која е основа за нормално функционирање како на институционалните, така и на субкултурните движења, иницијативи и други форми на културно дејствување.

НУ Центар за култура „Марко Цепенков“ од Прилеп срдечно се заблагодарува на организациската структура на културно-забавната иницијатива AirFlow Music Festival и на „Sky Corner Sport Airfield“ за пројавената висока свест за општествена одговорност со несебичната поддршка на нашата институција и материјална донација со која киното „Мис Стон“ беше целосно вратено во функција и повторно е на располагање за граѓаните, а познатата Сцена 105 беше дополнително оплеменета и доби нова димензија за културни настани – и двата како простори преку кои се дефинира и развива културата во Прилеп. Нивниот добротворен потег е одраз на нивното чувство дека секој член на заедницата еднакво треба да ја поддржува, одржува и развива културата, со што Прилеп ќе расте како културна средина и заедница. За тоа сме им длабоко благодарни. Со оваа нивна грижа за функционална одржливост на културните институции во Прилеп, тие директно и отворено ја покажаа и ја покажуваат грижата за културата во нашиот град.

НУЦК „Марко Цепенков“ останува отворен за секаков вид на соработка со сите институционални и вонинституционални културни здруженија и иницијативи, секогаш на првата линија за развој на културата во Прилеп заедно со сите наши почитувачи и поддржувачи, заедно со сите наши граѓани.

Дербито на ова 11 коло, барем според позициите на табелата, ќе се игра во Прилеп. Во недела, од 19.часот, во спортската сала во ООУ “Добре Јованоски”, играат двете првопласирани екипи во групата „А“, Мега баскет и Вардар, и двете со разочарувачки порази во претходниот круг од натпреварите.

За „вардарци“ прв, запишан на гостувањето во Охрид, a за прилепчани втор по големиот минус на гостински терен кај Водно санс.

Прилепчани веруваат дека ќе му возвратат на црвено-црните за поразот во Скопје на стартот од сезоната, а за тоа ќе има треба нашата поддршка на трибината.

Два ипол часа порано, со почеток од 16:30 часот, младата екипа на Мега Баскет го пречекува Чаир, па добро би било неделата целосно да си ја резервирате за кошаркарски натпревари со вашите најблиски.

Денес зборувам пред луѓе кои носат посебна тежина во ова општество, луѓе кои ја знат татковината одвнатре и од надвор. Луѓе кои заминале не затоа што сакале да ја напуштат татковината туку затоашто животот, времето и околностите ги натерале да бвараат подобри услови, сигурност и перспектива. И, најважно луѓе кои се вратиле тука и започнале нова успешна приказна, истакна денеска во своето обраќање на Форумот на повратници во Македонија премиерот Христијан Мицкоски.

Мицкоски рече дека нивното враќање не е симболично и е порака дека корените не се пресечени и дека љубовта кон домот не исчезнува.

-Вашето враќање не е симболично, тоа е суштинско. Тоа е порака дека Македонија не е заборавена, дека корените не се пресечени и дека љубовта кон домот не исчезнува без разлика на годините и далечината, рече премиерот.

Многумина заминаа затоа што нема избор, затоа што сакаа подобро образование за своите деца, посигурна работа, достоинствена плата, стабилен живот, додаде премиерот.

-Сакам јасно и искрено да кажам, ние не можеме да се лутиме на оние кои заминале, ги разбираме. Ја разбираме нивната мака, ја разбираме нивната мака, нивната борба. Знаеме дека многумина замина затоа што нема избор, затоа што сакаа подобро образование за своите деца, посигурна работа, достоинствена плата, стабилен живот и тоа е нормална човечка потреба, тоа е борба за иднина. Но, исто така знаеме и нешто друго дека колку и да оди човек далеку, серцето секогаш го влечи назад затоа што како што мудро вели нашиот народ каменот тежи на своето место. Каде и да одите низ светот, колку и да сате успешни таму секогаш ќе бидете дојденци, посочи Мицкоски и подолжи:

„Само дома си свој, само дома твоето име твојот труд имат длабок корен и трајна вредност, вие што денес сте тука, сте жив доказ за тоа. Вие покажавте, знаењето и искуството стекнато надвор не се губат кога ќе се вратите туку добиваат смисла стануваат темел за нови бизниси, нови работни места, нови идеи и нова енергија во нашата економија. Земјата не е денес земја што стои во место, Македонија се менува и се развива, економијата расте, се инвестира во индустријата, во енергетиката, во во инфраструктурата. Се градат патишта, фабрики, капацитети што носат додадена вредност. Се отвара простор претприемништво за иновации за младите и за ониое што сакаат да вложат и да создаваат дома. Како влада нашата обврска е да создадеме услови, да обезбедиме стабилност, правна сигурност, поддршка за инвестици и јасна насока за развој. Но ниту една стратегија ниту еден план не може да успее без луѓето, државата не се гради само со институции, државата се гради со умови, со знаења, со искуство, со храброст да се преземе одговорност. Затоа велиме гласно, ни требат сите, ни треба секој Македонец кој сака да придонесе, ни треба секој што научил нешто надвор и е подготвен тоа да го вложи дома, ни треба секој што верува дека оваа земја може и мора да биде подобро место за живеење“.

