Основачот на „Фејсбук“, Марк Цукерберг, најави воведување на опцијата „не ми се допаѓа“ на најпопуларната социјална мрежа.

– Луѓето со години нѐ прашуваат за опцијата „не ми се допаѓа“. Денес може да соопштам дека работиме на тоа да ја воведеме – изјави Цукерберг.

Основачот на „Фејсбук“ изјави дека дошле до сознанија дека на корисниците им е важно да се изразат и на друг начин освен „ми се допаѓа“.

– Сакаме на корисниците да им овозможиме да изразат емпатија. Не е секој момент добар момент – изјави тој.

Свечената церемонија на доделување на „Златната топка“ за најдобар фудбалер ќе се одржи во Цирих на 11 јануари, соопшти денеска Меѓународната фудбалска федерација (ФИФА).

Откога ФИФА во соработка со „Франс фудбал“ го доделува ова најголемо индивидуално признание во фудбалот, само двајца играчи беа лауреати – Лионел Меси три пати (2010, 2011, 2012) и Кристијано Роналдо (2013, 2014).

Двајцата имаат еден трофеј и пред тоа Роналдо 2008., Меси 2009 година.

Фудбалските стручњаци предвидуваат дека и оваа година трофејот ќе оди кај Меси, најмногу поради тројна круна во дресот на Барселона.

Покрај прогласувањето на најдобрите играчи, на церемонијата ќе биде соопштено и името на добитникот на награда „Ференц Пушкаш“ која се доделува за најубав гол во изминатата година.

Саботата северна Калифорнија ја одбележа “Valley Fire”,шумски пожар кој проголта повеќе од 40 000хекатри шума и опожарил 1000 згради.

Отприлика 23 000 луѓе беа присилени да избегаат од нивните домови, вклучувајќи и еден жител кој го снимил сопственото бегство од местото Андерсон Спрингс.

Видеото поставено на Јујтуб ја покажува вистинската девастација која ја предизвика огнената стихија и тешкотиите со кои се бореа пожарникарите и жителите на северна Калифорнија.

Инстант лотаријата „ТВИНГОМАНИЈА“ на Државна лотарија на Македонија, изнуди насмевка кај еден млад човек од Прилеп, кој моментално студира во Скопје на Архитектонскиот Факултет.

Среќникот од Прилеп е Методиј Зајкоски, кој купил три лоза ТВИНГОМАНИЈА од продажното место ДЕНЕСА, кое е во близина на Градежниот Факултет во Скопје. Среќата му се насмеала на Методиј, во моментот кога го гребел последниот, од трите купени лоза.

Кога ги здогледал трите заштитни знаци на RENAULT, сфатил дека ќе вози нов автомобил, РЕНО ТВИНГО, а на среќата и немало крај.

Денес, Марјана Станојковска му ги предаде клучевите пред Капитол Мол во скопски Аеродром, во присуство на верни играчи на игрите на среќа, кои во моментот беа на продажното место на Државна лотарија. Од тука Методиј видно возбуден замина директно за Прилеп со својот нов автомобил.

Само за потсетување инстант лотаријата ТВИНГОМАНИЈА нуди 40 добивки РЕНО ТВИНГО, па затоа не пропуштајте ја шансата за само 40 денари да возите нов автомобил.

Вицепремиерот и министер за финансии Зоран Ставрески заедно со Градоначалникот Марјан Ристески го потпишаа договорот за грант меѓу Министерството за финансии и општината за изградба на сообраќајница во индустриската зона Прилеп 1. Вкупната вредност на проектот изнесува 8.456.749 денари. За време на посетата, вицепремиерот Ставрески се сретна и со бизнисмените на градот, каде се запозна со начинот на кој Општина Прилеп ги подобрува условите и поволностите за инвестиции и плановите за понатамошен развој на стопанството како и можностите за привлекување на странски и домашни инвестиции во индустриските зони. На средбата со бизнис секторот, беа разменети информации и искуства во поглед на развој на општините и стопанството, но исто така стана збор за идни заеднички настапи пред фондовите на Европската унија. Вицепремиерот Зоран Ставрески денеска ја посети и компанијата „Конфи Ангел“.

Советот на Општина Кривогаштани донесе ОДЛУКА за доделување на стипендија на студенти од Општина Кривогаштани. Со оваа одлука се одлучи да се стипендираат ученици со одличен успех од Општина Кривогаштани кој ќе се запишат на некоја високообразовна институција со приоритет на Градежен или Архитектонски факултет како дефицитирани занимања.

По изборот на стипендистите, со нив Општина Кривогаштани ќе склучи посебен договор. Стипендијата ќе изнесува 3000 денари месечно, за 9 месеци во годината, се до дипломирање. Стипендистите се обврзуваат редовно да го запишуваат секој семестар, редовно да ги полагаат испитите и за тоа редовно да доставуваат известување од факултетот. Доколку студентите не се придржуваат на ова, се обврзуваат средствата дадени како стипендија да ги вратат на сметката на Општината Кривогаштани во рок од еден месец по неисполнување на условите.

