Гаси жед, ама гаси и пожари…

Од 15. до 17. август ќе се одржи 15-то јубилејно издание на одличниот турнир во баскет 3X3 “Кире Гаврилоски – Jане”. Tри дена исполнети со страст, конкуренција и одлични натпревари!

Организаторите ги објавија термините и висината на котизацијата, која изнесува 1600 ден. за екипи под 17 години и 2000 ден. за екипи над 18 години.

Пријави ја твојата екипа во ИНБОКС на линкот во продолжение – бројот на екипи е ограничен!

⏳Пријавуването трае до 12 август!

Ова не е само турнир. Ова е традиција. Не го пропуштај петнаесетото поглавје на КГ3Х3!

https://www.facebook.com/photo/?fbid=122122515752928867&set=a.122122515782928867

На 31.07.2025 во ОВР Прилеп било пријавено дека во периодот од 16:30 часот на 27.07.2025 до 14:00 часот на 31.07.2025 со употреба на физичка сила и подесен алат било влезено во канцелариски простории во управна зграда од поранешна фабрика „11 Октомври – Еурокомпозит“ на ул.„Александар Македонски“ во Прилеп, при што биле одземени четири електромотори од хидраулична машина со електрични додатоци, кабли, инсталации и предмети од различни електронски уреди, два електромотори од фрижидер и две торби со повеќе метални предмети. Увид на местото извршила увидна екипа од ОВР Прилеп и се преземаат мерки за расчистување на случајот – информираат од МВР.

На 10 кандидати за пилоти избрани согласно Јавниот повик за обука денеска им беа врачени уверенија.

Директорот на Агенцијата за цивилно воздухопловство, Драги Стојаноски истакна дека Агенцијата ќе ги кофинансира нивните обуки за стекнување на пилотски дозволи.

-Агенцијата за цивилно воздухопловство ќе учествува во висина од 50 проценти од цената на чинење на овие обуки. Во повеќе наврати на средбите со министерот Николоски ја констатиравме како критична состојбата со воздухопловен персонал во Македонија. На овој начин покрај тоа што ќе создадеме нови воздухопловци, сметаме дека ќе ги раздвижиме активностите во спортиските клубови и спортските аеродроми кои низ годините соочувајќи се со проблеми, полека замираат, а кои во минатото биле основ за создавање на персонал од кој подоцна корист имале многу институции, вели Стојаноски.

Вицепремиерот и министер за транспорт, Александар Николоски нагласи дека ваквите проекти се потврда дека Македонија може и има капацитет да води големи проекти и да се врати самодовербата и достоинството кај народот.

-Тука сме да ги согледуваме состојбите и да ги решаваме. Ќе продолжиме со поддршката, да стимулираме. Важно е дека процесот е транспарентен и се надевам дека на следниот оглас ќе има уште поголем интерес и поголем број на пријавени кандидати. Се надевам и дека истите покрај ангажманот во државниот, ќе можа да бидат ангажирани и во приватниот сектор, истакна Николоски.

Тој посочи дека по стапувањето на оваа Влада на функција, воведени се нови 16 авио дестинации кон скопскиот аеродром, а најави дека наскоро ќе биде објавени уште.

Николски и Стојаноски додадоа дека во понеделник ќе биде објавен уште еден оглас за нови 9 кандидати.

Во пресрет на еден од најголемите музички настани ова лето на подрачјето на Битола, кој ќе се одржи во недела на 3 август на стадионот „Петар Милошевски“ во Битола, каде на концертот на Армин Ван Бјурен се очекуваат повеќе илјадна публика, СВР Битола упати апел до возачите в недела да се воздржат од управување на своите патнички возила.

Во соопштение за јавност, од СВР Битола нагласуваат дека заради големата фреквенција на луѓе и возила на подрачјето на Битола, граѓаните на Битола да се воздржат од управување на своите патнички возила, а особено ноќта на спектаклот.

Исто така, упатуваме апел до сите возачи учесници во сообраќајот, нагласуваат од СВР Битола, возачите да ги почитуваат посебните сообраќајни правила и да ги следат насоките на полициските службеници за паркирање.

Од СВР Битола очекуваат граѓаните в недела да се воздржат од управување на моторни возила со цел непречено одвивање на сообраќајот и реализација на настанот.

