Дали Европската Унија ќе преживее доколку Велика Британија ја напушти? Велика Британија е една од најмалку ентузијастички расположени членки на ЕУ, но има уште неколку држави кои се уморни и полека му вртат грб на Брисел.

Реформаторите во Шведска се загрижени дека Велика Британија би можела да излезе од ЕУ. Бидејќи се повеќе Британци веруваат дека подобро би им било без Европската Унија, Швеѓаните започнаја исто така да размислуваат во тој правец.

 Според неодамнешната анкета на TNS Sifo, најголемата анкетна компанија во Шведска, дури 36% од Швеѓаните би гласале за напуштање на ЕУ доколку Британците се одлучат за тоа, додека 32% би гласале за останување во ЕУ. Не смееме да заборавиме дека таа иста држава се сврти против политичките класи во 2003. год. и се спротивстави на воведувањето на еврото.

Исто така, на Шведска ни малку не и се допаѓа тоа што ЕУ не успеа да се договори за неодамнешните демографски предизвици, заради што сега во Шведска има повеќе азиланти, отколку што има во било која друга држава во светот. Па, аргументите за напуштање на ЕУ се многу.

Што ако државите кои сакаат да ја напуштат ЕУ сакаат да се оформи нов глобални сојуз на држави? Дали Велика Британија ќе се најде на чело на таквиот нов меѓународен сојуз, доколку изгласа излегување од ЕУ?

НАСА ви овозможува во живо следење на планетата Земја од Меѓународната вселенска станица. На видеото на јутјуб имате можност да вратите и два часа наназат, а со притискање на копчето Live ја следите земјата во живо. Изгледа возбудливо и интересно.

Погледнете:

А.Г.

Во големата сала од ЦК „Марко Цепенков“ во Прилеп,  сношти се оддржа годишниот концерт на танц-студиото „Зодијак“.  Концертот беше по повод 17 години постоење на „Зодијак“ и одбележувањето на Интернационалниот ден на танцот – 29 април.

Стотина танчери на најразлична возраст се претставија со кореографии од класичниот балет, модерниот балет и современиот танц, а беше прочитана и интернационалната порака за оваа година, која ја напиша кореографот Леми Понифасио. Присутните уживаа и во промовирањето и видеоспотот за „Зодијак“ од авторот Љупчо Атанасоски.

На манифестацијата  со признанија и благодарници се закитија и Снежана Ристеска, Советник за култура и градоначалникот Марјан Ристески од општина Прилеп, кои несебично го подржуваат овој танцов клуб.

„Седумнаесет години и не е така мал период за креативно творење на нашето тло. Прилеп отскокнува од останатите градови по создавањето таленти и креативци кои можат на најразличен начин да ја претстават својата имагинација. Пред сѐ, со танцот како универзално средство за разбирање меѓу различните култури“ посочија организаторите.

Македонски Железници Транспорт АД на Железничката станица во Скопје го промовирашпе тематскиот Велигденски воз.

Возот сообраќа во празничните денови со тематски содржини соодветни на празничните денови.

Миењето на рацете е вообичаена хигиенска навика по вршење на нужда, пред и по јадење, како и во многу други ситуации. Се поставува прашањето, што е подобро: да се мијат рацете со накит или да се извади пред да почнете да се миете.

Површината на рацете може да биде преполна со бактерии, па е важно редовно да се мијат во текот на целиот ден. Хигиената на рацете, покрај тоа, многу зависи од накитот кој можеби го носите на рацете.

„Кога ги миеме рацете со прстени дозволуваме водата и сапунот да се собере меѓу прстените и кожата на рацете, што е плодно тло за развој на бактерии. Во болница поминуваме многу време за да ги истренираме луѓето правилно да ги мијат рацете. На вработените не им е дозволено да носат ракавици, прстени и часовници, бидејќи тоа се предмети кои пренесуваат бактерии‟ – вели Ангела Васало, директорка на центарот за инфективни болести во Сент Џонс Хелт Центар во Санта Моника.

Токму поради тоа медицинскиот експерт се залага за симнување на накитот пред миење на рацете, со цел бактериите кои можеби не се видливи со голо око да не се собираат во и околу прстените. Се прашувате зошто не би сте ги измиле нечистотиите во прстенот заедно со рацете? „Кога ги миеме рацете со прстени дозволуваме водата и сапунот да се собере меѓу прстените и кожата на рацете, што е плодно тло за развој на бактерии‟ – вели Ангела Васало. Покрај тоа, на овој начин го штитите и накитот од уништување. Експертите препорачуваат еднаш неделно прстените да ги исчистите со сува и мека крпа, со тоа да посветите големо внимание на нерамнините на накитот. Потоа, накитот ставете го во UV стерилизатор за отстранување на бактерии, а можете да користите и домашни рецепти за чистење.

