Лидерот на опозицијата, Христијан Мицкоски, како и актуелниот премиер Зоран Заев ќе се соочат во вторник. Тие ќе ги спротистават своите ставови и мислења во емисијата „Само Вистина„ на Канал 5 телевизија.
Дуелот започнува во 18:30 часот.
Како што објави Канал 5, двајцата политички лидери го потврдиле своето присуство.
Според концептот на Канал 5 телевизија, дуелот ќе трае 100 минути, со ограничување на одговорите на прашањата во траење од 2 минути, како и можност за размена на репилики и контрареплики.
Двајцата гости ќе добијат прашања на актуелни теми на кои граѓаните очекуваат одговори, а и самите ќе имаат можност да отворат по една тема.