Можеби е мало, но Кривогаштани знае да блесне со својата убавина! Деновиве, центарот на ова прекрасно пелагониско место доби посвеж и поуреден изглед, благодарение на акцијата за хортикултурно уредување што ја реализираа екипите на ЈП „Пелагонија“.
Со засадување ново украсно цвеќе и темелно средување на зелените површини, паркот и централното подрачје добија нова свежина, бои и поубав изглед.
Ваквите активности придонесуваат за поуредена и попријатна средина, во која жителите ќе можат да уживаат, а посетителите да понесат уште поубави впечатоци од Кривогаштани.
Малите промени прават голема разлика! Со внимание, грижа и љубов кон местото во кое живеат, и најмалите населени места можат да блескаат со посебна убавина.