Сместено веднаш до градската болница во Прилеп, Brunch Box Cafe е тивко и пријатно катче кое нуди повеќе од само добра локација. Се издвојува по својата прекрасна летна бавча, совршено место за утринско кафе, ручек или опуштена вечера – далеку од градската гужва и врева.

Но, она што навистина ќе ве натера прво да ги посетите, а потоа и повторно да се вратите, се нивните обилни, домашни хамбургери подготвени со свежи состојки, полни вкус и сервирани со крцкави помфрити – и тоа по најповолни цени во градот!

🍔 Classic burger – 120 ден.
🧀 Cheese burger – 130 ден.
🥓 Bacon или Brunch burger – само 140 ден.

Покрај бургерите, во понудата ќе најдете и печени сендвичи, салати и тортилји – сè што ви е потребно за еден совршен оброк, секој ден.

Brunch Box Cafe – дојдете заради мирот, останете заради вкусот!

Посетете ги уште денеска, или нарачајте на телефонскиот број: 078 845 442.

Ве очекуваме со широка насмевка и полна чинија!

Над 150 коњаници од повеќе краишта на Македонија вчера пристигнаа во Крушево и добија топло добредојде од голем број крушевчани и гости, кои деновиве престојуваат во туристичките капацитети на градот.

Традиционално илинденските коњаниници беа пречекани со леб, сол и вино, а потоа се упатија на Гумење.

-Денес ја пречекавме илинденската коњаница во Крушево – симбол на борбата, храброста и непокорот на нашите предци. Илинден не е само историја, туку обврска кон иднината. Крушево и понатаму останува чувар на илинденскиот завет и идеалите за слобода, правда и достоинство. Им благодарам на сите коњаници за нивната пожртвуваност, горд сум што оваа традиција живее и се пренесува на младите генерации. Крушево ги отвора срцето и вратите за секој кој доаѓа со љубов кон татковината – напиша на ФБ градоначалникот на Крушево, Томе Христоски.

На 31.07.2025 во 14:00 часот на бул.„Гоце Делчев” во Прилеп, полициски службеници од ОВР Прилеп го лишиле од слобода С.Ѓ.(52) од с.Воѓани, прилепско. При контрола на патниот сообраќај, полициските службеници запреле возило „тојота” со прилепски регистарски ознаки, кое го управувал С.Ѓ., и по преземени мерки било констатирано дека е под дејство на алкохол, односно му биле измерени 1,79 промили алкохол во крвта.

Тој е задржан во полициска станица и по целосно документирање на случајот, против него ќе биде поднесена соодветна пријава по член 297-а од Кривичен законик- „безобѕирно управување со моторно возило”.

Авто делови Матадор од Прилеп објавува оглас за вработување на едно лице на позиција:

Продавач на авто делови

🔧 Потребни квалификации:

Претходно работно искуство со авто делови (задолжително)

Одговорност, комуникативност и тимска работа

📍 Локација: Прилеп
🕘 Работно време за контакт: Секој работен ден од 09:00 до 16:00 часот
📞 Телефон за контакт: 075 460 269

Доколку сте заинтересирани и ги исполнувате условите, Ве охрабруваме да се јавите и аплицирате!

Во Битола, во старата чаршија, на ул. “Нектариј Битолски”, (наспроти кафеаната “Бриони”), семејството Јовановски го отвори Здружението “Неурофидбек”.

Во Здружението ќе работи Филип Јовановски, долгогодишен професор по Македонски јазик, сертифициран од компанијата “Брејн амиго” – Бугарија за работа со хег апарат.

Станува збор за апарат кој го снабдува со крв предниот дел од мозокот на децата со аутизам, овозможувајќи поголема когнитивност и комуникативност.

Јованоски е сертифизиран и од “Унимедикал” – Скопје, за работа со берхингер логопедскиот сет, кој пак овозможува подобрување во изговорот на гласовите р, з, ж, л, ѕ кај типичните деца и подобрување во изговорот на секојдневните зборови кај атипичните деца, односно децата со аутизам.

Кај децата со аутизам најкорисна е комбинацијата од двата апарати. Канцеларијата работи само на повик на телефонскиот број 076 888 674 каде што можете да си закажете бесплатна консултација.

Да им посакаме успех во работата и преку нивната благородна цел, да помогнат на што повеќе дечиња во подобрување на нивниот развој.