Дарко Недев, момчето кое го фати крстот за Водици во Кавадарци и навивачката група Лозари Исток на која и припаѓа, за денеска организираат хумана акција.

Денеска од 9:15 часот светиот крст ќе биде поставен на градскиот плоштад во Кавадарци и сите верници ќе можат да го бакнуваат и даруваат. Сите пари ќе бидат донирани за помош на малата Драгана Малкиќ, на која и е потребна итна операција во Белград, нагласија од навивачката група.

Рекоа дека во деновите за празнување на делата Господови кога сите си ги посакуваме најубавите желби и се молиме за нашите најблиски и најсакани, повикуваат сите да ја покажат својата хуманост.

Да помогнеме едно мало девојче да ги види со своите очи луѓето кои бескрајно ја сакаат. Бог се јави. Навистина се јави, додадоа од навивачката група.

Според календарот на МПЦ (Јулијанскиот календар) денеска е 7 јануари.

Денеска е Собор на св. Јован Крстител.

Уште од првите векови Црквата утврдила овој ангел во тело да се прославува веднаш после празникот Боголавление. Тоа е затоа што неговата главна служба, неговото главно дело, се состоеше во подготвувањето на народот за доаѓањето на Помазаникот Исус.

Така, иако свети Јован Претеча и Крстител се прославува на неколку пати во текот на годината, неговиот собор т. е. главен празник е на денешен ден.

Според Јулијалнскиот календар денеска православните верници го празнуваат Свети Јован Крстител, кој се празнува на 20-ти јануари.

Свети Јован Крстител е важен светец во христијанството, братучед на Исус Христос според евангелието на Лука и човекот којшто го крстил во реката Јордан. Со оглед дека оваа главна улога на Свети Јован се остварила на денот на Богојавление (19 јануари), древната Црква денот по Богојавление му го посветил на неговиот спомен.

Јован Крстител најверојатно имал голема улога во првите векови во христијанството, а според некои, тој дури имал и поголем број на верници.

Денеска, во христијанството, Јован се смета за светец и мачениk. Во исламот е познат како пpорок Јахја ибн Закарија. Медејците, пак, го сметаат за единствен и вистински меcија.

Празникот Свети Јован Крстител се прославува неколку пати во годината, но народот најмногу го празнува овој ден, 20 јануари по македонскиот православен црковен календар. Исто така, во православната црква се празнува и денот на отcекувањето на главата на Св. Јован Крстител (11 септември).

Моштите на св. Јован Крстител се наоѓаат на неколку места низ светот, а дел од дланката се наоѓа во Бигорскиот манастир, св. Јован Крстител во Македонија.

Лидерот на ВМРО-ДПМНЕ, Христијан Мицкоски во интервју за порталот Press24 порачува дека откако владата удри по пазарџиите, следни на удар се пензионерите на кои ќе им се скрати законското зголемување на пензиите.

Press24: Владата се пофали со проекти од 4.2 милијарда евра инвестиции за транспортна инфрструктура. Велат дека брзо ќе почне да се гради и Чебрен и Галиште. Што се вашите видувања за ова?

Мицкоски: Ајде да одиме по ред. Прво планот кој го соопштија од 4.2 миијарди евра за инвестиции во транспортна инфраструктура, ќе кажам дека е инзворедно неразвоен и манипулативен. Затоа што треба да се искрени и погласно да кажат дека тој е до 2030 година. Односно сега па за 12 полни години, каде во меѓувреме ќе се потрошат буџети од најмалку 40 милијарди евра. А они се фалат со 4.2 милијарди кои нема ни да бидат во состојба да ги реализираат. Па навистина ги потценуваат граѓаните фалејќи се со нешто што треба да се заврши за 12 години од сега, во ситуација кога нам ни треба рапиден раст. Второ што се однесува до Чебрен и Галиште, навистина незнам што му пренесуваат на Заев неговите советници, или тој навистина им верува. Единствено нешто што имаат во раце е студија започната од минатата влада. Па се да се одвива по ултра брзо темпо, какво што до сега не сме виделе, првиот камен темелник на овој проект би бил од сега па за три години. Што значи дека станува збор за уште една лага. Трето гледам дека се фалат со гасификација. Вистината е дека тие ја успорија гасификацијата. Пракитчно примарната мрежа се гради со минимални капацитети и вака како што тргнало гас граѓаните од цела Македонија може да очекуваат по дури речиси една деценија. Друга загрижувачка работа што се одвива е тоа што има најави дека и она законско усогласување на пензиите кои се одвива секоја година, а со која тие растат по одреден процент, тој процент дополнително да се намали. Односно слушаме дека Владата ќе го крати. Значи наместо владата да им додаде, таа ќе крати од пензиите на пензионерите. Ние сме држава каде половина милион живее во сиромаштија. Поразителен факт. Губењето на државата и сиромаштијата може да се стопира само со смена на власта.

Press24: Пазарџиите излегоа на улица, можно ли е пошироко граѓанско незадоволство?

