Во Пoлициcкa станица Прилеп, вчера во 19.30 часот А.П.(41) од Струмица, кој живее во Прилеп, пpиjaвил дека околу 16.00 часот додека бил на работно место во Итна медицинска помош Прилеп бил физички нaпaднaт од Д.Л. од Прилеп.

Се преземаат мерки за расчистување на случајот.

Делегатите на ВМРО-ДПМНЕ почнаа да гласаат за избор на еден од деветте пријавени кандидати за претседател на државата. На гласачките ливчиња кандидатите се испишани по азбучен ред, според првата буква од презимето.

На конвенцијата во Струга што почна напладне, дадена е пауза од два часа, додека трае гласањето, по што, во 18:00 треба да продолжи.

Во трката за претседателски кандидат од ВМРО-ДПМНЕ се Гордана Силјаноска Давкова, Влатко Ѓорчев, Филип Петровски, Горан Ангелов, Илија Димовски, Сашо Култешовски, Никита Шекутовски, Васко Костов и Ѓорѓи Манасков. Тие имаа 15-минутни обраќања во кои ги изнесоа своите визии и програми.

-Тоа што сум денеска тука го покажува реформскиот и демократски капацитет на ВМРО-ДПМНЕ да отвори порта на еден натпартиски кандидат. Не е доволно само да се нарекувате реформска партија, туку треба да посегате по истите. Во 2001 година ни се вкрстија патиштата со ВМРО-ДПМНЕ, потоа во Струга во 2004, потоа за Преспанскиот договор и на крај за Законот за јазици, рече Силјановска.

Најави дека ќе формира експертски тим на домашни и странски професори по меѓународно јавно право. – Да го отвориме прашањето за името на Република Македонија. Тоа не е затворено. Пред меѓународните судови и институции, нагласи Силјановска.

И Ѓорчев фокусот на обраќањето го стави на името на државата, откако директно побара доверба од своите сопартијци. -Веќе ги вадат таблите кај што пишува „Република Македонија“. Ако треба нека ни ги дадат нам, ќе ги чуваме и по подруми, и по тавани. Ќе дојде време кога повторно ќе ни требаат. Тоа е нашиот аманет – Република Македонија, нагласи Ѓорчев.

Во врска со неговата програма, напомена дека во првите три месеци планира да оствари средба со претседателот на САД, Доналд Трамп, да појде во Европската Комисија, во Брисел, во Берлин. – Секаде ќе ја кажам вистината за Македонија. Јас сум кандидат и на врмовското срце, дополни Ѓорчев.

Според кандидатот Шекутовски, претседателот на државата треба да сочува барем дел од вековното име на Републиката и оние 140 држави што не признаа под уставното име да ги извести за непочитување на нанесената неправда.

Илија Димовски вети дека ќе се заложи за реформи во повеќе сфери меѓу кои во образованието, Васко Костов најави заложби за благосостојба, мир и безбедност, но и непочитување на Преспанскиот договор, додека Кутлешоски потенцира дека не се согласува со промената на уставното име и порача да се најде начин да се промени, како што рече, историската грешка и да се зајакне борбата против криминалот.

-Не е целта кој ќе победи на конвенцијата, целта е ВМРО-ДПМНЕ убедливо да победи и да се врати на чело на политичката сцена, истакна Манасков.

Во своето обраќање на конвенцијата Филип Петровски посочи четири тези за кои ќе се залага: Поништување на Преспанскиот договор и двојазичноста, враќање на илинденските и асномските принципи и предвремени парламентарни избори. -Освен овие тези, нема да потпишам ниту еден закон на Заев, рече Петровски.

На конвецијата учествуваат 523 делегати. Ја отвори лидерот на партијата Христијан Мицкоски кој во обраќањето порача дека ВМРО-ДПМНЕ треба да избере човек кој ќе биде претседател на сите граѓани, што ќе ја води државата бестрашно и непоколебливо, човек кој ќе биде гаранција за квалитетот во носењето одлуки, кој ќе се обрзе да ги почитува Уставот и законите.

На 16.02.2019 година околу 03.20 часот пријавено е дека во бензинска пумпа во Прилеп две лица извршиле разбојништво и одзеле 16,000 денари и мобилен телефон. Се работи на расчистување на случајот – информираат од МВР.

Ќе победиме, ќе победи честита Македонија. Вака претседателот на ВМРО-ДПМНЕ Христијан Мицкоски предмалку во Струга ја отвори конвенцијата на која се избира претседателскиот кандидат на партијата.

