Деновиве повеќе граѓани реагираа до Маркукуле дека коњи и магариња пуштени пасат низ типската населба во Прилеп. Тие побараа надлежните да ги заловат животните, затоа што истите предизвикуваат опасност во сообраќајот и слободното движење. Утрово од ЈКП Комуналец информираат дека животните се заловени.
-Отстранети од јавна површина домашните животни кои деновиве се пуштаа на испаша во типската населба. Истите се згрижени од страна на ,, Комуналец’’.
И покрај што Инспекторатот при Локалната самоуправа направи напори да ги пронајде сопствениците на неконтролираното испуштање на домашни животни во Типската населба и со Записник да им наложи да не ги испуштаат повеќе на јавна површина, Тие и во текот на денешниот ден не се одзваа.
Утрово, Инспектоиратот издаде налог до јавното претпријатие, домашните животни, во случајов коњи, да ги отстрани од јавно прометните површини од Типската населба.
Воедно, се информираат сопствениците на домашните животни – коњи, дека најнапред треба да се обратат во Инспекторатот при Локалната самоуправа, а по издадденото Решение од нивна страна, ќе можат домашните животни да си ги земат од платото на ЈКП,, Комуналец’’- Прилеп, на ул ,, Трајко Николоски’’, бб – пишуваат од јавното претпријатие.