Груевски: “Нашиот премиер деновиве е ептен ХАЈ”

Фејсбук статус на екс премиерот Никола Груевски:

XAЈ ГУДБАЈ

Нашиот премиер деновиве е ептен ХАЈ
Најави човекот уште пред една година, откако започна фамилијарен бизнис со садење мариxyана за медицински цели, па ни објаснуваше дека треба да ја легализираме мариxyаната за да бидеме сите XAЈ како што според него биле во Амстердам…

Пред неколку дена, кога беше помалку XAЈ, на Тв 24 кажа: “карикирам, можеби Груевски влегол во багажник на кола во подрум”. Тоа беше во духот на она од ноември лани дека “можеби” сум бил киднапиpaн. Неколку дена потоа за интервјуто за ФАЦ во Берлин му се видело XAЈ ако ги исфрли првите два збора, “карикирам”и “можеби”.

Јас знам дека во животот напамет не ми паднало да влегувам во багажник за било какви цели. Вистината ја знае и Заев. Заминав бидејќи во Македонија се водеа политички мотивирани процеси против мене во кои што однапред се знаеја пресудите нарачани од него лично, иако не постоеја никакви правни аргументи, никакво сторено кривично дело а според тоа ни докази. Заминав бидејќи во затвopoт ми подготвуваа линч. Вистината е дека заминав многу лесно и едноставно, а тој пред некој ден потроши четвртина од емисијата за отчет говорејќи за мене и како сум заминал, со лажење и фантазирање. Па потоа почна да го лаже и светот преку меѓународните медиуми.

Гледате, тој замислил дека сум заминал, како што неодамна слушнав дека кога беше во опозиција него го носеле и враќале тајно во една соседна држава ,,на консултации,,. Секој си тргнува од себе. Па веројатно си рекол: “ако можев јас да влегувам во багажник за да го сменам името, историјата и идентитетот, зошто пак не тој затоа што не ги смени …”.

Ама “XAЈ”треба да знае дека се ближи време за ГУДБАЈ. Оти народот не е баш XAЈ и разбира дека нашиов “XAЈ” штом отвори уста-лаже. Лаже полесно од што дише. Всушност не лаже само кога молчи . А најточно веројатно се изразуваат оние кои најдобро го разбираат и најдолго го знаат, струмичаните, кои велат “многу му меле устата”.

П.С. Насловот е позајмен од наслов на роман од Божин Павловски каде насловот нема исто значење ниту поврзаност со нашиот “јунак”.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.