Денес започна асфалтирањето на три улици во општина Кривогаштани со што населените места Обршани, Бела Црква, Воѓани и Кривогаштани ќе добијат целосно нови асфалтирани улици, кои досега се наоѓаа во лоша состојба.

Општина Кривогаштани преку Светска Банка успеа да обезбеди 12.000.000 денари, со кои средства се ќе се асфалтираат трите улици во должина од 2334 метри, од кои населените места Бела Црква и Воѓани ќе се поврзат со асфалтна улица во должина од 765 метри, додека населените места Обршани и Кривогаштани ќе добијат две улици, во должина од 875 односно 694 метри.

Денеска се отпочна со реконструкцијата на градскиот стадион “Гоце Делчев” во Прилеп. Активно се работи на промена на тревникот и на создавање на потребните услови за одигрување на квалитетни натпревари на повратникот во Прва лига, екипата на Победа.

Претходно на крајот од октомври месец 2015 година, градоначалникот Марјан Ристески и директорот на ФФМ Илчо Ѓорѓиоски, потпишаа договор за донација за реконструкција на градскиот стадион „Гоце Делчев“. Според тој договор стадионот ќе има капацитет од 18.000 места, а ќе биде направен според сите критериуми на УЕФА за играње дури и на меѓународни натпревари. Планирано е и хортикултурно уредување околу стадионот и изградба на паркинг простор. Исто така планирано е овој фудбалски терен да добие и соодветни трибини, соблекувални како и осветлување, за да може на него да се играат и ноќни натпревари. Покрај градскиот стадион „Гоце Делчев“, ќе се градат и други фудбалски терени во градот. Со овие инвестиции Прилеп станува општина со најдобра спортска инфраструктура во Македонија која во иднина ветува дека повторно тука ќе се раѓаат ново спортски таленти.

Центарот за јавно здравје даде виза за Мермерното Езеро

Откако се порасна популарноста на Мермерното Езеро, Центарот за јавно здравје даде зелено светло за капење. Според испитувањата, водата е делумно добра. Недостаток е што нема доволно кислород и е малку заматена. Сепак, капењето е на одговорност на граѓаните, поради немањето овластено лице за одржување на хигиената, но и безбедноста на капачите. Затоа се апелира да не се загадува езерото и да се внимава да не се загрози својата или нечија друга сигурност.

Водата во езерото ќе се испитува секои 15 дена.

Извор: НЕДЕЛНИК ЗЕНИТ

За време на реновирањето, многу работи од домот завршуваат во отпад. Овој човек го реновирал својот дом и го заменил стариот бојлер. Но, наместо да го фрли, тој одлучил да направи нешто генијално од него.

Кога ќе го видите крајниот резултат, веројатно никогаш на старите работи нема да гледате со исти очи!

Погледнете го видеото:

А.Г.

Големиот балкански шоумен Аца Лукас откако го исполни Прилеп до последен метар квадратен со луѓе, на третата фестивалска вечер на “Пиво Фест 2016”, си направи и фотографија со полициски мотор.

На својот фејсбук профил Aца Лукас напиша “Запишите ми број”.

Ние се прашуваме дали пејачот си замина од Прилеп со полицискиот мотор!? 🙂

A.Г.

Прилепчанката Викторија Луческа се закити со титулата “Мис елеганција” на натпреварувањето “Мис Адриатик” во Хрватска.

Викторија престојуваше во Хрватска изминатиот период во луксузниот ресорт „Марина Фрапа“ во Рогозница, а финалниот избор се одржа на 15-ти јули.

Овогодинешниот 14-ти по ред “Пиво Фест 2016” во Прилеп повторно го красеше перфектна организација. Локалната самоуправa на Општина Прилеп приреди уште едно неверојатно шоу и забава за сите генерации. Без никаков инцидент и несакани случувања се одвиваше фестивалот на скарата и пивото во Прилеп, а шлагот на таа прекрасна и посветена работа беше спектакуларниот огномет, кој цели 10 мин го осветлуваше небото над градот.

[Best_Wordpress_Gallery id=”321″ gal_title=”pivofest7″]

Овогодинешниот Пиво Фест го одбележа и Марјана Станојковска со прекрасните креации кои ги носеше на себе и гаќичките кои не ги носеше.

Сепак последната вечер Марјана блескаше на фестивалската сцена, облечена во бело со длаболко деколте, таа ги маѓепса сите наоколу.

Последната фестивалска вечер на “Пиво Фест 2016” ја одбележа супер енергичниот настап на легендарните Парни Ваљак. Илјадната публика уживаше на старите и нови хитови и заедно со Аки ги пееше во еден глас.

Момците од групата беа пресреќни што своите 40 години постоење ги одбележаа во Прилеп со еден ваков голем концерт, или како што неколку пати Аки кажа “Преубаво е да си дома”.

Oна што ја фасцинираше публиката беше енергијата на Аки Ракимовски, кој не престана да скока по целата сцена, човекот живее во нова младост.