Мицкоски испрати силна порака до иселениците дека вратите на Македонија се широко отворени за сите.

Преку вашиот приемер, денес испраќаме порака до сите наши луѓе родум од Македонија ширум светот. Ве разбираме, ве почитуваме и вратите се широко отворени. Не ветуваме лесен пат, но ветуваме смисла. Нудиме можност да се биде дел од нешто поголемо, нудиме шанса трудот да не биде само личен успех туку и придонес за заедницата и идните генерации. Домот не е совршен, се гради, се поправа, а нашата заедничка Македонија денес е токму тоа, дом што се гради во кој има место за сите свои луѓе. Вие сте дека може, вие сте пример дека враќањето е сила и вие сте гласот што најдобро може да им каже на другите дека каменот кога ќе се врати на своето место тежи најмногу, рече премиерот Мицкоски во своето обраќање.

ПРЕМЛАДИ ЗА ИГРА“: ВИДЕОЛОТАРИЈА КАСИНОС АВСТРИЈА И ГОДИНАВА Е ДЕЛ ОД ГЛОБАЛНАТА КАМПАЊА ЗА ЗГОЛЕМУВАЊЕ НА ЈАВНАТА СВЕСТ ЗА РИЗИЦИТЕ ОД ВКЛУЧУВАЊЕ НА МЛАДИТЕ ПОД 18 ГОДИНИ ВО ИГРИТЕ НА СРЕЌА

Видеолотарија Касинос Австрија како членка на Европската и Светската Асоцијација на лотарии, и годинава безрезервно ја поддржа кампањата за одговорно дарување, со цел зголемување на јавната свест за ризиците од вклучување на лица под 18 години во игрите на среќа. Кампањата за одговорно дарување ја организираат Националниот совет за проблеми со коцкање (NCPG) и Meѓународниот центар за младински проблеми со компулсивно играње и проблематични навики на Универзитетот Мек Гил.

Како општествено одговорна компанија, Видеолотарија Касинос Австрија активно поттикнува кампањи за одговорно играње, со посебен акцент на превенција од прекумерното и проблематично играње. Континуирано работиме на едукација на играчите за опасностите од компулсивното играње. Во 2019 година компанијата го формираше СОС тимот, прв од ваков вид во нашата земја, и ја активираше СОС линијата со телефонска поддршка и електронска комуникација. Зад оваа линија стои стручен тим составен од психолози и психијатри, кој обезбедува советодавна и поддржувачка помош.

Во рамки на проектот „Играј одговорно“, на 11 ноември 2025 година, во Домот на хуманитарни организации „Даре Џамбаз“ во Скопје, беше одржано едукативно предавање со цел подигнување на свесноста кај младите за ризиците и опасностите од прекумерно играње игри на среќа. Слично предавање беше реализирано на 04.12.2025 и за студентите на психологија на Славјанскиот универзитет во Битола.

Бројни истражувањата укажуваат дека изложеноста на игри на среќа во најрана возраст, може да ја зголемат веројатноста од развивање проблематична страст кон коцкање. Изложеноста во периодот на детството најчесто е можна преку различни продукти подарени од страна на возрасните, несвесни за можниот ризик. Лотариските производи не се соодветни подароци за децата, во ниеден случај.

Со приклучувањето кон кампањата „Премлади за игра“, Видеолотарија Касинос Австрија активно учествува во:

• едукација на заедницата за ризиците од коцкањето кај младите;
• промовирање одговорни практики за игри на среќа, особено за време на празничните периоди;
• поддршка на националните и меѓународните напори за превенција од проблематично коцкање.

Видеолотарија Касинос Австрија постојано нагласува дека право на учество во игрите на среќа имаат исклучиво лица над 18 години, согласно законските регулативи и принципите на одговорно приредување игри на среќа.

#GiftResponsibly

Работиме за Македонска пошта како државна пошта конечно да ја издигнеме со квалитет и да обезбедува најквалитетни услуги на пазарот. Иако Македонија ја следи европската пракса за регулација на поштенскиот пазар, таквата работа создава главоболка во услови кога државната пошта како општествена компанија реализира услуги кога никој друг тоа не го прави. Затоа Владата ќе донира 100 нови возила за Пошта, а се размислува за законски измени со кои ќе се променат работите, истакна вицепремиерот Александар Николоски на Јавниот состанок на Агенцијата за пошти.

Како што потенцира, целта е да се заштити државниот капитал, да се издигне Пошта на поквалитетно ниво и да се избегне праксата на претходните Влади кои сакале да го продаваат државниот капитал.

