Фудбалерите на Победа вчера претпладне со меѓусебен меч ја завршија првата фаза од зимските подготовки за пролетниот дел од шампионатот на Втората лига-Исток.
Црвено-белите поделени во две екипи на теренот со вештачка трева одиграа меѓусебен меч кој заврши без победник 1-1. Стрелец на голот за ,,црвената“ екипа беше Марио Наумоски додека за ,,плавите“ со ефектен лоб погоди Антонио Бошески.
Фудбалерите, кои во меѓувреме ги завршија лекарските прегледи, утре добија слободен ден а од понеделник експедицијата на Победа втората фаза со 10-дневни подготовки продолжуваво Стар Дојран.
За време на подготовките во овој наш туристички центар ќе бидат одиграни контролни натпревари со Кожуф (27 јануари) и Беласица (2 февруари), а закажани се и два тест натпревари на 25-тти и 30-тти јануари со селекција на фудбалери кои бараат меѓународен ангажман.
По враќањето во Прилеп се закажани контролни средби со Тиквеш (6 февруари) и генералката со Воска (12 февруари).
Пролетниот дел на Втората лига-Исток со 16-тото коло продолжува на 19 февруари со гостување на Братство на Могила, во 17-тото коло на 26 февруари гостување на Детонит во Радовиш, а за крај на вториот круг во 18-тото коло е дуелот со Беласица во Прилеп на 5 март.
