Најпознатите прилепски рокери, THE HOUNDS го најавија концерот за својот 17. роденден, кој веќе традиционално се одржува во срцето на прилепската Стара чаршија, во клуб “Калинка”.

Фото/Филип Ѓорѓиоски

-Поминаа 17 години откако прв пат почнавме да свириме во овој состав, како The Hounds. Безброј настапи, насмеани лица и распеани луѓе не следат насекаде каде настапуваме, за што сме преблагодарни.

Затоа, со гордост и чест ве каниме на нашиот годишен роденденски концерт, на 13ти Август во 21:00ч во срцето на старата Прилепска чаршија пред клубот Калинка!

Поканети сте сите, заедно со нашите пријатели уметници ќе направиме ноќ што долго ќе се памети и ќе го одбележи ова лето, ноќ што полека преминува во традиционално собирање на целиот град, а и луѓе од цела Македонија на едно место.

Од утре ви ги најавуваме сите гости на настанот! Ние сме мотивирани и посветени како никогаш до сега. Ви благодариме за се,
ние сме The Hounds и свриме само за ВАС – стои во поканата за концертот на социјалните мрежи.

ИНСТАЛАЦИЈА НА ИНОВАТИВЕН, ЕФЕКТИВЕН И ЕФИКАСЕН СИСТЕМ ЗА ЛАДЕЊЕ НА ПРОСТОРИИТЕ ВО КОИ СЕ СМЕСТЕНИ ОСУДЕНИ ЛИЦА ВО КПД ПРИЛЕП – ИНИЦИЈАТИВА И РЕАЛИЗАЦИЈА ОД ОСУДЕНИ ЛИЦА СО ПОДДРШКА ОД УСТАНОВАТА

Во Казнено-поправниот дом Прилеп, успешно е реализиран иновативен проект за климатизација на 16 простории во кои се сместени 80 осудени лица, со цел обезбедување пријатна и комфорна клима во летните месеци. Особената вредност на овој проект лежи во фактот што иницијативата, концептот и реализацијата се резултат на трудот и знаењето на самите осудени лица, со целосна поддршка од управата на установата и логистичка помош од надворешни партнери.

Опис на проект:

-Инсталација на 16 внатрешни единици од клима-уреди, кои се обезбедени како донација;
-Разработка и примена на ефикасен систем за ладење кој користи техничка вода од сопствен бунар како носител на ладење;

Опис на системот: Се користат внатрешни единици од стандардни клима-уреди, кои се поврзани со специјализирана инсталација за довод и одвод на техничка вода. Наместо користење на фреон и компресорски единици, системот ја искористува ниската температура на водата за ладење на воздухот во просториите.

Функционалност: Со циркулација на техничката вода низ единиците, топлиот воздух се разладува благодарание на ладната вода, која потоа повторно циркулира во системот.

Филтрација: На влезот на водата во системот се поставени соодветни уреди за филтрација, кои обезбедуваат чиста и безбедна вода за непречено и долгорочно функционирање на системот.

Технички предности, бенефити и трошок за прокет:

Температурата на воздухот во просториите се намалува до 17°C, овозможувајќи хумани услови во најтоплите месеци,
Вкупната електрична потрошувачка за внатрешните единици и циркулациона пумпа изнесува околу 912 kWh месечно,
Месечниот трошок за електрична енергија е приближно 6.455 денари (со вклучен ДДВ),
Вграден е филтер за прочистување на техничката вода пред нејзиното пуштање во системот,

Материјалите за системот чинат 40.000 денари, кои се обезбедени од страна на установата – со што проектот е целосно поддржан финансиски.

Со овој проект:
Се подобруваат условите за живот на осудените лица,
Се поттикнува нивна активна вклученост и развој на практични вештини,
Се демонстрира успешна примена на еколошки и одржливи решенија,

Се потврдува успешна соработка меѓу установа, осудени лица и надворешни партнери.

Планови за иднина:

Во наредниот период, се планира инсталација на уште 14 клима-единици во останатите простории,

Планирано е унапредување на системот со затворен систем за ладење користејќи антифриз, со што ќе се обезбеди уште поефикасна и стабилна работа на системот без загуба на течноста.

-Голема благодарност до сите осудени лица кои се вложија во реализацијата, како и до поддржувачите и донаторите кои го препознаа значењето на овој проект – напишаа од Управата за извршување на санкции на социјалните мрежи.

“Бољи живот” е името на песната која прилепскиот рапер Андреј Јовановиќ – Дре ја сними заедно со браќата од “Пука козметика” и диџеј Славе.

