За бледиот лик на висок човек со брада, со коса поделена на средина, се верува дека му припаѓа на нашиот Бог Исус Христос. Рачниот зглоб има трага од округла рана настаната со прободување, а прободен му бил и градниот кош.
Торинскиот покрив е ленена ткаенина на која се гледа лик на човек за кој многу христијани во светот сметаат дека не е никој друг туку самиот Исус, создавачот на најбројната и најраспространетата религија на светот.
Ткаенината се чува во соборната црква Свети Јован Крстител во Торино, Италија, а прв пат во јавноста се појавила во втората половина од 14 век, но со сигурност може да се потврди дека ткаенината е многу постара.
Човекот е мускулест и висок. Некои процени покажуваат дека бил висок и до 188 центиметри. Црвенкастите дамки ги потврдуваат многубројните повреди на неговото тело, а форензичарите утврдиле и други работи.
На едниот зголб се забележува округла рана настаната со прободување, другиот зглоб не се гледа бидеќи е прекриен. Исто така има траги на повреди на челото, на стомакот и нозете, отечено лице…
Експертот за текстил Мехтилд Флури-Лемберг вели дека начинот на изработка на оваа ткаенина е идентичен со оној кој е пронајден во близина на тврдината Масада, во близина на Мртво море, а кој датира од први век.
Ф.Г.
