Колку што е стар човечкиот живот во Пелагонискиот регион, толку е стара историјата на Прилеп и Прилепско, сместени на североисточиот излез и влез на богатата рамнина, обдарена со погодни природни услови и богатства за живот. Тука човекот, кој се населил уште во најстари времиња, се посветил на облагородување и пресоздавање на природата, приспосoбувајќи ја на своите потреби. Како резултат на макотрпната трудољубивост на човековиот гениј и благопријатните природни услови и богатства, Прилепскиот крај мошне рано станал важен економски, политички и културен центар на Пелагонијата. Поврзан со голем број природни собраќајници низ кој се одвивале живи врски од југ кон север, Прилепскиот крај бил изложен на разни културни и политички влијаниа, при разместуваето и преселувањето на народите на Блаканот. Сите тие оставиле свое влијание и траги врз неговиот историски развиток. Прилеп низ историјата бил изложуван на разни многобројни судири и завојувања, во кој прилепскиот крај доживеал много падови и подеми. Целиот овој живот се одвивал низ крвава борба за опстојување на голиот живот и одбрана на родната грутка. Во оваа борба за опстојување жителите од Прилеп и Прилепско поднесувале големи жртви и не го жалеле својот живот меѓутоа задоени со идејата за слободен живот и непречен економски развиток прилепчани го манифестираат своето незадоволство и се борат за слободна и демократска Македонија. Така и во самостојна Р.Македонија први застанаа во борба против комунистичкиот режим. Така и во 2001 година кога Македонија беше погодена од непријателот Прилепчани беа во првите борбени редови на браникот на татковината! Прилеп е град Херој! Денес Прилеп како град доживува своја ренесанса во секој поглед. Во градот се чуствува раздвижување на секое поле. Ние младите од град Прилеп ќе се бориме и понатаму како и до сега за подобар живот, за просперитет на младите луѓе и слушање на нашиот глас. Ќе се бориме да има единство и слога, соживот и љубов! ПРИЛЕП Е ГРАД ХЕРОЈ!

Автор:

ГОРД ПРИЛЕПЧАНЕЦ  …(1)

Во последно време се почесто сме сведоци на смртни случаи предизвикани од ударот на молња. За да не станете и самите жртва на ваква несакана несреќа потребно е да знаете како да се однесувате кога надвор грми.

Она што е познато е задолжително да ги исклучиме од струја електронските уреди како што се радиото, телевизорот, компјутерите, како и апаратите за домаќинство. Меѓутоа, што треба да се направи со мобилниот телефон?

Стручњаците се поделени околу тоа дали мобилните телефони привлекуваат молњи (громови), но сепак предупредуваат дека кога има невреме треба да се исклучат.

– Голем ризик е до себе да се држи вклучен мобилен телефон, бидејќитој е извор на електромагнетни бранови кои создаваат пат за атмосферскиот електрицитет. Кога грми опасен е секој спроводник во кој се наоѓа метал. Дури поставените изолации се често безпомошни, бидејќи громовите ги премостуваат – вели за српски „Блиц“, Млаѓан Ќуриќ, професор од српскиот Институт за метеорологија.

Други стручњаци, сметаат дека не е опасен самиот мобилен телефон, чие зрачење е зголемено единствено при неговото вклучување или гасење, и дека поопасно е местото на кое човекот се наоѓа. Тој директно е изложен на опасност ако стои на отворено и ако ја претставува највисоката и најистакнатата точка во околината.

Громовите не избираат каде ќе удрат, на отворено најчесто ги погодуваат осамените карпи и стебла, самиот човек во полето или било кој објект на рамна водена површина. Се случува да удрат и таму каде никој не ги очекува. Меѓутоа, ако околу човекот има згради тој нема да претставува мета.

Затоа кога има невреме, во домот не треба да се седи во близина на прекинувачите за струја ниту да се држат запаливи работи во нивна близина. Исто така треба да се исклучат од струја сите технички апарати.