Песната носи моќни стихови и силни пораки, а видеоспотот има одлична кореографија. Текстот е дело на тројцата рапери, а за музиката и аранжманот се погрижи Дре.

Песната се снимаше во студио “Алшар”, a за камерата и режијата се погрижи Катерина Јорданоска.

Слушнете во продолжение:

-На 03.08.2025 во 19:20 часот во ОВР Прилеп било пријавено дека во населба „Тризла“ во Прилеп, било пронајдено целосно опожарено патничко возило „рено меган“ со прилепски регистарски ознаки, сопственост на С.П.(57) од Прилеп, кое претходно, истиот ден, било пријавено дека било одземено. Се работи на расчистување на случајот – информираат од МВР.

На 8 август 2025 / петок/ од 19.30 часот, на платото пред ЦК „Марко Цепенков“ ќе се одржи Вечер на унгарски танци и песни, на која ќе настапат фолклорниот ансамбл Ризгетош и оркестарот Фокош. Концертот, кој е повеќегодишна традиција, е дел од пограмата на Центарот, од меѓународна соработка, а се реализира заедно со Здружението на Унгарците Теледом- Македонија, Амбсадата на Унгарија во земјава и Министеството за надворешни работи на Унгарија.

Податоци за изведувачите:

Народниот оркестар од Kishegyes – Rizgetős основан е пред 30 години. Членовите на друштвото се млади, заинтересирани за зачувување на унгарските народни обичаи, култура и народни танци. Во изминатите 30 години со Друштвото работеле најголемите познавачи од Унгарија, благодарејќи на што Друштвото е во постојан развој. Покрај автентичните народни танци, се занимава и со танцовен театаr. Големо внимание посветуваат на постојан развој и зачленување на нови млaди членови. И сега е во тек вклучувањето на една млада, нова генерзција во Друштвото. Секоја година учествуваат на познатиот војводински фестивал за народни танци Gyöngyösbokrа, и по мислењата на стручната фела со години наназад се сметаат за едни од најистакнатите унгарски народни ансамбли од Војводина. Од 2005та година редовно учествуваат на најелитните натпревари за народни ансамбли во Унгарија каде во 2007, 2009, односно 2011та се оценети со оценка за највисок квалитет . Во 2012та се добитници на плакетата Mартин. Главните кореографи на ансамблот се Паќерек Чаба (Patyerek Csaba) и Јовановиќ Паќерек Река (Jovánovity Patyerek Réka)

Народниот оркестар Фокош (Fokos) е формиран во 2010-та во Бечеј- Бојводина.

Во 2012-та година на фестивалот за млади талени “Fölszállott a páva” организиран од Унгарската национална телевизија – “DunaTV” Телевизија стасаа до полуфиналето, благодарејќи на што од градот Бечеј се одликувани за ширење на добриот глас за градот. На овој натпревар ја освоиле и посебната награда за најавтентичеn оркестар, за што добиле 50 часовно наградно студиско снимање во Будимпешта со снимање авторско ЦД. По ова имаат објавено уште 5 ЦД носачи. Во 2018та година оркестарот повторно учествувал на фестивалот “Fölszállott a páva” и тогаш победил во својата категорија. Досега покрај во Војводина и во Унгарија имат дадено концерти и во Македонија (2020 година настапуваа и пред прилепска публика), но и во Австрија, Чешка, Германија, Финска, Белгија Холандија и Велика Британија. Во 2018-та и 2019- та гостувале и во САД.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,24 % во однос на одлуката од 28.7.2025 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,201%, кај дизелот намалувањето е за 3,334%, кај екстра лесното масло намалувањето е за 3,502% и кај мазутот зголемувањето е за 0,626%.

Курсот на денарот во однос на доларот во изминатиот период по кој беа формирани цените со претходната пресметка е повисок за 1,0266%.

Од 5.8.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 75,00 (денари/литар)
Моторен бензин ЕУРОСУПЕР БС – 98 77,00 (денари/литар)
Дизел гориво ЕУРОДИЗЕЛ БС (Д-Е V) 69,50 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 39,945 (денари/килограм)

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит.
Малопродажната цена на Мазутот М-1 НС се зголемува за 0,533 ден/кг и сега ќе изнесува 39,945 ден/кг.

Напоменуваме дека ова се максималните цени на нафтените деривати од 00:01 часот на 5.8.2025 година.

Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

До градската болница во Прилеп, се наоѓа едно топло и гостопримливо катче каде денот започнува со мирис на кафе и свежо приготвен доручек. Brunch Box Café не е само кафе – тоа е доживување што буди, инспирира и храни.