Мицкоски: Владата ги зголеми даноците. Значи се осиромашува народот. Сега трга по работливиот и чесен народ кој со судна мака се бори за својата егзистенција. Неправеден закон за пазарџиите и тие ја имаат мојата целосна поддршка. Апелирам владата да се откаже од она што го направи како законска измена, ако не го направат тоа, можам да ветам дека ние тоаќе го направиме по промена на власта. Имам целосно разбирање за тие луѓе како и за излјадници други кои се обесправени. Да не ги заборавиме избрканите од Југохром, стрдалниците од Еурокомпозит, од Колска, од Охис и многу други. На оваа влада ќе и се случи социјален бунт.

По три недели зимски одмор, околу 270.000 средношколци и основци, меѓу кои и 20.000 првачиња утре ќе се вратат на настава за второто полугодие од учебната 2018/2019 година.

МОН пред една седмица соопшти дека за евентуално одложување на второто полугодие поради заразата од морбили ќе биде во координација со министерствата за здравство и за труд и социнална политика, но Комисијата за заразни болести од Министерството за здравство пред два дена заклучи дека нема продолжување на распустот за учениците.

Министерот Арбер Адеми неодамна информираше дека е во финална фаза втората нацрт-верзија од новиот закон за основното образование и дека наскоро ќе биде објавена на електронскиот регистар на прописи-ЕНЕР.

Во Стопанската комора на Македонија промовирана е монографијата „60 години Витаминка“, чиј автор е Тачко Локвенец. Монографијата е посветена на успешната приказна за шестдецениското постоење на овој национален бренд, како и личниот придонес на Симон Наумоски, претседател на Одборот на директори на Витаминка и неговиот ангажман за растот и развојот на компанијата.

– Моето 44-годишно работно искуство во Витаминка ме научи дека се исплати внимателното, грижливото и домаќинското работење. Имало и лесни и тешки моменти во мојата кариера. Но, секогаш сум имал среќа околу себе да имам одлични соработници, вработени и колеги кои верувале на одлуките на раководството и бескомпромисно се посветувале на обврските, работејќи одговорно. Сите овие човечки вредности заедно со потенцијалите и искористувањето на технолошките капацитети придонесоа денес Витаминка да биде еден од најуспешните прехранбени производствени капацитети – лидер на македонскиот пазар и во регионот, пошироко. Со гордост можам да кажам дека Витаминка денес претставува вистински репрезент на квалитет и успех – изјави Симон Наумоски, претседател на Одборот на директори на Витаминка.

Наумоски емотивно низ одбрани зборови и со зарипнат глас ги потенцира значајните моменти во развојот од 1974 година.

-Дојдов во фабрика која произведуваше само црвен пипер со залиха за неколку години. Раскарини и поделени беа и стручнаците. Успев да ги обединам и со скитање дење и ноќе со автобуси и возови низ Македонија и Југославија да се ослободиме од залихата на единствениот производ – црвениот пипер. Иако рокот му е само две години во тој период се реализира низ Македонија и Југославија со патувања и упорност со верба дека е можно од пепелта да се крене модерна фабрика. Со набавка мала машина за пакување на црн пипер, сода бикарбона, ванила, прашак за печиво се прошири палетата на производство, а најголемиот подем е достигнат со инсталацијата на машината за флипс, наместо за чипси. Човечкиот фактор е најзначаен. Со стручен приод се влезе во нов домен, продукција на чоколадните школки Атлантис. Се реализираше идејата секој година да се лансираат барем по десетина нови производи или нови пакувања. Најтешко беше кога од пазарот од 22 милиони од Југославија паднавме на два милиони пазар во Македонија во почетокот на деведесеттите години, кога продукцијата падна на четвртина од претходното. Со макотрпна работа, многу одрекувања, упорност и посветеност и со развојни проекти се пребродија неколку тешки години. Во клучните моменти на Витаминка беше и доцнењето продукцијата на фабриката за кекси и излетот во непозната сфера со инвестиција во продукцијата на СО2 во изворот Гермијан кај Битола. Сепак носечки се квалитетот на тимот, погледите во развојот, непомирливоста со неможното. Тоа бара семејни жртви. Сепак, најдов разбирање кај сопругата Маре, која совршено ги израсна и воспита моите деца Сашо и Наташа. Тие заедно со млада екипа успешно ги следат стапките на преходниците на Витаминка во нови развојни ангажмани. Лани продукцијата мина 39 милиони евра од кои 45 отсто се пласмани во странство. Среќен сум и уживам со внуците и со двете правнучиња – заврши возбудено Наумоски кој е добитник на десетици државни и локални награди.

За претседателот на Стопанската комора на Македонија Бранко Азески, успехот на Витаминка несомнено е врзан за успехот на првиот човек на компанијата како претседател на Одборот на директори.

-Наумоски сам по себе претставува бренд, ако се следи неговиот деловен развој паралелно со развојот на една од најуспешните македонски компании, лидер во прехранбената индустрија и производител со европски квалитет. Во Прилеп сите имаат прекари, а Наумоски нема. А би требало да има. Наумоски треба да го викаат Германија, бидејќи секогаш урнек за просперитет на Витаминка му беше оваа земја – истакна Азески.