– Ако телевизорот има антена на таванот, таа треба да се извлече од апаратот или да се извади кабелот ако оди преку кровот. На компјутерите треба да им се исклучи напојувањето, а на фиксните телефони да им се исклучи напојувањето или врската – советува докторот Милан Савиќ од електротехничкиот факултет во Белград.

Кога има невреме, река електрони кои тргнуваат од Земјата, од објектите кои зрачат прават пат за громот. Електроните, потоа поаѓааткон позитивно наелектризираните облаци во кои напонот се мери со стотини милиони волти. Громот тогаш удира по тој пат, кој му служи како спроводник.

Стручњаците во Институтот во Винча правеле експеримент на напуштен далековод кој одел преку една планина. На еден столб ставиле радиоактивни извори за громови, а на другиот, оддалечен стотина метри, не ставиле. Го мереле бројот на удари на двете места и потоа го поместиле изворот. Се покажало дека тој извор немал никаков удел, туку било пресудно колку квалитетно било заземјувањето на столбовите. Громот попрво ќе удри во силно дрво со голема влажност и во коренот, отколку во исушено дрво на сув терен, без силно заземјување.

Фудбалерите на Банфилд на мечот против Крусеро Дел Норте изведоа акција каква одамна не виделе љубителите на фудбалот.

Познато е тека во Јужна Америка се игра атрактивен фудбал, особено кога се работи за бразилското и аргентинското првенство. Една таква, атрактивна фудбалска акција ни доаѓа од аргентинското првенство, во режија на фудбалерите на Банфилд.

Имено, оваа екипа славеше со 2:1 против Крусеиро Дел Норте, а на вториот гол му претходеше фантастична акција, каква одамна не сме виделе на фудбалските терени. Оваа акција со гол ја круниса Џовани Симеоне, син на тренерот на Атлетико Мадрид Диего Симеоне.

Денес православните христијани го празнуваат денот Рожденство на мајката Божја Пресвета Богородица. Празнувањето на ваквите големи празници има посебна традиција во Прилеп и прилепско и е од огрoмно значење за граѓаните.
Луѓе од сите страни се упатуваат кон храмовите и принесуваат дарови и молитви кон мајката божја за здравје, за спасение.
Традиција за празнување на овој свет ден постои и во црквата Рожденство на Пресвета Богородица во село Штавица, прилепско Мариово.
Штавица се наоѓа на југоисточната страна од Прилепско Поле и е оддалечено 18 км од градот. Оваа локација го привлекла вниманието и на македонските филмаџии, меѓу кои и режисерот Милчо Манчески, кој тука ги снимил познатите Пред Дождот и Прашина. Па поради тоа селото е познато и како Мал Холивуд. Црквата во селото датира од 1881, а поновата градба е издрадена токму за потребите на филмот Прашина.
За овој ден храмот во село Штавица изобилува со многу гости и посетители. Луѓето доаѓаат на утринска литургија, палат свеќи за здравје и со ручек и песна го слават името на мајката Божја.

Редакција на markukule.mk

Селекцијата на Шпанија е нов европски првак откако во финалето на Евробаскет ја совлада Литванија со 80:63.

Шпанија сосема заслужено по четири години се врати на врвот на европската кошарка. Во финалето не дозволија никаква резултатска неизвесност, па од самиот почеток на мечот најавија дека тие ќе го кренат пехарот.

Најдобар во таборот на новиот европски првак беше Пау Гасол со дабл-дабл учинок од 25 поени и 11 скокови, а Фернандез постигна 11. Кај Литванија Сеибутис и Калниетис постигнаа по 13.

Двете селекции обезбедија директен пласман на Олимписките игри во Рио.

Во битката за бронзениот медал, селекцијата на Франција ја совлада Србија 81:68.

Тие се подеднакво спремни и ги имаат поминато истите обуки како и мажите во специјалните воени единици.

Бизнис Инсајдер направи листа на 6 елитни женски воени единици, подеднакво опасни како и мажите.

