Манастирот Св. Илија Писокал во село Кален, мариовско, се подготвува за празникот Св. Константин и Елена, за кога се очекуваат голем број верници.
За забавата во недела ќе се погрижат група “Плетенка” и фолк пејачот Спасен Силјаноски.
Вечерната литургија во недела започнува во 18:00 часот, а утринската во понеделник во 08:00 часот.
Неуморните раце на иницијативниот одбор од манастирот постојано работат, а во пресрет на празникот тие дополнително го разубавија местото.
Поставено е осветлување во дворот, а направија и големо македонско знаме кое ќе ги пречекува гостите.
Во манастирот се гради и камбанаријата, а се уредува и секое ќоше наоколу.
Луѓето од иницијативниот одбор прават вистински чуда, па од ова светилиште направија пријатно место за одмор, молитва и уживање во живописната природа.
Во пресрет на празникот Св. Константин и Елена, тимот на најдоброто фото студио во Прилеп, “ФОТО ДАНО”, изработија и прекрасно видео од манастирот.