Крушево и ова лето ќе живее во знакот на културата, уметноста, музиката и младинската енергија. Од 11 до 18 јули, највисокиот град на Балканот ќе биде домаќин на фестивалот „Крушево Будно 2026“, кој низ осум дена ќе понуди разновидна програма за сите генерации.
Градоначалникот на Општина Крушево, Нико Чонески, преку социјалните мрежи ги покани граѓаните и посетителите да бидат дел од фестивалот.
„Крушево отсекогаш било место каде што се создаваат убави приказни. Ова лето, уште една таква приказна започнува со „Крушево Будно“. Од 11 до 18 јули нашиот град ќе биде исполнет со музика, театар, филм, креативност и младинска енергија. Најголемата вредност на овој фестивал не е само богатата програма, туку луѓето што ќе се соберат, ќе се дружат, ќе разменуваат идеи и ќе создаваат нови спомени“, порача Чонески.
Тој истакна дека фестивалот претставува резултат на посветената работа на Младинскиот совет, чија енергија и идеи даваат значаен придонес во развојот на младинскиот живот во Крушево.
Во текот на осумте фестивалски денови посетителите ќе имаат можност да уживаат во театарски претстави, концерти, DJ настапи, филмски проекции на отворено, работилници, современ танц и бројни креативни активности, кои ќе се одржуваат на повеќе локации низ градот.
Програма – „Крушево Будно 2026“
📅 11 јули (петок) – Opening Night
20:30 – Театарска претстава „Нирвана“ со Валентин Дамчевски и Вероника Ефтимова
📍 Летна сцена при НУ Центар за култура
📅 12 јули (сабота) – Midnight Beats
21:00 – 23:00 – 5 Без 5
23:00 – 01:00 – DJ Galoski
📍 Градски парк
📅 13 јули (недела) – Creative Moves Day
16:30 – Meet & Talk со сопствениците на Manifest Bar
18:00 – Работилница за модерен танц со Елена Николовска
📍 Manifest Bar
📅 14 јули (понеделник) – Heritage Day
17:00 – 19:30 – „Влашката култура“ – креативна работилница со Здружението „Тихе“
📍 Manifest Bar
📅 15 јули (вторник) – Cinema Under the Stars
20:00 – 22:30 – Филм на отворено
📍 Летна сцена при НУ Центар за култура
📅 16 јули (среда) – Adventure & Sunset Party
16:00 – 18:30 – Адреналински парк
18:30 – 21:00 – Sunset Party со Contru DJ
📍 Alto All Seasons Adventure, Станич
📅 17 јули (четврток) – Festival Night (Day 1)
21:00 – 23:00 – Lockdown Band
23:00 – 01:00 – Invictus Band
01:00 – 03:00 – DJ DoubleOne
📍 Градски парк
📅 18 јули (петок) – Festival Night (Day 2)
21:00 – 23:00 – DJ Totsilly
23:00 – 01:00 – DJ Chiko
01:00 – 03:00 – DJ Estephano
📍 Градски парк
Со богата програма што обединува култура, забава, уметност и дружење, „Крушево Будно 2026“ најавува уште едно незаборавно лето во еден од најубавите македонски туристички центри. Организаторите ги повикуваат сите љубители на добрата атмосфера да бидат дел од фестивалот и заедно да создадат нови спомени во Крушево.