Нивната понуда за појадок е комбинација на вкусна традиција и креативност во чинија. Без разлика дали го преферираш класичниот омлет, богат англиски доручек или нешто поразлично како омлет во тортиља – кај нас секој ќе го најде своето утринско совршенство.

Што може да доручкуваш во Brunch Box Cafe?

🍳 Класик омлет (шунка, кашкавал) – само 120 ден.
🥩 Брaнч омлет (врат, кашкавал) – 140 ден.
🌯 Омлет во тортиља (шунка, павлака, кашкавал, салата) – 140 ден.
     Англиски доручек (јајца, врат, сирење, краставица, домат, кечап, мајонез) – 130 ден.

Ако ти се јаде нешто побрзо, но сепак вкусно:

🥪 Тост со шунка, кашкавал и помфрит – 100 ден.
🥩 Тост со врат, кашкавал и помфрит – 140 ден.
🥬 Веге кроасан (марула, салата, маслинки) – 70 ден.
🔥 Тостиран кроасан (шунка, кашкавал, павлака) – 80 ден.

Секоја чинија е внимателно сервирана, како што се гледа и на фотографиите – бидејќи веруваме дека убавото утро започнува со убава глетка и совршен залак.

Tимот на Bruch Box Cafe ве очекува во нивната летна бавча – место каде што мирисот на свежо кафе и звуците од природата го прават секое утро посебно.

Според православниот календар денеска е Св. мироносица Марија Магдалeна.

Света Марија Магдалена црквата ја нарече уште рамноапостолна, бидејќи беше првата што го виде воскреснатиот Христос и проповедаше за тоа. Инаку, потекнуваше од градот Магдала (по тоа е наречена Магдалена). Од неа Христос истера седум демони. Од тој момент таа толку го возљуби Господа што не се одвои од него дури ни при неговото распнување. По неговото воскресение едно време престојуваше во Ерусалим, а потоа му помагаше на свети Јован Богослов во проповедта на словото Божјо во Ефес, каде и го заврши својот земен живот. Во петтиот век моштите и се пренесени во Цариград.

Блага Марија, според народното верување е сестра на Свети Илија. Празникот посветен на Благата Марија многу е почитуван меѓу луѓето, посебно меѓу жените.

Спаѓа во неподвижни празници и иако не е обележан со црвено во црковниот календар, овој ден не треба да се работи, ниту дома, ниту на поле.

Се верува дека на овој празник жените кои одат во црква, палат свеќи и се молат само за една желба, истата ќе им биде исполнета.

Градоначалникот на општина Битола, Тони Коњановски и претседателот на Одбојкарскиот клуб „Пелистер Волеј“, Марјан Митковски, потпишаа договорот со кој општина Битола обезбедува финансиска поддршка за клубот, со цел поддршка на активностите, развојот и промоцијата на одбојкарскиот спорт во Општина Битола.

Општината со овој договор се обврзува да исплати финансиска поддршка на клубот во две еднакви рати по 2.000.000 денари од сезона.

Првата рата ќе се исплати за сезоната 2025/2026, а втората за сезоната 2026/2027.

Средствата ќе бидат наменети за: трошоци за натпревари, купување спортска опрема и реквизити, трошоци за тренинзи и спортски активности, промоција на спортот и активности за млади, како и административни трошоци поврзани со функционирањето на клубот.

Градоначалникот Коњановски, потенцира дека, „Пелистер Волеј“ не се само одбојкарки. Тие се храброст, страст, борба и гордост за нашиот град. Девојки кои со срце играат за Битола, кои секојдневно го рушат митот дека спортот е само машка арена. Кога поддржуваме девојки што сонуваат, ја градиме Битола што инспирира! – рече Коњановски, потсетувајќи на неговата заложба за поддршката на клубот која ја најави уште минатиот месец.

Од „Пелистер Волеј“, најавуваат дека со добивањето на се поголемата поддршка, насочени се кон подобрување на капцитетите и градење на модерна екипа која ќе биде сериозен и конкурентен тим во следната сезона во Првата Државна Лига на Македонија.

Вистински спектакл, синоќа во Битола, на БИТ ФЕСТ. Над 10 000 посетители, уживаа во прекрасниот настап на кралот на електронската и транс музика, Армин Ван Бурен. Со музичкиот спектакл кој се одржа на Стадионот „Петар Милошевски“, Битола за прв пат во својата историја доби настан со А класа светски музички артист и продукција според сите светски фестивалски стандарди.

Настанот беше во организација на Авалон продукција (Avalon international booking), а се реализираше со поддржан од Општина Битола и Битолскотo културно лето БИТ ФЕСТ.