Двајца возачи се тешко повредени во сообраќајната несреќа која вчера околу 20 часот се случи на магистралниот пат Ресен-Охрид, кај селото Крушје.
Од полицијата информираат дека во несреќата учествувале „Лада“ во вевчански регистерски ознаки управувана од 39-годишниот С.П. и автомобил „Опел“ со охридски таблички управуван од 42 годишниот охриѓанец Љ.Ч.
Во несреќата со тешки повреди се здобиле двајцата возачи, Љ.Ч. бил пренесен во „Св. Еразмо“ од каде по укажаната лекарска помош е препратен во Клиничкиот центар во Скопје, додека С.П. е пренесен и задржан на лекување на битолската болница.
Сообраќајот до завршувањето на увидот беше во прекин во двата правци.