Анѓушев: Се повлекувам од политиката оти драстично падна профитот во моите компании

Вицепремиерот Кочо Анѓушев се повлекува од политиката по изборите, без оглед на нивниот исход, најави во вечерашното гостување на ТВ Телма.

Анѓушев рече дека ќе им се врати на своите компании, каде што рапидно паднал профитот откако стана вицепремиер. Ова Анѓушев го изјави во емисијата Топ тема на Телма.

Како што изјави тој една од причините е тоа што неговите „најчесни намери да и помогне на државата не биле секогаш најдобро прифатени од граѓаните“.

– Кога прифатив да бидам дел од Владата моите намери беа најчесни, со знаењето што го имав стекнато, да и помогнам на државата. Но, за овој период приходите во моите компании опаднаа, а и профитите, некаде и до 50 отсто. Тоа е и заради моето отсуство. Ќе си го доработам мандатот, но бидејќи не сум член на ниедна партија, нема да продолжам со политиката, рече Аншушев.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.