На крајот од денешниот празничен ден кога го сумираме бројот на учесници во Бадниковите поворки низ сите 40 градови и населени места низ Македонија, каде од устите на децата радосно се пееше “Вечниот Бог”, со голем восхит можеме да констатираме дека сите очекувања се надминати – напишаа на крајот од вчерашниот ден од Здружението “Бадникови поворки”.
“Бројот на деца-учесници денеска надмина над 15 илјади со што Македонија и дефинитивно може да се пофали дека ја има највеличествената прослава на Бадник, не само на Балканот туку и пошироко.
Во деновите што следуваат, ќе ви ги полниме очите и душите со прекрасни фотографии и видео материјали од целата наша Татковина.
Во овој момент, само сакаме да ви се заблагодариме за сета изобилна љубов и радост!
За многу години! Христос се Роди!”.