Навивачката група Мајмуни ги повикува своите членови и фанови на ФК Победа Прилеп да дадат поддршка на натпреварот од втората фудбалска лига против Тетекс, утре сабота 02.04.2016 година.
Натпреварот ќе се одигра во Турново со почеток од 16:00 часот, а организиран е превоз од пред Реклами во 13:00 часот.
Фудбалерите на Победа минатиот викенд ги вратија шансите за пласман во Првата фудбалска лига, со победата над Македонија Ѓорче Петров на гостински терен, со резултат 1-3.
Натпреварот со Тетекс е можеби најголемиот тест за Победа, бидејќи е против еден од главните фаворити и лидер на табелата во втората лига.
А.Г.
