„Вистинска парада на гордоста” – под овој слоган вчера по трет пат битолчани маршираа низ Широк Сокак.
Голем број битолчани, а пред се млади луѓе го поддржаа овој марш и порачаа семејство формирано од мајка и татко има загарантирана иднина.
-Тоа се вредности дадени од Бога и вредности по кои треба да ги воспитуваме нашите деца и идните наши генерации после нас во духот на нашата ПРАВОСЛАВНА ХРИСТИЈАНСКА вероисповед – порача Игор Петковски, еден од организаторите на маршот.
Православните христијани денеска го одбележуваат празникот Педесетница – Слегување на Светиот Дух (Духовден). Педестница спаѓа меѓу големите Господови празници. Меѓу народот е познат со повеќе имиња, како Дуовден, Доедни, Свети Дух, Педестница итн.
Се празнува десет дена по Спасовден (Вознесение Христово), а педесет дена по Велигден (Воскресение Христово). Духовден го означува слегувањето на Светиот Дух врз апостолите, или како што го нарекуваат светите отци „Роденденот на Црквата“. На 10-тиот ден од Христовото вознесение, а на 50-тиот од Неговото воскресение, на еврејскиот празник Педесетница, Светиот Дух слезе врз апостолите во вид на пламени јазици, а тие се исполнија со сила и добија дар да зборуваат на разни јазици.
За црквата овој настан има посебно значење затоа што Светиот Дух од тоа време, па се до денес не ја напушта и непрестано слегува врз црквата на литургијата, во молитвите, во сите дела. Тој е оној Дух по кој христијанскиот живот се нарекува духовен. Педесетница е еден од најсветлитe празници во христијанството и претставува исполнување на старозаветните пророштва. Во Стариот завет луѓето знаеа само за Бог, со раѓањето на Христос го видоа Единородниот Син, а на Педесетницата го запознаа третото лице на Света Троица – Светиот Дух.
Министерот за градежништво, транспорт и инфраструктура на Србија, Горан Весиќ, го претстави новиот брз воз и истакна дека тој е најмодерниот воз во Европа, со кој од Белград до Будимпешта ќе се оди за три часа, бидејќи ќе вози со 200 километри на час – oбјави “ЕКСПРЕС.МК”
„Дали знаевте дека наскоро ќе можете да стигнете до Будимпешта за помалку од три часа со овој брз воз. Јас сум во најновиот брз воз што ќе сообраќа од Белград до Будимпешта. Ова е најмодерниот воз во Европа и ќе оди со брзина од 200 километри на час кога ќе тргнете од Белград во Будимпешта Овој воз е единствен во светот бидејќи има свои литиумски батерии и ако снема струја може да се вози 10 километри со брзина од 30 километри на час најбрзите возови во Европа“, рече Весиќ.
Министерот додаде дека до Ниш ќе се оди за помалку од 100 минути, а од Белград до Скопје ќе се патува за два часа.
На употребата на името Македонија и тоа како што пишуваат „трипати“, грчките медиуми го ставаат акцентот во текстовите за говорот во Собранието на мандатарот за нова Влада Христијан Мицкоски, а дел од информативните портали коментираат дека станува збор за „нова провокација“, јави дописничката на МИА од Атина.
Онлајн изданијата на медиумите, во главно ја пренесуваат веста од грчката новинска агенција АНА-МПА што е под наслов „Северна Македонија: Христијан Мицкоски ја нарече земјата „Македонија“ во експозето како мандатар за неговата Влада“, а во текстот е објаснето дека во Собранието започна дводневната седница за избор на Владата „која ќе ја води десничарското ВМРО-ДПМНЕ со премиер, лидерот на оваа партија Христијан Мицкоски“.
-Идниот премиер Христијан Мицкоски при експозето за програмата на Владата што ќе ја предводи, земјата, и тоа трипати ја нарече „Македонија“, без да го користи уставното име на државата, пишува АНА-МПА, а се осврнува и на делот за надворешната политика, пренесувајќи дека Мицкоски „ја повтори поддршката на неговата земја за Украина, а спомена дека неговата влада ќе негува односи на соработка со соседните земји“.
Грчката новинска агенција потсетува на неодамнешната изјава на Мицкоски дека „на инаугурацијата на неговата влада ќе го користи уставното име на државата“.
На 19.06.2024 во 20:20 часот на ул. “Васко Карангелески” во Прилеп, полициски службеници од ОВР Прилеп го лишиле од слобода Б.Д. (39) од Прилеп, затоа што физички нападнал полициски службеник кој извршувал службени дејствија и затоа што претходно Б.Д. го нарушил јавниот ред и мир со физички напад врз неговиот брат.
По целосно документирање на случајот против него ќе биде поднесена соодветна пријава – информираат од СВР Битола.
Велосипедистите на В.К. & Сервис ИЛИНДЕН од Прилеп не престануваат да редат успеси. Вчера на Држаното првенство хронометар “СТОБИ 2024” во Велес, Константин Костоски го освои првото место во категорија на кадети и по којзнае кој пат се искачи на највисокото место на пиедесталот.
Влатко Лозаноски беше третопласиран во категорија Мастерс, Андреј Маџоски заврши на петтото место.
За жал Маџоски ден пред трката добил труење со храна, па ова петто место може да се каже дека е рамно на успех.
Утре пат се вози Државното друмско првенство, а прилепчани повторно ќе атакуваат на медали.
Синоптичарите за утре попладне и во текот на следната недела најавуваат честа појава на пороен дожд и грмежи. Локално процесите ќе бидат во форма на невреме со интензивен пороен дожд, силен ветер и град.
– Ќе се задржи топлото време, но со постепено опаѓање на дневната температура, велат синоптичарите.
