Виртуелна прошетка низ кралската гpoбница кај прилепското село Подмол

3дружението “Концепт за култура” од Скопје, кое работи на промоција на културно историското наследство на Македонија, во соработка со Министерството за култура, се во процес на изработка на 40 виртуелни прошетки (20 цркви и манастири и 20 археолошки локалитети).

Во моментов целосно е подготвена виртуелна прошетка за археолошкиот локалитер “Павла чука” кај прилепското село Подмол, а набрзо ќе биде готова и за манастирот Св. Преображение во Зрзе.

Археолошкиот локалитет Павла Чука преставува ѕидана монументална гробница од македонски тип. Гробницата е делумно вкопана во карпа со ѕидана комора, предкомора, дромос и периметрален ѕид. Гробницата била покриена со нафрлена земја со што се создал тумул со дијаметар од околу 100 метри.

Била изградена во раната антика, а набргу била ограбена. За жал не знаеме за кого била наменета горобницата, но со својата монументалност, со сигурност може да се предпостави дека станува збор за многу важна личност со висок социјален статус.

Оваа гробница преставува уникатен пример во Република Македонија, а слични вакви гробници се откриени во Република Грција кај Пидна и најголемата гробница од овој тип откриена во Анфипол.

За да ја погледнете виртуелната прошетка притиснете ТУКА






Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.