Борачките од прилепскиот боречки клуб “7-ми Мај”, Тамара Цветкоска и Ангела Трајкоска, оваа недела зедоја учество на Европското првенство до 17 години, кое се одржува во Нови Сад, Србија.

Тамара ќе се натпреварува во категорија до 57кг., во конкуренција на 20 борачки, и од нејзе очекуваме во одлично светло да ја претстави Македонија.

За жал Ангела нема да настапи на првенството, а причината е грешка на боречката федерација на Македонија.

Првенството во Нови Сад за кадети и јуниори свечено беше отворено во понеделникот на 24. јуни, а ќе трае до 7. јули.

Учество ќе земат екипи од 39 земји.

На 26.06.2024 полициски службеници од СВР Битола по член 215 од КЗ извршиле претрес на две места во куќи во Битола сопственост на Џ.М.(22) и И.М.(23) двајцата од Битола при што на двете локации пронајдени се четири најлонски паковки со марихуана.

Лицата се приведени во полициска станица Битола при што по документирање на настанот против истите ќе следува соодветна кривична пријава – информираат од СВР Битола.

Со прекрасен мурал насловен како “Животот е убав” – “La vita e bella”, уметникот и професор по ликовно образование, Тони Чатлески, го разубави Основното Општинско училиште во прилепското населено место Мало Коњари.

Една прекрасна мајсторија која вреди да се сподели!

Вентрикуларниот септален дефект е вродена срцева мана каде доаѓа до мешање на крвта во коморите на срцето и симптомите за жал најчесто се појавуваат во почетните месеци од животот што е и случај кај малата Аника.

Бледилото, бавниот раст, лесното заморување, забрзаното дишење се само еден мал дел од симптомите со кои се соочува малата Аника, а за среќа се решливи со оперативен зафат кој родителите на Аника не се во можност да го подмират и истиот треба да се изведе на клиника во Бугарија.

Оваа интервенција гарантира нормализирање на состојбата, целосно стабилизирање на состојбата и нов нормален живот за малата Аника.

Согласно насоките од клиниката во Бугарија за интервенцијата, рехабилитацијата и терапијата потребните средства за лекување на малата Аника се 25000 евра.

Досега се собрани две третини од потребните средства за лекување на 5-месечната Аника. Сите хумани граѓани кои се во можност можат да донираат на следниот ЛИНК преку ecrowd.mk платформата https://ecrowd.mk/projects/5649ca54-f6f5-4f6f-a4aa-9027ee1f4e1a?fbclid=IwZXh0bgNhZW0CMTEAAR2vz4tzQDfPT02kNbcqtT_seaY0siqWgbGMhXfT-_r5qG9dxlssMTfXTJc_aem_sOBAAfkcSARC2vNTTExYYA

Денеска со емотивно видео се јави и мајката на малото бебенце, која се заблагодари на сите хумани граѓани.

Приказната за Хитлер Здравески од прилепско Лопатица ја раскажува актерот Виктор Велевски, а истата е дел од хитот видео стории “ВЕЛЕНОВЕЛА” – нешто свежо во македонскиот медиумски простор што вреди да го следите редовно.

Ако ви се допадна оваа сторија, кликнете Subscribe на јутјуб каналот на IDMedia и чекајте ја следната ВЕЛЕНОВЕЛА.

Надворешната канцеларија за криминалистички работи Македонски Брод, поднесе кривична пријава против С.Т.(47) од Прилеп, поради постоење основи на сомнение за сторено кривично дело “ширење на расистички и ксенофобичен материјал по пат на компјутерски систем”.

На 16.05.2024 год. од странска амбасада било пријавено дека пријавениот упатувал навредливи и заканувачки содржини.

Христи Бикоски и понатаму останува верен на Прилеп!

Во сезоната која претстои, раководството на РК Прилеп го продолжува договорот со еден од најдобрите поединци и стрелци.

За Бикоски ова ќе биде шеста сезона по ред во жолто-црниот дрес, каде за прв пат ќе го предводи тимот во својство на капитен.

Бикоски капитенската улога ја презема од Филип Велески, кој стави крај на својата кариера. Тоа е дополнителен товар на грбот на младиот ракометар, ако се земе во предвид дека Велески беше столб на тимот и во клучни моменти вистински мотиватор.

За жал, се’ уште нема најава дека клубот би можел да се врати во спортскиот храм на Прилеп, а тоа е Универзалната сала. Засега сите напори салата да се стави во владение на општина Прилеп заглавија во дневно-политичките лавиринти. Надеж дава новата Влада и новоформираното министерство за спорт. Жално би било за екипа која претендира да обезбеди излез на европска сцена, и во наредната сезона да настапува во училишна спортска сала.

Сепак, на Бикоски му посакуваме успешни настапи во натпреварувачката сезона која следува и многу голови!

Лоциран на улица “Кеј 1-ви Мај”, во непосредна близина на Основното училиште “Кочо Рацин”, во правец кон старата автобуска станица, “ЕЛЕКТРО ЕЛЕМЕНТИ” е местото каде ќе најдете буквално сe’ од електро материјали и лед расвета по најниски цени во градот.

Веќе една година прилепчани немаат главоболки кога е во прашање промената на електричните инсталации и осветлувањето во нивните домови и деловни објекти.

