Денеска во Прилеп православните верници го одбележуваат празникот Св. Архангел Михаил. Делегација на општина Прилеп го посети манастирот Свети Архангел Михаил, во населбата Варош, кој денеска го одбележува својот патрон празник, односно славата на манастирот.
Неодамна овој манастир доби и нов конак на источниот дел од комплексот кој треба да биде наменет за посетители и туристи.
За развој на манастирскиот туризам, кој полека станува препознатлив бренд за Прилеп, беа изградени и асфалтни патишта до манастирите Зрзе и Трескавец, а во манастирскиот комплекс Зрзе беа изградени и нови конаци. Конаците во манастирот Трескавец се во тек на градба, а во овој манастир се работи и на подготовка на проектот за реконструкција на црквата, старата трпезарија, магерницата и магерничкиот конак.
