Пивофестивалското јубилејно 15-то издание во Прилеп се ближи кон својот крај. Изминатите дена донесоа незаборавно дружење и забава. Фестивалот на скарата и пивото во Прилеп и понатаму останува најмасовното случување во државата. Присутни се гости од сите страни на државата, регионот и странство, организацијата е перфектна, а атмосферата громогласна.
Вечерва следува големото финале на фестивалската сцена, каде вечерта ќе започне со “Тајфата” и Димитар Андоновски, следуваат Џамбо и оркестар “Агушеви”, а градот ќе згрми кога на сцената ќе застане гостинката од Хрватска, мега ѕвездата Северина.
На официјалниот прес денеска водителката на фестивалот Марјана, градоначалникот Марјан Ристески и Талија Петреска од организаторите “Центарот за граѓански иницијативи” го најавија мега спектаклот кој следува вечерва со почеток од 21:00 часот.
А/Г/