Вчера инспекција ни дојде на Скопско штандот, не казнија 600 000 ден, денеска сите работници на Скопско не испуштија
— Лудиот Ван Бетовен (@betoven985) July 16, 2017
Инспекциски службеници на УЈП од целата државата изминатите 4 дена беа стационирани во Прилеп и ги тресеа локалите, дуќанџиите, пазарџиите, угостителите, паркинг редарите и штандовите на фестивалот на скарата и пивото.
Сопствениците се жалеа дека УЈП ригорозно се однесувала и барала влакно во јајцето.
“Пиво Фест” е вистинска можност за сите овие луѓе да заработат, некои за корка леб, некои повеќе, но очигледно многумина не успеаа.
На социјалните мрежи се прошири информација дека штандот на Скопска Пивара добил дебела казна од УЈП, која изнесувала 600.000 денари или 10 илјади евра.
За присуството на инспекторите на штандот од Скопска Пивара не известија и наши читатели кои ни ги испратија овие фотографии.
Граѓаните прашуваат: “Дали овие проверки беа само дел од работните обврски на Управата за јавни приходи, или некој свесно се обиде да го сруши фестивалот во Прилеп, кој е најголемото случување во годината во државата?!”
A/Г/
