ОД НОВА ГОДИНА ПРИЛЕПЧАНИ ЌЕ ПИЈАТ 30 % ПОСКАПА ВОДА ?!

Ништо од ветувањето на СДСМ и Јованоски за 20% пониски сметки за вода за пиење за прилепчани.

Ветувањето кое беше приоритет во нивната “програма” и со кое прелагаа голем број прилепчани, се чини дека било само популизам и ништо повеќе.

Решението за утврдување на тарифи за водни услуги донесено од Регулаторната комисија на Република Македонија за ЈКП Водовод и канализација Прилеп предвидува 30 % поскапа вода за пиење од 01.01.2018 година.

Имено, според решението донесено на седница одржана на 24.11.2017, а објавено на 29.11.2017, за ЈКП Водовод и канализација Прилеп се утврдува просечна тарифа за водната услуга снабдување со вода за пиење или водоснабдување и тоа:

1.За 2018 година во изност од 33,51 ден./м3,

2.За 2019 година во износ од 34,24 ден./м3

3.За 2020 година во износ од 34,65/м3

Во само еден месец од мандатот на новиот градоначалник на Прилеп Илија Јованоски, се демаскираа сите лаги и ветувањата за така наречен “подобар живот за прилепчани”.

Aко со 30 % повисоки сметки за вода за пиење доаѓа животот, тогаш нека ни е наздравје.

Интересно ќе биде да се види како тогаш ќе изгледаат фамозните ветувања за спортски комплекс, затворен базен, гасификација на Прилеп, производство на биогас, двете ветени обиколници……




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.