Ване Бошев (7,5) од Неготино се искачи на Триглав и ​четири други планински врвови на Јулските Алпи во Словенија.

Тој е најмладиот Македонец кој стапнал на секој од нив, информираа денеска од Спортско планинарскиот алпинистички и ориентационен клуб „Антигонеа” од Неготино.

​- Бошев беше дел од 16-члената експедиција од повеќе планинарски друштва од Македонија, Србија и Босна и Херцеговина која деновиве ги освои врвовите „Мала Мајстровка” 2.356 метри надморска височина, „Голема Мајстровка” 2.500 метри, „Мангарт” 2.678 метри, „Мал Триглав” и „Триглав” со 2.864 метри надморска височина, соопштија од клубот.

Бошев планинари од неполни три години и досега има освоено педесетина планински врвови во земјава и странство.

Македонската одбојкарска репрезентација го освои второто место во Европската лига откако во финалето во полскиот град Валбжих загуби од Словенија со 3:0 во сетови.

Резултат по сетови: 25:21, 25:20 и 25:17.

Македонската репрезентација со освоеното второ место го подобри резултатот од лани кога беше полуфиналист и заврши на делба на третата и четвртата позиција.

Во дуелот за третото место Полска ја победи Естонија со 3:0 во сетови.

Македонската телевизија откри кој е виновникот за тоа што немаше директен пренос од мечот помеѓу нашиот Работнички и руски Рубин Казан, откако деновиве јавноста бурно го нападна јавниот сервис поради тоа што не врши директен пренос од плеј-офот во квалифкациите за групната фаза во Лигата на Европа, пишува Спортклуб.мк.

Како што објави на својот Фејсбук профил, одговорниот уредник на спортската програма, Тони Стојановски, до пренос на дуелите на Работнички не дошло, само затоа што тимот не сакал и не дозволил тоа да се случи.

„Уште едно едноставно објаснување, МТВ сакаше да прави пренос од натпреварот Работнички – Рубин. Побаравме, а не добивме понуда. Со други зборови, Работнички не сакаше и не дозволи. Нема никаква позадинаа од наша страна. Нема ни лутење. Тие можат да одберат да не бидат емитувани во Македонија. Во групната фаза ќе биде поинаку, во неа МТВ е играч“, напиша Стојановски.

Од чудни причини Работнички не сака неговите натпревари да се пренесуваат на македонската телевизија и како што тврди МРТ клубот не дозволува да бидат емитувани во Македонија, поради што во спортските кулоари се поставува прашањето дали Работнички го прави тоа како начин да привлече повеќе публика, односно да продаде повеќе влезници од кои ќе има поголема заработка?!

Од јавниот сервис и претходно беше соопштено дека кај МТВ постоела силна желба да ги пренесува сите европски натпревари на Работнички летово, но не добиле дозвола од клубот за тоа.

Кредитната агенција Фич го потврди ББ+ кредитниот рејтинг на Република Македонија. Ова е десетта година по ред како кредитната агенција ја потврдува оценката ББ+ за Македонија.

Како база за својата оценка Фич ги зема растот на бруто домашниот производ и општествениот развој на земјава за кои вели дека се „над ББ просекот“. Фич ја оценува бизнис климата во Македонија како исклучително поволна и наведува дека земјава е помеѓу најдобрите 30 економии во светот за водење бизнис според ранг листата на Дуинг Бизнис.

Фич во својот извештај го нотира и намалувањето на невработеноста за 10 отсто, односно од 37 отсто во 2005 година на сегашните 27 отсто.

Банкарскиот сектор во Македонија кредитната агенција го опишува како добро капитализиран и високо ликвиден, вклучително и двете банки кои се во грчка сопственост.

Како ризик Фич ја посочуваат домашната политичка ситуација, за која очекуваат да се надмине со спроведување на договорот потпишан под покровителство на комесарот Хан.

Според прогнозите на Фич Македонија и во иднина ќе продолжи да води стабилна фискална и монетарна политика, а трговските партнери на Македонија во ЕУ ќе продолжат со закрепнување што ќе влијае поволно на надворешно трговската размена.

Македонија е инаку една од ретките земји во регионот и пошироко која успеа да го задржи истиот кредитен рејтинг толку долг период. Минатата и оваа година им беше намален рејтингот на Хрватска, Србија, Турција, Бугарија, Словенија, Русија и други земји.

Градоначалникот Марјан Ристески ги посети СОУ „Ристе Ристески – Ричко“ и ОУ „Блаже Конески“ каде во тек се нови инвестиции во училиштата.
Првиот спрат од СОУ „Ристе Ристески – Ричко“ доби нови подови. Извршена е замена на стариот и оштетен паркетен под со нов под од линолеум со висококвалитетни својства. Во ОУ „Блаже Конески“ во тек е изградбата на нова балон сала во дворното место на основното училиште. Станува збор за приватна инвестиција која ќе се реализира по пат на јавно – приватно партнерство, а ќе допринесе за подобрување на спортската инфраструктура и атрактивност на градот. При крај се и реконструктивните зафати за менување на подот на влезот во училишптето како и во неколку училници.
Средствата за реализација на проектите се обезбедени од Локалната самоуправа како и од училиштето.

