Пожарите во крушевско сеуште се активни. Пожарот во утринските часови повторно се активира во потегот кон с.Алданци заради силен ветер.
Екипи за гаснење во моментов делуваат на терен, соопштуваат од Центарот за управување со кризи.
Активен е уште еден пожар на потегот кај селото Подвис – пренесува “Радио Пела”.
Гори ниска дабова шума, сува трева и стрниште. Опфатена е површина од околу 100 Ха. На припомош на ТППЕ Крушево, се екипите од ТППЕ Кривогаштани, ТППЕ Прилеп, како и лица од ПШС „Липа“ Крушево.