Започнува професионалната кариера на прилепскиот боксер Трајче Илиоски: Во Тетово ќе се случува бокс спектакл

Во Тетово на 17 април, во организација на боксерскиот клуб “Шкендија Но Лимит”, ќе се одржи професионална боксерска ревија.

На ревијата ќе се одржат 6 професионални борби од кои две со македонски боксери.

Лулзим Исмаили во супер велтер ќе се бори во 10 рунди против Јасмин Данановиќ од БиХ за Евроазиска титула во верзијата W.B.F.

А Трајче Илиоски во супер велтер категорија, ќе дебитира против Рамиз Џафиќ од БиХ во 4 рунди.

Настанот ќе биде без публика, а ќе биде емитуван на лајф стрим.

– Можам да кажам дека Трајче Илиоски е во одлична форма. Се спремаме веќе 8 месеци со програмски тренинг. Ќе одиме на победа, првата борба во профи рингот е многу битна. Целта ни е Трајче да победи, па потоа ќе размислуваме и за втора борба, истакна Дарко Чатлески, тренер на Трајче Илиоски.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.