(ФОТО ГАЛЕРИЈА) “Неподнослива миризба се шири од ѓубрето по улиците во Прилеп? Нели е ова потенцијален извор на заразни болести?”

Граѓаните кои живеаат во типските куќи, најелитната населба во Прилеп, испратија фотографии до нашата редакција преку кои реагираат за неподносливата миризба која се шири до нивните домови.

Причината за тоа е сметот од речното корито на “Дабничка река” кој наместо директно да се товари во камиони растекува по улиците и е потенцијална опасност за зарази и болести, особено во овие денови кога температурата на воздухот се искачува и над 30 степени целзиусови.

“Децата се спречени да играат на улицата и сме загрижени за нивното здравје”, вели наш читател.

Инаку, реакции за нечистотија и расфрлан отпад во Прилеп, деновиве пристигнуваат од сите краишта на градот.

Прилепчани утринава одново реагираа и за миризбата од контејнерите пред ООУ “Добре Јованоски”.

 




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.