Седумгодишниот Ване е најмладиот Македонец кој се искачил на Триглав

Ване Бошев (7,5) од Неготино се искачи на Триглав и ​четири други планински врвови на Јулските Алпи во Словенија.

Тој е најмладиот Македонец кој стапнал на секој од нив, информираа денеска од Спортско планинарскиот алпинистички и ориентационен клуб „Антигонеа” од Неготино.

​- Бошев беше дел од 16-члената експедиција од повеќе планинарски друштва од Македонија, Србија и Босна и Херцеговина која деновиве ги освои врвовите „Мала Мајстровка” 2.356 метри надморска височина, „Голема Мајстровка” 2.500 метри, „Мангарт” 2.678 метри, „Мал Триглав” и „Триглав” со 2.864 метри надморска височина, соопштија од клубот.

Бошев планинари од неполни три години и досега има освоено педесетина планински врвови во земјава и странство.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.