Според календарот на МПЦ (Јулијанскиот календар) денеска е 3 февруари.
Денеска е Св. Симеон Богопримец и св. пророчица Ана.
Црквата сочувала еден благочестив обичај, во деновите после големите празници да ги слави оние личности што учествувале во тој празник. Поради тоа, веднаш после празникот Сретение се слават свети Симеон Богопримец и света пророчица Ана. Тие се првите луѓе што го познаа Помазаникот Божји, или Христос, во смирениот човек Исус.
На овој голем празник се верува дека треба да се помолите на овие светци за среќа и здравје на најмладите, а доколку тоа го направите од срце, тие ќе им подарат здравје, благосостојба и среќа во животот. Затоа утрово поранете во црква, запалете свеќа и помолете се.