Попладнево на Градскиот стадион “Гоце Делчев” во Прилеп се одржа прес-конференција за натпреварот во сабота помеѓу Победа и Љубанци.

Свои изјави дадоја Претседателот на ФК Победа Гоце Ингилизов, градоначалникот на Прилеп Марјан Ристески, како и директорот на ЈКП Комуналец Златко Ристески, за подготовките на стадионот и теренот за саботниот решавачки натпревар, кој Победа треба да ја однесе во Првата Македонска фудбалска лига.

https://m.youtube.com/watch?v=cu61-P_yGBI

Постапувајќи по кривична пријава поднесена од МВР ПС Прилеп, Основното јавно обвинителство – Прилеп поведе постапка против едно лице, на возраст од 70 години за сторено кривично дело Полов напад врз дете.

Имено, на точно неутврдени датуми во повеќе наврати, од почетокот на 2016 година па до почетокот на месец април 2016 година, заради задоволување на полови страсти, а искористувајќи блиски семејни прилики, извршил полови дејствија врз дете кое не наполнило 14 години, информираат од ОЈО.
Против осомничениот, надлежниот јавен обвинител поднесе предлог за определување на мерка притвор до судијата на претходна постапка при Основниот суд во Прилеп.

Педесет и осум годишната Џиа Тиан е уапсена во Вашингтон и се соочува со 10-годишна казна затвор поради вандализирање на споменикот на Абрахам Линколн, фрескопис во две катедрали, како и поради вандализирање на меморијалниот центар Линколн во Вашингтон

Џиа Тин била фатена во близина на Националната Катедрала во Вашингтон со лименка полна со зелена боја, а според полицијата нејзината намера била да ја вандализира и оваа катедрала фрлајќи зелена боја во внатрешноста но и на фасадата.

Жената е изведена пред Врховниот суд во Вашингтон, каде што судијата одредил притвор и нејзино сослушување за подоцна оваа недела. Според судот, таа се соочува со 10-годишна казна затвор за уништување на спомници и приватен имот.

Властите веруваат дека вандализмот со зелената боја е дел од цела серија на слични акти. Со зелена боја бил вандализиран и Меморијалот на Линколн, а подоцна биле пронајдени и симболи исфарбани со зелена боја на фасадата на седиштето на „Смитсониан“.

Џудисти на ЏК Пролетер Прилеп, изминатиот викенд имаа прилика да земат учество на два Меѓународни Турнири кои се оддржаа во Белрад.

Во саботата 23.4.2016, се оддржа масовниот турнир “Трофеј на Београд” за 2016 година, со 450 натпреварувачи во кадетска и јуниорска конкуренција, а во неделата на 24.4.2016, се оддржа Меѓународниот џудо турнир “Срѓан Јанковиќ”, со пoвеќе од 700 натпреварувачи во пионерска конкуренцја. Ова беше вистинска прилика нашите такмичари да ја проверат својата форма и знаење. На двата турнири учество зедоја екипи од Романија, Црна Гора, БиХ, Косово, Буарија и домаќинот Србија. Пролетер на двата турнири настапи со вкупно 13 натпреварувачи и освои две сребрени и две бронзени медаљи.

И покрај силната конкуренција и 4 репасажни борби за бронзен медал, на пиедесталот успеаа да застанат Димеска Теодора, Самарџиоска Марија- сребрени медали, Спиркоски Давид, Георгиоски Јорданчо – бронзени медали.

На 23.04.2016г. во просториите на СУГС „Јосип Броз Тито“ се одржа педесет и вториот државен натпревар на „Млади истражувачи“ организиран од Народна техника на Македонија.

Учениците од СОУ “Мирче Ацев” – Прилеп, секоја година учествуваат на натпреварите и секогаш освојуваат повеќе награди.

И оваа година продолжи ваквата традиција.

Гимназијалците натпреварувачи во различни области од науката и техниката, во конкуренција на ученици од средните училишта од цела Македонија, од натпреварот се вратија со седум медали и тоа:

I место – Маја Атанасоска (во областа Веб дизајн). Ментор: проф.Анета Стојческа

I место – Елена Спиркоска (во областа Примена на софтвер). Ментор: проф.Анета Стојческа

I место – Филип Србиноски (во областа Еколошка хемија). Ментор: проф.Блаже Димески

II место – Теодора Тасеска (во областа Органска хемија). Ментор: проф.Блаже Димески

II место – Ивана Дукоска (во областа Аналитичка хемија). Ментор: проф. Христина Манческа

II место – Искра Белческа (во областа Неорганска хемија). Ментор: проф. Христина Манческа

II место – Симона Димоска (во областа Енергетска ефикасност). Ментор: проф. Кирил Јосифоски