Во “ЕЛЕКТРО ЕЛЕМЕНТИ” на едно место ќе најдете широк избор на електро производи од реномирани производители, со врвен квалитет и различни дизајни, но и високо квалификуван, услужен и љубезен персонал, кои се подготвени да излезат во пресрет на сите ваши барања и потреби.

Токму затоа “ЕЛЕКТРО ЕЛЕМЕНТИ” за кратко време успеа да се наметне кај потрошувачите и да стекне доверба.

Нудат се’ од програмите на VIKO и PANASONIC, за кои се овластени дистрибутери, а застапници се и за ЕТI осигурувачи. Покрај тоа во нивниот продажен салон ќе најдете секакви видови на подземни и воздушни кабли, а особено интерес предизвикува широкиот избор на ЛЕД светилки – и тоа од модерни LED светила, кои штедат енергија и нудат прекрасна осветленост, до класични дизајни кои никогаш не излегуваат од мода.

Секако тука е секогаш расположениот пријателски тим на вработени кои ќе ви помогнат да го изберете најдоброто решение за вашиот ентериер и екстериер.

Покрај широкиот избор на електро материјали, за кој можете да се уверите од фотографиите во прилог, “ЕЛЕКТРО ЕЛЕМЕНТИ” ви стојат на располагање и за изведба на секаков вид електрични инсталации, а вршат и техничка документација за приклучоци во ЕВН.

Сe’ на се, oва е единствениот дуќан од ваков тип во Прилеп кој ќе ги задоволи сите ваши потреби, а притоа и ќе заштедите.

Посетете ги и уверете се и самите!

ТФА Елит пристигнува во Македонија и професионалниот фудбалски клуб од Дубаи ќе организира дводневни проби за млади и талентирани играчи кои ќе добијат можност да се стекнат со професионален договор и уникатна шанса да ја започнат или продолжат кариерата во Обединетите Арапски Емирати.

„Посветеноста на владата на ОАЕ да вложува во развојот на спортот и посебно во фудбалот е за пофалба и почит. Исклучителната можност да се натпреваруваат играчи од цел свет во лигата го збогатува квалитетот на фудбалот, но истовремено, овозможува и фудбалери од различни позадини да ги остварат нивните соништа.“ – изјави Али Ел Џиши, спортскиот директор на ТФА Елит

Пробите ќе се одржат на 4 и 5 август на градскиот стадион „Гоце Делчев“ во Прилеп, а експедицијата предводена од спортскиот директор, Али Ел Џиши веќе го најави настанот на кој ќе бидат избрани минимум еден, а најмногу тројца играчи кои ќе добијат шанса да се здобијат со професионален договор во метрополата на ОАЕ. Имено, младите и талентирани фудбалери кои ќе ги импресионираат тренерите и скаутите на пробите во Прилеп и ќе бидат прогласени за победници, ќе отпатуваат во Дубаи на 30 дневна проба каде доколку ги задоволат очекувањата на тренерите и стручниот тим на ТФА Елит ќе добијат професионален договор со клубот во пресрет на новата сезона. Клубот досега успешно организираше проби во Етиопија, Јужна Африка, Пакистан и Малезија кои вродија со плод, а следниот месец ќе се одржат проби во Унгарија пред доаѓањето во Македонија. Пријавувањето за пробите во Прилеп е веќе започнато и заинтересираните играчи може да се пријават, купат билет и дознаат повеќе информации на следниот линк.

ТФА Елит се натпреварува во четвртата фудбалска лига на Обединетите Арапски Емирати која е единствената професионална фудбалска лига во светот што дозволува дури 23 странски играчи да настапуваат за еден клуб. Минатата сезона екипата ја предводеше поранешниот фудбалер на Ливерпул, Болтон, Њукасл и сегашен тренер, Дени Гатри што доволно говори за амбициозниот проект на ТФА Елит чија главна цел е развивање и промоција на млади фудбалери.

Претседателот на Владата Христијан Мицкоски денеска потврди дека за зголемување на пензиите ќе треба да се чека ребалансот на Буџетот, за што тој и министерката за финансии, како што кажа, интензивно работат и кој е најавен за средината на јули. Најави две линеарни зголемувања и тоа со нивелирањето во септември и уште едно во март.

-Апсолутно. И од она што можам да видам дека и со оној првичен буџет којшто е поминат за оваа година недостасуваат околу 2,5 милијарди денари. Ќе имаме најверојатно две линеарни зголемувања најверојатно. Ќе биде ова потврда во текот на утрешниот ден или денот потоа. Имаме две, едно со нивелирањето сега во септември линеарно зголемување од 2,500 денари и другото ќе биде во март уште 2,500 денари. Најпрвин треба да обезбедиме со ребалансот 2, 5 милијарди денари околу 40 милиони евра. Во овој буџет тие пари недостасуваат. Се трошеле за работи за кои мислам дека многу ќе се занимаваат истражните органи во периодот што следи. И уште дополнителни 2,5 милијарди денари се подготвени за ова првично зголемување сега што ќе биде во септември, за овие тре месеци септември октомври ноември бидејќи пензиите ќе се исплаќаат тогаш. Останатите ќе бидат во март и со тоа практично нашето ветување за линеарно зголемување на пензиите од 5.000 денари во првата година ќе биде и порано исполнета. Нема да биде до јуни туку ќе биде до март, рече Мицкоски, кој беше на ставање на камен темелник на училиште во Драчево.