Кога секој поединец се наоѓа себеси во мачна борба кон подобар живот, мачно секојдневие со борба, од оваа наметната црнила, кога се бори со ветерници, и иако го дава најдоброто од себе, не успева. Не успева зошто внатрешниот систем е против него, општеството е труло. На ваква раскрсница, потребна е надеж и светлина, рече пред делегатите претседателот на партијата Мицкоски.

Тој додаде дека ВМРО-ДПМНЕ има огромен мотив за оваа борба – успешна Македонија, која е нивната единствена цел.

Го земам бајракот во раце, го земаме заедно, и ви велам: Ќе победиме! Ве гледам во очи и велам: Ќе победи честита Македонија!, порача Мицкоски.

Мицкоски рече дека овие избори ќе бидат жолт картон за Зоран Заев и СДСМ и дека ВМРО-ДПМНЕ нема да дозволи гласот на народот да не се чуе.

Да ја вратиме правната држава! Пет месеци нема разрешница за насилното гласање на

Мицкоски рече дека го има одговорот за тоа каков треба да биде кандидатот за претседател на ВМРО-ДПМНЕ.

Кандидат кој ќе покаже кичма, кога други ја виткаат, да покаже достоинство, стабилност, да се исправи пред неправдите. Човек кој ќе го почитува Уставот, во време кога не го почитувааат. Кој ќе го почитува гласот на народот, кога никој не го почитува, порача Мицкоски.

Мицкоски најави победа на ВМРО-ДПМНЕ и нивниот претседателски кандидат.

Да испратиме порака дека Македонија е на сите граѓани, секој треба да гласа за кандидатот на ВМРО-ДПМНЕ. Ова е време кога мора да се гласа! Нема подобро решение да победи човек од опозицијата, кој ќе биде глас и разум на сите граѓани на Република Македонија.

Мицкоски порача дека оваа недемократска и неспособна власт на чело со Зоран Заев, мора да се сопре.

Веќе не се зборува за повисока пензија, туку за останување на истата или намалување. За плата од 500 евра уште се сонува. Поради неспособноста во здравството умираат луѓе. Што друго треба да се случи за овие луѓе да поднесат некаква одговорност? Правда нема, ако поднесете нешто во Антикорупциска, ве чека баџанакот на Џафери. ЕЛЕМ и МЕПСО место гиганти се дулво на партиски вработувања. Нечеститост!, порача Мицкоски.

Мицкоски порача дека доста е од поделби, доста нè делат на табори.

Ќе го посетиме секој град и село, ќе влеземе во секој дом, ќе развиориме бајрак на заедничка борба. Некои политичари мислат само на наредните избори, ВМРО-ДПМНЕ мисли и работи за наредните генерации, порача Мицкоски.

Да живее самостојна суверена Република Македонија!

Играчот на Кливленд Кавалирс кој е роден во Охрид, синоќа на натпреварот наменет за дебитанти од NBA All-Star викендот, настапи со уникатни патики на кои беше насликано македонското и турското знаме.

После натпреварот кој екипата на САД против екипата од Светот го доби со 161-144, на Фејсбук страната на Кливленд Кавалирс беше објавена следната порака:

“Навистина сум среќен што сум тука вечерва и што настапувам на овој натпревар. Беше многу забавно. Роден сум во Македонија и ја претставувам вечерва Турција. Двете знамиња на моите патики покажуваат дека ги претставувам и им испраќам љубов. Знам дека тие ме поддржуваат без разлика на се”, изјавил Чеди Осман после синоќешниот меч за дебитанти на НБА All-Star викендот, кој оваа година се одржува во Шарлот.

Својата кариера Чеди Осман ја започна во Кошаркарскиот клуб Босна, а во 2007 година потпиша за Анадолу Ефес. Поради неговото турско потекло веднаш беше прифатен и во турската репрезентација каде и денеска настапува.

Cedi Osman'ın bu gece #NBAALLStar Yükselen Yıldızlar maçında giyeceği ayakkabılar! ???? pic.twitter.com/FOUHFkcpQD

— Sporx Basketbol (@sporx_basket) February 15, 2019

Во сезоната 2011/12 бил позајмен во Пертевниал, а летото во 2012 потпишал професионален договор со Анадолу.

На 25 јуни 2015 година, Осман бил избран како 31 играч на драфтот од екипата на Минесота, а во 2017 година премина во Кливленд Кавалирс.

Кристијано Роналдо запиша ново големо достигнување – гол плус асистенција во секој од неговите последни 3 натпревари во Серија А.

Ѕвездата на Јувентус ова го направи по втор пат во својата кариера откако тој веќе забележа слично достигнување во Реал Мадрид во ноември 2014 година.

При успехот над Фросиноне (3:0) Роналдо асистираше на Пауло Дибала, а во средината на вториот дел го оформи конечниот резултат.