Документи кои се потребни за добивање на стипендија :

1 .ПОТВРДА ЗА СОСТОЈБАТА НА ОСТВАРЕНИ ПРИХОДИ ( ОД УЈП)

2.ИМОТЕН ЛИСТ, ИНДЕКС НА УВИД И НЕГОВА КОПИЈА

3.ЛИЧНА КАРТА(КОПИЈА)

4.ПОТВРДА ЗА РЕДОВЕН СТУДЕНТ

Конкурсот трае до 25.09.2015 (Петок)

Во наредните денови, заклучно со сабота, во Македонија се очекува температура на воздухот која ќе биде над просекот за овој дел од годината.

Според Метеопро максималната температура во поголем дел од земјава, ќе има вредности кои ќе бидат во границите од 30°С до 36°С. Најтопол, од оваа „серија“ на денови, ќе биде петок. Во сабота се очекува мал пад на температурата, но и покрај истиот, температурата станува со максимална вредност генерално над 30°С, а во југоисточниот крај околу 34°С.

Според Метеопро нова промена на времето ни доаѓа во недела, во текот на вечерта кон понеделник. Ќе има пад на температурата за околу 8 до 10 степени во понеделник, со што максималната нема да надминува 25 степени. Во недела попладне и во текот на вечерта се очекува продор и на влажна вoздушна маса која ќе донесе нови врнежи од дожд.

Претставници од И.О. “ФЕНИКС“ – Прилеп, остварија средба со Градоначалникот и беше претставен проектот за „Теретана во природа“ од програмата „Зајакнување на младинското учество’’ на која работеа околу дваесетина млади од повеќе невладини организации: „ Црвен крст“, „Go green“ и други невладини организации како и млади индивидуи.
Оваа програма е овозможена со поддршка од американскиот народ преку Агенцијата за меѓународен развој на САД (УСАИД) во рамките на Проектот на УСАИД за граѓанско општество.

Капитенот на Јувентус Џанлуиџи Буфон рече дека одлуката на Пол Погба да остане во италијанскиот клуб е исклучително важна, како за екипата така и за фудбалот во целина.

Голем интерес за Погба ова лето покажаа клубовите Манчестер Сити, Челзи и Барселона.

„Манчестер Сити е еден од трите или четирите клуба кои може да се издвојат, како што велам јас, „луда сума на пари“ за Погба“, вели Буфон.

„Природно е да се заинтересирани за него. Одлуката да остане во Јувентус е значајна за нас, но и за фудбалот. Се покажа дека парите не секогаш победуваат“, рече Буфон за „Дејли Мирор“.

Фудбалерот во Јувентус пристигна од Манчестер Јунатед во 2012-та година и до сега за „Старата дама“ запиша 133 настапи и 2 погодока.

Со торинскиот клуб освои три титули шампиони, еден куп и три Суперкупа на Италија.

Настапи во финалето на Лигата на шампиони во кое Јувентус со 3:1 беше поразен од Барселона.

Фудбалерите на Јувентус на стартот на Лигата на шампиони со 2:1 славеа токму против Манчестер Сити во Англија.

Американскиот државен секретар Џон Кери разговарал со рускиот министер за надворешни работи, Сергеј Лавров, трет пат во последните 10 дена, пренесоа американските медиуми.

Кери побарал да го разгледаат сирискиот конфликт, информира американскиот Стејт департмент, цитиран од британските медиуми.

Портпаролот на Стејт департментот, Џон Керби, информира дека Кери го побарал својот риски колега и додаде дека Лавров ја подвлекол неопходноста од единствен фронт за борба со терористичките групи во Сирија.

Државниот секретар Кери подвлекол дека „континуираната руска поддршка за претседателот Башар ал-Асад ризикува да доведе до заострување и продолжување на конфликтот и да ја поткопа нашата заедничка цел за борба со екстремизмот, доколку не продолжиме да бараме решение за конфликтот во Сирија преку вистински политички преод кон нова власт“, беше соопштено во писмената изјава на Стејт депатментот.

Освен тоа, Кери изјавил дека САД се одлучни да се борат против терористичката група Исламска држава, заедно со повеќе од 60 земји, кои се вклучија во коалицијата формирана од Вашингтон.

Американскиот државен секретар подвлекол дека Асад никогаш не би можел да ја добие довербата на оваа коалиција.

Истовремено, Кери забележал дека САД ќе го поздрават конструктивното учество на Русија во напорите за борба против Исламска држава. Освен тоа, Кери подвлекол дека конфликтот во Сирија не може да се реши по воен пат, туку само со политичко пренесување на власта врз нова Влада во Дамаск.

Американските медиуми јавуваат дека Кери побарал објаснување за целта поради која Москва го засилува своето воено присуство во Сирија.

Американски владини претставници минатата недела изјавија дека Русија го засилува своето воено присуство во Сирија и изразија стравувања дека Москва ја засилува поддршката за режимот на Башар ал-Асад, потсетуваат британските медиуми. Тие додаваат дека, според соопштение од сајтот на руското Министерство за надворешни работи, Кери и Лавров разговарале и за украинската криза и чекорите за намалување на тензиите на Корејскиот Полуостров.