Додека лондонскиот облакодер од 27 ката горел, очевидците го опишувале стравичниот настан. Од зградата се слушале страшни звуци, луѓе скокале од прозорци, а една мајка од десетти спрат го фрлила бебето во обид да го спаси. За среќа, бебето го фатил некој од луѓето кои стоеле пред зградата.
“Луѓето започнаа да се појавуваат на прозорците и да врескаат, а една жена со гестикулација најави дека ќе го фрли бебето, молејќи некој да го фати… Еден човек се стрча и успеа да го спаси”, вели очевидецот Самира Ламрани.
Како што наведуваат луѓето кои стоеле пред зградата, се обиделе да ги смират станарите кои останале заробени внатре, говорејќи им дека службите прават се што можат.
Ф.Г.