Кристиjано е лидер кај стрелците во Калчото со 19 гола и 9 асистенции.

Претседателите на Русија и Белорусија, Владимир Путин и Александар Лукашенко одиграа хокеј на мраз по билатералните разговори во Сочи.

На трибините немаше гледачи, освен акредитирани новинари за Инвестицискиот форум во Сочи, пренесува Тас.

Црквата сочувала еден благочестив обичај, во деновите после големите празници да ги слави оние личности што учествувале во тој празник.Поради тоа, веднаш после празникот Сретение се слават свети Симеон Богопримец и света пророчица Ана. Тие се првите луѓе што го познаа Помазаникот Божји, или Христос, во смирениот човек Исус.

Свети Симеон Богопримец

Во времето на мисирскиот цар Птоломеј Филаделф овој Симеон беше избран како еден од прочуените Седумдесетмина на коишто им беше доверена работата на преведување на Библијата од еврејски на грчки јазик. Симеон ја работеше својата работа совесно, но кога го преведуваше Пророкот Исаија и дојде до пророштвото: „Еве девица ќе зачне и ќе роди син“, тој се збуни, зеде нож за да го избрише зборот „девица“ и го замени со „млада жена“ за така и да го преведе на грчки. Но во тој миг му се јави ангел Божји и го задржа од неговата намера, објаснувајќи му дека пророштвото е вистинито и дека запишаното е точно. А дека е вистинито и точно, му кажа Божјиот известител дека ќе се увери и самиот, зашто по Божја волја нема да умре дури не Го види Месијата роден од девојка.

Праведниот Симеон му се израдува на ваквиот глас од небото, го остави пророштвото неизменето и Му заблагодари на Бога што го удостојува да доживее да Го види Ветениот. Кога Исус како Младенец беше донесен во ерусалимскиот храм од Дева Марија, за ова Духот Божји му јави на старецот Симеон, кој тогаш беше престарен и бел како лебед. Симеон брзо отиде во храмот и таму Ја препозна Дева со Младенецот, според светлината што зрачеше од нив како ореол. Радосен старецот Го зеде Христа на своите раце и Го замоли Бога да го отпушти од овој живот: „Сега отпушти го Твојот слуга, Господи, според зборовите Твои, зашто очите мои го видоа спасението Твое“. Овде се најде и пророчицата Ана, ќерка Фануилова, којашто и самата Го позна Месијата и му Го објави на народот. Ана тогаш имаше осумдесет и четири години. Наскоро потоа Свети Симеон се престави. Праведниот старец Симеон се смета за заштитник на малите деца.

Светите маченици Адријан и Евул
затворените христијани и да ги охрабрат и утешат. Но и нив ги фатија и ги осудија на смрт. Адријан го убија со меч, а Евул го фрлија на ѕверовите во 309 година. И така, не жалејќи по овој живот, чесно и радосно преминаа во вечниот.

Свети Николај Јапонски

Мисионерите Православната Црква често ги нарекува „рамноапостолни“, односно оние кои се трудат со ревноста и на начинот на првите апостоли. Понеодамнешен пример за ваков светител е свети Николај, кој му ја донесе светлината на Православието на јапонскиот народ. Роден е на 1 август 1836 година во Смоленскиот регион во Русија. Матурираше како првенец, а во 1856 почна студии на Богословската академија во Санкт Петербург. Таму прочита соопштение во кое се бараше некој да служи како главен свештеник во црквата на Руската амбасада во Јапонија, на коешто се одзва. Во Јапонија тој започна со сериозно изучување на јазикот, културата и историјата на земјата.

По неколку години интензивно учење, о. Николај преобрати во Православието еден самурај, зет на шинто свештеник, заедно со уште двајца други. Светителот не се обидуваше да покрстува голем број на луѓе, туку се стремеше оние што ќе ги преобрати да бидат цврсти во верата. Овие први покрстени потоа му помагаа како вероучители, и тој наскоро имаше група од 15 христијани, а во 1873 година бројот на православните верници достигна 1000 души. Вероучителите, како нови апостоли, проповедаа и вршеа служби во домовите и ги користеа тие домови како мисионерски центри. На овој начин беа основани над 250 мисии за време на животот на свети Николај.

Тој исто така основа и верски училишта, а во 1878 година отвори богословска семинарија за образование на јапонското свештенство. Покрај богословските науки, тука се изучуваа и јапонскиот, кинескиот и рускиот јазик, како подготовка за преводот на сите делови од Светото Писмо, како и на други неопходни текстови. Во 1880 година свети Николај беше ракоположен за прв епископ на Јапонија, а веќе во 1884 година почна со изградба на прекрасен соборен храм во Токио, посветен на Христовото Воскресение, кој беше завршен и осветен во 1891 година. Руско-јапонската војна од 1904-1905 година беше испит за свети Николај и за православните христијани во Јапонија.