Според него, успехот се темели на неколку клучни одлуки што ги донел Наумоски како лидер. Воспоставил квалитетна кадровска структура, упорноста е значаен сегмент во креирањето и реализирањето на деловната политика и трето, фокусот на развој на компанијата го темели на изнаоѓање нови пазари во светот.

На промоцијата присуствуваа познати македонски стопанственици и претставници на бизнис секторот од Македонија.

Успешната приказна на Витаминка почнува од 1974 како компанија за производство на мелен црвен пипер. Со развивање, отворање нови пазари и инвестиции, компанијата го гради патот кон успехот, прераснувајќи во лидер во прехранбената индустрија на македонскиот пазар. Витаминка е присутна и на пазарите на повеќе од 30 земји во светот, пласирајќи околу 45 отсто од годишното производство. Денес Витаминка претставува компанија зад која стојат голем број познати и изградени брендови. Широката палета на производи со околу 350 типови на пакувања, вклучува производство на различни вкусови (слатки, солени, кисели и лути) во форми на ужина, чоколади, десерти и бонбони, голем избор на пудинзи, пастеризирани производи, кечап, мајонез и различни сосови, вкусни супи и други додатоци за храна, како и бројни инстант производи, сирупи и филтер чаеви. Од неодамна семејството Витаминка доби нов член – маслото за јадење Брилијант.

Брендовите како леонардовите и микеланџеловите дела

Монографијата ,,60 години Витаминка,, е напишана од Тачко Локвенец, кој рече дека во Витаминка на сé се внимавало, но на овековечувањето, и не толку многу.

– Соработката со Наумовски е Божји пат, никогаш не зборува напамет, за се што работи запишува и дека овој негов успех не е случаен, туку е постигнат со неговата упорност и работење. Витаминка е компанија со повеќе брендови. Тие се нејзина лична карта врамена како леонардовите и микеланџеловите дела. Доволно истакнати да не мора деловните партнери да се убедуваат за успешноста умноста и способноста за работа, но и чесноста и квалитетот. Најпосле уште една реченица на Наумоски за синот Сашо. Јуниорот полека, но сигурно цврсто го држи кормилото на Витаминка низ вечно немирните води на бизнисот, заобиколен од млада, едуцирана, храбра и амбициозна тивка екипа, без која нема успеси како компанија. Монографиите не се прераскажуваат, туку се гледаат, читаат и чуваат – истакна Локвенец.

За време на одбележувањето на вчерашниот христијански празник Богојавление Христиво – Водици во Женева – Швајцарија, верниците до извикаа Отецот Пимен.

Северџанот што гласаше против сопствениот народ, му велат тие.

Погледнете ги видеата:

Капитенот Кире Лазаров мечот со Русија вчера го заврши со 9 погодоци и беше најефикасен во нашата репрезентација.

Тој постигна еден од најатрактивни голови на оваа средба, кога во самиот финиш од средбата, успеа да го лобува русикиот голман Олег Грамс од седум метри.

По овој потег, Лазаров и гоманот си пружија рака.

Од „Адвокатската канцеларија Конески“ денес на својата официјалната фејсбук страна објавија дека, од сега на територија на цела Македонија, во случај на оштетување на возилото поради лошиот квалитет на улиците ќе може да пријавите и побарате обештетување од општините кои се задолжени за одржвање на патиштата.

„Сведоци сме на лошиот квалитет на дел од улиците во Град Скопје, но и пошироко на цела територија на Република Македонија. Како што и претходно укажавме, повторуваме дека согласно член 22 став 1 точка 4 од Законот за локалната самоуправа Општините се надлежни за изградбата, одржувањето, реконструкцијата и заштитата на локалните патишта, улици и други инфраструктурни објекти”, од што произлегува дека во случај на предизвикана штета заради редовна употреба на оштетените улици, Општината во чија надлежност е одржувањето на улицата е одговорна за штетите предизвикани при редовното користење на истите од страна на граѓаните.

Граѓаните коишто претрпеле штета при редовното користење на улиците, којашто е предизвикана заради оштетеноста на истите, имаат право да побараат надомест на настанатата штета од надлежната општина.

За да биде појасно би дале и конкретен пример: возите накај вашето работно место и со тркалото пропаѓате во дупка и притоа ви се искривува бандажот и пропратно се оштетуваат и останати делови од подвозјето, не сте виновни вие бидејќи не сте ја избегнале дупката, таа едноставно не требала да биде таму“ стои во нивната објава.

Прилеп вечерва ги надмина во загаденост и Скопје и Битола и Тетово.

Мерната станица поставена на општинската зграда вечерва во 19:00 часот покажа 1012 ПМ-10 честички на метар кубен.

Ова е елементарна непогода и навистина треба да ги разбуди надлежните од зимскиот сон!

Воздухот во Прилеп не се диши и предизвикува печење на очите, носот и грлото.