Во Скопје, во следните денови во попладневните часови ќе биде нестабилно со пороен дожд и грмежи, а во делови од котлината ќе има услови за појава на невреме со интензивен пороен дожд, силен ветер и град.
Додека во Собранието трае дебатата за избор на новата Влада, Маркукуле ексклузивно дознава дека Прилеп сепак ќе има свој претставник во владиниот состав на Мицкоски.
Според неофицијални информации градот под Марковите Кули ќе добие заменичко министерско место.
Засега не се познати деталите и имињата на замениците министри се’ уште не се откриваат.
Инаку, во Собранието денеска со почеток од 11 часот започна седницата за избор на новата влада, предложена од мандатарот и лидер на ВМРО-ДПМНЕ Христијан Мицкоски.
По поднесувањето на предлогот за состав на владата и програмата за нејзината работа на 18 јуни, Мицкоски изјави дека очекува расправата за избор на владата да заврши во недела до полноќ, a од понеделник веќе да почнат со работа. Предложените членови на владата, како што изјави, се мотивирани веднаш да постигнат резултати, да го вложат масимално нивниот капацитет, бидејќи граѓаните имаат големи очекувања. Најави дека ќе води бескомпромисна борба со криминалот и ќе нема толеранција за никого, без разлика од која партија доаѓа злоупотребата. Посочи и дека младите ќе бидат во фокусот на работењето на новата влада.
Собранискиот Деловник предвидува седницата за избор на Влада да трае најмногу два дена.
Мандаторот ја образложува програмата и предлогот за состав на Владата, по што во Собранието се води единствен претрес.
Гласањето за избор на Владата се врши по предлогот за состав на Владата во целина, со јавно гласање. Гласањето се врши по завршување на претресот, најдоцна во 24:00 часот, а владата е избрана ако за неа гласале мнозинството од вкупниот број пратеници.
Претседателот на Собранието потоа го известува претседателот на Републиката за изборот на Владата.
Парламентарното мнозинство кое се очекува да ја поддржи новата Влада во законодавниот дом брои 78 пратеници – 58 од коалицијата на ВМРО-ДПМНЕ, 14 од Вреди и шест од ЗНАМ.
Новата Влада што ја предлага Мицкоски ќе брои 24 члена. Покрај премиерот, ќе има уште 23 вицепремиери и министри, од кои 20 со ресор. Мицкоски ќе има пет заменици односно вицепремиери, а еден од нив ќе биде „прв вицепремиер“.
Во владиниот кабинет, 15 членови се од коалицијата предводена од ВМРО-ДПМНЕ, шест од коалицијата Вреди и двајца од ЗНАМ.
Досегашниот технички министер за внатрешни работи Панче Тошковски е предложен за министер во овој ресор, за надворешни работи и надворешна трговија актуелниот градоначалик на Општина Аеродром Тимчо Муцуски, а за финансии потпретседателката на ВМРО-ДПМНЕ Гордана Кочоска Димитриеска. За заменик претседател на Владата и министер за транспорт е предложен партискиот потпретседател и пратеник во повеќе мандати Александар Николоски, во ресорот одбрана пратеникот и поранешен министер за транспорт Владо Мисајловски, а за информатичко општество и дигитална трансформација е предложен досегашниот дополнителен заменик министер во овој ресор Стефан Андоновски. Министер за локална самоуправа ќе биде поранешниот директор на ЈП „Водовод и канализација“ Златко Перински кој во изминатиот период го водеше и кабинетот на Мицкоски.
Во новоформираното Министерство за енергетика, рударство и минерални суровини е предложена Сања Божиновска, актуелен член на ИК на ВМРО-ДПМНЕ и експерт во енергетиката, Цветан Трипуновски во земјоделство, шумарство и водостопанство, Весна Јаневска во образование и наука, во Министерството за култура и туризам актерот Зоран Љутков, а во Министерството за спорт ракометарот Борко Ристовски.
Вицепремиерски места ќе имаат и коалициските партнери Социјалистичката партија и Демократската партија на Србите. Љупчо Димовски, претседателот на СП ќе биде вицепремиер и министер за политички систем, а Иван Стоиљковиќ, претседателот на ДПС вицепремиер задолжен за односи со заедниците, додека Шабан Салиу ќе биде министер без ресор задолжен за интеграција и имплементација на декадата на Ромите.
За министер за животна средина и просторно планирање и заменик претседател на Владата е предложен Изет Меџити од коалицијата Вреди, за министер без ресор и заменик претседател на Владата задолжен за добро владеење е предложен Арбен Фетаи, за министер за здравство Арбен Таравари, а Орхан Муртезани е предложен за министер за европски прашања, додека за министер за социјална политика, демографија и млади е предложен Фатмир Лимани, а за министер за економија Бесар Дурмиши.
Од Движењето ЗНАМ предложени се Игор Филков за министер за правда и Горан Минчев за министер за јавна администрација.
4
Овој пат “Керов продукција” навистина направи огромен гест за целата македонска јавност, за кој вреди да им честитаме.
Со досега невидено најголем GIVEAWAY во свадбениот свет, кој некогаш се случил во Македонија.
Секоја чест!
Целиот процес на GIVEAWAY се одвива на ИНСТАГРАМ, па ви препорачуваме да се придружите на овој голем настан, следете ги правилата кои се во описот на објавата.
-На 21.06.2024 во 22.30 часот на бул.„Гоце Делчев“ во Прилеп, полициски службеници од ОВР Прилеп ја лишиле од слобода С.К.(28) од Прилеп.
Имено, претходно таа пријавила дека била физички нападната од К.„Н“ од Прилеп, а при интервенција на полициските службеници таа физички нападнала еден од нив. С.К. била приведена во полициска станица и по целосно документирање на случајот ќе следува соодветна пријава – информираат од СВР Битола.
