Деновиве целата држава прочита за тричленото семејство кое живееше под мост во општина Аеродром во Скопје. Благодарение на хуманитарната организација Св. Спас од скопската Епархија, семејството е сместено во привремен дом.
“Успеавме!!! Секоја чест на секој од вас!!! Повеќе не се “семејството што живее под мостот” затоа што од денес нема да мрзнат на студот. Во куќата во која се сместени ги има сите услови, но нѝ фали машина за перење, па се надевам дека некој од вас ќе се пријави да донира. Исто така, потребен е мобилен телефон за да бидеме во контакт со нив…Сепак, мора да нагласиме дека ова е само привремено решение, а трајното решение МОРА да го пронајде ВЛАДАТА И НАДЛЕЖНОТО МИНИСТЕРСТВО. Денес тие ми кажаа уште една непријатна вест: укината им е минималната социјална помош. Ние уште во понеделник ќе поднесеме жалба и се надевам дека ќе ја уважат. Бог да ве благослови сите!!!”, напиша на Фејсбук Отец Оливер Петровски.
Повеќе за хуманитарната организација Св. Спас погледнете ТУКА