[Best_Wordpress_Gallery id=”2″ gal_title=”Нови инвестиции во училиштата”]

Интензивно се работи на доуредување на инфраструктурата во индустриската зона Прилеп 1. Во тек е асвалтирање на главната улица која води до индустриската зона во должина од 350 метри. Во индустриската зона Прилеп 1 експресно беа продадени сите 21 парцела, а моментално се градат 6 објекти за кои инвеститорите имаат прибавено одобрение за градба, а останатите се во тек на постапка.
„Продолжува изградбата на инфраструктурата во зоната Прилеп 1. Лани ги поставивме водоводната и канализационата мрежа, а годинава продолжуваме со доградбата на целосната инфраструктура и асфалтирањето. Ќе се асфалтираат сите улици во зоната и пристапот до сите парцели во должина од 700 метри. Од буџетот на локалната самоуправа, за оваа намена се издвоени 13 милиони денари. Исто така подготвени за продажба се и 10 парцели во индустриската зона Прилеп 2 кај Сточното пазариште. Таа зона ќе биде наменета претежно за мали и средни претпријатија“, посочи градоначалникот Марјан Ристески.
Интензивно се работи и на уредување на инфраструктурата во Слободната зона или Технолошко развојната индустриска зона Алинци, каде според најавите, во октомври со работа треба да започне американскиот гигант од автомобилската индустрија Гентерм. Моментално во зоната е донесена струја, веќе е поставена и трафостаницата на ЕВН, а се работи на изградба на улиците, водоводната и канализациона мрежа. Улиците во ТИРЗ се со должина од 2,1 километар.

[Best_Wordpress_Gallery id=”3″ gal_title=”Интензивно се работи на уредување на инфраструктурата во индустриската зона Прилеп 1″]

Со централна свеченост во прилепската касарна, денеска беше прославен Денот на Армијата на Република Македонија.
Градоначалникот Ристески го честита 18 Август, Денот на Армијата на Република Македонија и посака многу успех и лична безбедност во извршувањето на секојдневните обврски и задолженија на припадниците на АРМ.
18 Август е прогласен за Ден на АРМ со одлука на Владата на Република Македонија од 3 јуни 1993 година и првпат е одбележан таа година.

Вкупно 102 населени места во 60 општини во Македонија ќе бидат опфатени со отворените денови наменети за земјоделците што се реализираат од страна на Министерството за земјоделство, Агенцијата за финансиска поддршка во земјоделството и руралниот развој и Агенцијата за поттикнување на развојот на земјоделството. За време на отворените денови земјоделците ќе имаат можност да се информираат за поволностите што ги нудат програмите за финансиска поддршка на земјоделството и да дадат свои предлози за надминување на проблемите со кои се соочуваат. Тимовите од Министерството за земјоделство ќе ги презентираат и можностите на ИПАРД-програмата. Тимот  од Министерството за земјоделство ќе ја посети и Општина Кривогаштани на ден 20.08.2015 година каде во 20:00 часот ќе биде во ПОУ Јонче Смугрески во Боротино и во 21:00 часот во ОУ Јонче Смугрески во Обршани.

Почна санацијата на ударните дупки на патот Мажучиште – Мраморани – Дупјачани – Десово која во наредните неколку дена комплетно ќе биде завршена. Со решавање на овој инфраструктурен зафат ќе се подобри патна инфраструктура, а воедно и ќе се олеснат условите за одвивање на сообраќајот.

[Best_Wordpress_Gallery id=”15″ gal_title=”Почна санацијата на ударните дупки на патот Мажучиште – Мраморани – Дупјачани – Десово”]

ОУ „Кире Гаврилоски – Јане“ со почетокот на учебната сезона ќе добие ново централно греење. Оваа инвестиција чини 150 илјади евра, средствата се обезбедени од Буџетот на Локалната самоуправа. Градоначалникот Марјан Ристески денеска беше во посета на ова училиште и во изјавата за медиумите посочи:
„Продолжуваме со подобрувањето на условите за образование во основните и средните училишта во Општина Прилеп“ посочи градоначалникот Ристески во својата изјава.

Со реализацијата на овој проект значително ќе се подобрат условите за одвивање на воспитно – образовната дејност во училиштето. Со ова уште еднаш се покажуваат заложбите на Локалната самоуправа за инвестирање во образованието како главен приоритет.

[Best_Wordpress_Gallery id=”4″ gal_title=”ОУ „Кире Гаврилоски – Јане“ со ново централно греење”]