ВИДЕО: Патка побарала помош од полицајци да и ги спасат пајчињата

1 (1)

Кога осум пајчиња паднале во канализација во Ванкувер, нивната мајка го направила она што би и секоја – побарала помош од полицајци кои се нашле во близина.

Реј Петерсон истакнал дека бил збунет кога видел како патката го влече за пантолоните додека патролирал.

-Прво ја оттурнав, но таа инсистираше, раскажува Петерсон.

Патката била упорна, го тегнела за пантолоните повторно кога сакал да си замине, а потоа отишла до канализацијата, седнала и чекала полицаецот да дојде.

-Отидов до местото каде лежеше патката и видов пајчиња во водата под решетката, додава полицаецот.

Со помош на дигалка решетката била крената, пајчињата извадени од канализацијата и заедно со мајката биле однесени на безбедно во блиското езерце.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.