“ Ние би сакале Македонска пошта да расте и би сaкале да нaпредува и овие директиви во услови кога не сме членки на ЕУ ни создаваат главоболки во делот на државната пошта затоа што да бидеме фер и да бидеме отворени, многу е лесно да се земе дел од пазарот кој одговара, а Македонска пошта да има општествена одговорност и на пример да носи писма во услови кога никој друг тоа не го прави. Или сите подденакво ќе го носат товарот или ќе носиме други одлуки затоа што мојата намера е да се крене Пошта, а не вака да пропаѓа како што пропаѓа И во таа насока повторно доаѓаме до ЕУ, а тое е барањето во Планот за раст да се подобри ефикасноста на услугите и намалување на трошоците за 15 %, како и подобрување на индикаторите за профитабилност за 15 %, што во услови кои ги кажав претходно не можеме да ги оствариме. Да најавам дека ќе има законски измени кои што ќе одат во насока да се променат работите”- се обрати вицепремиерот Николоски.

Тој најави нови инвестиции во државната пошта.

Во следниот месец дена Пошта ќе добие како донација од Владата 100 возила, од кои 90 се помали комби возила и 10 поголеми возила, а исто така работиме на една програма за помош во делот на софтвер, сортирки за работа и просторни услови како би ги довеле до ситуација да даваат најдобри услуги на пазарот. Во таа насока соработката со Агенцијата има клучна улога и мислам дека треба да соработуваме” – рече Николоски.

Тој истакна дека е-трговијата ќе зема се поголем замав како тренд за кој приватните пошти треба да се борат на пазарот.

Во моментот на домашниот пазар работат 29 правни лица, од кои 28 приватни пошти и АД Пошта на Македонија, како државана компанија со индивидуална дозвола за обезбедување на универзална услуга.

Врз основа на член 36, став 1, точка 15 од Законот за локалната самоуправа („Службен весник на Република Македонија” бр.5/02 и Службен весник на Република Северна Македонија бр.202/24), член 26 и 26-а од Законот за јавните претпријатија („Службен весник на Република Македонија” бр. 38/96, 9/97, 6/02, 40/03, 49/06, 22/07, 83/09, 97/10, 6/12, 119/13, 41/14, 138/14, 25/15, 61/15, 39/16, 64/18 и 35/19 и „Службен весник на Република Северна Македонија“ бр. 275/19, 89/22, 274/22, 208/24 и 193/2025), како и Правилникот за формата и содржината на јавниот повик за пројавување на интерес за пријавување на кандидати за избор на член на управен и надзорен одбор на јавно претпријатие, начинот на поднесување на пријавата, обрасците за пријавување и начинот на бодување и селекција на кандидатите („Службен весник на Република Северна Македонија“ бр.213/2024), а по предлог на Градоначалникот,

Советот на Општина Прилеп објави јавни повици за нови членови на Управните и Надзорните одбори во јавните претпријатија чиј основач е општината.

Јавните повици и условите кои треба да ги исполнуваат кандидатите се објавени на ОГЛАСНАТА ТАБЛА на веб страната на општината.

Повеќе погледнете ТУКА

На 26.12. (петок) со почеток од 19:00часот, во Ликовната галерија на НУЦК “Марко Цепенков”, ќе биде отворена изложбата “Балканскиот јунак Марко”.

Годинава се одбележуваат 690 години од раѓањето и 630 години од смртта на Крал Марко (околу 1335 – 17 мај 1395), последниот крал кој владеел со поголемиот дел од Македонија. Крал Марко е значајна историска личност, но и најпознатиот јунак на епското народно творештво, не само кај Македонците, туку и кај другите балкански народи.

Изложбата ги следи „трагите“ што Марко ги оставил низ Балканот и пошироко, како и традицијата што се негува низ различни форми – фрескоживопис, записи и натписи, литературни и ликовни дела, топоними, музејски експонати и други сведоштва поврзани со неговото присуство во културното и општественото живеење. Сето ова е претставено преку текстуален материјал и богат фото-документациски приказ, кој се очекува да предизвика голем интерес кај јавноста.

Македонското здравство ќе добие значајно засилување со набавка на 100 нови амбулантни возила, одлука донесена на вчерашната владина седница. Инвестицијата е вредна 7,5 милиони евра и има за цел целосно да ја модернизира флотата за итна медицинска помош низ државата.

Министерот за здравство, Азир Алиу, истакна дека оваа набавка е клучна за спасување животи, особено во критичните моменти кога секоја секунда е важна.

„Ова ќе значи побрза и поефикасна интервенција во итни случаи, навремен транспорт на пациентите до болниците и подобра покриеност како во урбаните, така и во руралните средини“, соопшти Алиу преку својот Фејсбук профил. Со оваа мерка се очекува значително да се скрати времето на чекање за медицинска помош во сите градови.