Го освои секој гренд слем по 3 пати, а сега кажа збогум: Со солзи и громогласен аплауз Серена Вилијамс се прости од тенисот (Видео)

од страна на
markukule
-

Американската тенисерка Серена Вилијамс ја заврши кариерата со пораз во третото коло од УС Опен.

Вилијамс имаше добар натпревар, но сепак загуби од Хрватката Ајла Томљановиќ со 7:5, 6:7 (5), 6:1 во играта која траеше три часа и пет минути.

Додека при разделбата ја поздравуваше публиката мавтајќи преку звучниците одекна познатата песна на Тина Тарнер „Simply The Best“.

Серена во солзи им се заблагодари на семејството, тимот, публиката и многубројните обожаватели на поддршката сите изминати години.

-Не би била јас Серена, да не беше Венус. Па затоа ти благодарам Венус. Таа е единствената причина зошто Серена Вилијамс некогаш постоела. Не знам што да кажам, со солзи изјави Серена.

Вилијамс го освои секој гренд слем во сингл барем по три пати, единствена е во историјата (и меѓу тенисерите) која ги има освоено сите гренд слемови и во сингл и во двојки.

Има четири злата од Олимписки игри, а освоила вкупно 93 титули во кариерата.



Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ПОВРЗАНИ НАПИСИПОВЕЌЕ ОД АВТОРОТ