Со длабоко расудување, тој им дозволи на свештениците да вршат Молебни за победа на Јапонија, додека самиот не учествуваше во нив. Иако му беше понудена заштита од страна на Русите, тој ја одби, претпочитајќи да остане со својата паства. Во 1906 г. владиката Николај беше воздигнат во чин на Архиепископ. Се упокои на 3 февруари 1910 година.

Света Веребурга
Света Веребурга била ќерка на Вулфер, кралот на Мерсија, и на света Ерменилда, ќерката на Еркомберт, кралот на Кент, и на света Сезбурга. Во неа била собрана кралската крв од сите големи саксонски кралеви, но уште од мала, слава за неа бил презирот кон суетниот свет, затоа што со сето срце Го љубела Бог. Имала тројца браќа, Вулфаде и Руфин, кои умреле како маченици, и Кенред, кој преподобно го завршил својот земен живот во Рим. Веребурга ги надминувала своите браќа во ревноста и разумот.

Била смерна, послушна и кротка, поминувала многу часови во молитва на колена, во својата одаја. Нејзината убавина и исклучителните дарови, кои станувале сe повоочливи во блесокот на нејзината чесност, ? донеле многу додворувачи за брак. Но, света Веребурга останала непоколеблива во својата намера целосно да Му се посвети на Бог. Придружувана од сите дворјани и од татко ?, таа стапила во манастирот во Или, а на портите од манастирот ги пречекала светата игуменија Одри, заедно со целото сестринство. Била најголем пример на кротост, смирение, трпение и чистота. Се упокоила на 16 февруари 699 година.

Свети Ансгариј Германски
Свети Ансгариј, евангелистот на Скандинавските земји, е роден близу Амиенс, Пикардија, Франција, во 801 година, а се упокоил во Бремен, Германија, на 3/16 февруари 865 година. Како младо момче од благородничко семејство, бил примен во манастирот Корби во Пикардија и бил образован од свети Авелард и Пасхазиј Радберт.

Во Франција имало повик за свештеник-мисионер, па Ансгариј, како млад монах, доброволно се пријавил. Опремени со шатори и со книги, Ансгариј и уште еден монах тргнале во 826 година и основале училиште во Данска. Овде починал сотрудникот на Ансгариј и тој морал сам да замине за Шведска. За време на патувањето неговиот брод бил нападнат од пирати и тој загубил с? што имал, пристигнувајќи бедно во едно мало шведско село. По почетокот, кој малку ветувал, успеал да го основа јадрото на Црквата, првата христијанска црква во Шведска, и продолжил кон внатрешноста, покрстувајќи ги паганските поглавари. Ансгариј станал првиот архиепископ на Хамбург, Германија, а наредните четиринаесет години во Скандинавските земји го ширел Евангелието и градел цркви во Норвешка, Данска и Северна Германија. Ансгариј продолжил со својата дејност сe до својата смрт на возраст од шеесет и четири години. Бил погребан во Бремен.

Бил голем мисионер, неуморен, извонреден проповедник, прославен поради своето подвижништво, и многу бил милостив кон сиромашните. Градел училишта и ги ослободувал робовите запленети од Викинзите. Го покрстил кралот Ерик од Јитланд и бил нарекуван „Апостол на Северот“, иако Шведска целосно се вратила на паганството кратко време по неговата смрт. Неговиот свет спомен се чествува на 3/16 февруари.

ВМРО-ДПМНЕ денеска на конвенција во Струга избира партиски кандидат за претседател на државата за претстојните избори што ќе се одржат на 21 април, годинава.

Вкупно 551 делегат избираат меѓу деветмината кандидати, кои се пријавија на партискиот конкурс. Во изборот за претседателската кандидатура ќе се натпреваруваат Гордана Силјаноска Давкова, Влатко Ѓорчев, Филип Петровски, Горан Ангелов, Илија Димовски, Сашо Култешовски, Никита Шекутовска, Васко Костов и Ѓорѓи Манасков. Кандидатите ќе имаат по 15 минути можност да ја претстават својата визија пред делегатите, а потоа предвидено е да се премине на гласање.

За избран кандидат, според деловникот на партијата, се смета оној кој добил најмногу гласови, но не помалку од една третина од вкупниот број делегати. Доколку ниту еден од кандидатите не го добие потребниот број или кандидатите добијат ист број гласови, гласањето се повторува.

Во повтореното гласање учествуваат двајцата кандидати, кои добиле најмногу гласови на првото гласање, при што за избран ќе се смета кандидатот кој добил најмногу гласови на повтореното гласање.