Курдски женски баталјони

Женските баталјони се дел од курдските Единици за народна заштита (YPG) и од 2012 година многу успешно учествуваат во борбите на курдскиот отпор против терористичките групи на Исламската држава. Женските единици на курдската одбрана имаат и психолошко влијание врз своите непријатели, бидејќи исламистичките милитанти наводно веруваат дека, ако умрат во борба против жена, нивните души ќе горат во пеколот.

Женската единица на руските специјални единици

Жените почнале да им се приклучуваат на руските сили “Spetsnaz” пред неколку години. Иако повеќето жени служат во мешани единици, постојат и самостојни женски единици обучени за воено разузнавање и извидување, како и да водат напади против странски војници во текот на напад на руската територија.

Женски специјални единици во Кина

Кина има единица на женски специјални сили. Седиштето е во Хонг Конг, а има 50 високо обучени борци.

Руската женска воздушна единица

Женската воздушна единица е дел од воздушните сили на Русија. Жените поминуваат низ истата обука и ги извршуваат истите задачи како мажите. Од денес тие млади жени се прилагодуваат на острите мерки на воената дисциплина и се менува нивниот начин на живот. Исцрпувачки маршови и вежби за пукање се нивна секојдневна рутина. Не си играат војна, туку се подготвуваат за неа со целата потребна цврстина.

Доброволна одбранбена служба на Шведска

Женските единици се дел од шведските трупи “Lotta Corps”, кои претставуваат резервни сили. Тие жени се дел од националниот план за одбрана во случај на инвазија на Шведска. Тие се обучени за основните воени тактики и стратегии. Меѓутоа, нивната главна работа е борбена поддршка или помош на таквите линии на фронтот.

„Калуѓерките од револуцијата“, Либија

Еден весник таа единица ја нарекол „Амазонска гарда“. Но, по почетокот на војната во Либија, тие жени биле клучни за личната безбедност на поранешниот либиски лидер Моамер Гадафи. Биле високо образовани во употреба на огнено оружје и во служење со боречки вештини.

[Best_Wordpress_Gallery id=”41″ gal_title=”20.09.2015 – Ноќен живот”]

[Best_Wordpress_Gallery id=”39″ gal_title=”Calypso, Art Cafe & The Gallery House Pub”]

Р.К. Прилеп 26 – 21 Р.К.Пелистер (9-9)

Ракометарите на Прилеп поуспешни во пелагониското дерби.

Понесени од публиката во полната сала на СОУ Р.Р.Ричко, прилепчани имаа успешно отворање на новата сезона во машката супер лига на Македонија која според сите очекувања треба да биде максимално неизвесна и изедначена.

Домаќините со оваа победа најавија дека и оваа година ќе атакуваат на место на табелата кое води во плејоф завршница.

Прилепчани во првото полувреме започнаа во грч, гостите беа распочожени и растеретено влегоа во мечот. Се играше цврсто во одбраната без многу голови, па така на полувреме заминаа на одмор при резултат 9-9.

Во второто полувреме после советите на Петрески и Соколески домаќимите наметнаа побрз ритам на игра и работите си дојдоа на свое место за на крај да биде и плус 5 на семафорот.

Во второто коло Прилеп гостува кај новиот суперлигаш Борец од Велес

Редакција на markukule.mk

Пред неколку дена Марк Цукерберг соопшти дека Фејсбук започнал сериозно да работи на знакот „дислајк“ (dislike), што предизвика позитивни реакции кај корисниците на оваа социјална мрежа.

Но, по ваквата најава, некои корисници почнаа да доставуваат предлози за воведување на нови ознаки и емотикони на Фејсбук.

Така, на листата на предлози се најдоа и: „зошто секогаш лажеш“, „престани со расистичките гомненици“, „смири се“, „никој не сака да те чита“, „едноставно престани“ и така натаму.

На предлагачите на нови симболи на фејсбук им се придружи и водителот Конан О’Брајан, кој ги сугрирара и опциите: „твоето бебе сепак не е толку слатко колку што мислиш“ и „ми се допаѓа ова – се мразам себе си“.