Ако се оди како што треба на двете страни, во 2031, 2032 година треба да може да се патува со воз од Скопје до Бургас, најави денеска вицепремиерот и министер за транспорт Александар Николоски.

Тој во одговор на новинарско прашање на промотивен настан на Орце Ѓорѓиевски, кандидатот на ВМРО-ДПМНЕ за градоначалник на Град Скопје на претстојните Локални избори, потврди дека на 4 ноември, кога ќе завршат сите ограничувања заради изборите, ќе се потпише договорот за заедничка изградба на прекуграничниот тунел на пругата кон Бугарија, како што е договорено во јуни годинава.

-Во јуни имавме средба со вицепремиерот и министер за транспорт Караџов во Истанбул, една корисна конструктивна средба каде што првпат после скоро година дена, седнавме да ги разгледаме реалните проблеми коишто се од инженерски, а не од политички карактер. Имајќи предвид дека средбата беше таква, стручна за теми коишто не се поврзани со политика, затоа што градење пруга не е политика најдовме многу брзо решение, посочи Николоски.

Како што прецизира, договорено е Македонија да ја изгради третата фаза од железницата кон Бугарија, првата, додаде, е изградена, а втората се гради во моментов.

-Бугарија си ги презеде своите обврски, а тоа е да инвестира милијарда и половина евра во изградба, реконструкција и надградба на пругата која што оди од Софија преку Перник до Ѓуешево и да го изгради делот од Ѓуешево до границата. За делот од Ѓуешево до границата веќе има тендери и она што останува тунелот којшто претходно, за жал, беше проектиран до пола, сега ќе се проектира целосно и за таа работа секако треба да се потпише меѓудржавен договор. По завршувањето на изборите, кога ќе завршат овие ограничувања истиот ќе го потпишеме, рече Николоски.

Ние, додаде, на седница на Влада исто така одобривме да се работат корекциите во делот на третата фаза и одиме по договорот, и се надевам дека ќе го реализираме, и дека за неколку години ќе имаме железничко поврзување помеѓу Скопје-Софија и пристаништето во Бургас.

-Ако се оди како што треба на двете страни, 2031, 2032 година треба да може да се патува со воз од Скопје до Бургас, потенцира Николоски.

-СВР Битола поднесе кривична пријава против А.И.(34) од Прилеп поради постоење основи на сомнение за сторено кривично дело „тешка телесна повреда“. На 23.07.2025 во Прилеп, пријавениот физички го нападнал Х.М.(29) од Прилеп и му нанел тешка телесна повреда – информираат од МВР.

Кинески научници развијаа иновативен медицински лепак познат како, кој ветува побрзо заздравување на скршени коски во споредба со традиционалните методи. Овој материјал се покажува како револуционерно откритие во терапијата на фрактури, бидејќи може да ги спои коскените фрагменти за само неколку минути. Главната предност на овој систем со лепак е скратување на времето за опоравување и намалување на потребата од класични импланти, како метални шрафови и плочки.

Инспирацијата за Bone-02 доаѓа од природата, конкретно од начинот на кој школките, како остригите, ги прицврстуваат своите лушпи за површини во влажни услови. Со оглед на тоа што овој биоматеријал може ефикасно да лепи коскени делови дури и во присуство на крв, тој претставува решение за еден од најголемите предизвици во ортопедската хирургија.

Прелиминарните податоци сугерираат дека лепакот делува во рок од две до три минути, со постепена апсорпција од страна на организмот додека коската заздравува. Тоа значи дека пациентите нема да мора да поминуваат дополнителни операции за отстранување на металните импланти, што може значително да го намали ризикот од инфекции и да го скрати времето на опоравување.

Досега кинеските лекари го користеле Bone-02 во повеќе од 150 случаи, при што забележале побрзо заздравување и помалку компликации за време на операциите. Сепак, експертите истакнуваат дека се потребни дополнителни истражувања за да се обезбеди долгорочна безбедност и ефикасност на овој нов материјал. Специјални студии ќе бидат насочени кон делувањето на Bone-02 кај сложени фрактури или кај пациенти со специфични болести на коските, како што е остеопорозата.

Доколку се покаже дека Bone-02 е ефикасен и безбеден, тој би можел да стане едно од клучните откритија во модерната медицина. За пациентите, тоа значи побрзо враќање на нормалните активности, помалку болка и пократок период на рехабилитација. Оваа иновација не само што ќе го подобри квалитетот на животот на пациентите, туку и ќе донесе значителни заштеди за здравствените системи, овозможувајќи подобро и поефикасно лекување на повреди.

Затоа, Bone-02 претставува нова надеж за сите кои се соочуваат со повреди на коските, нудејќи решенија што можат значително да ја подобрат успешноста на терапиите и опоравувањето. Со оглед на ветувачките резултати од досегашните истражувања, иднината на оваа технологија изгледа светла, со потенцијал да го промени начинот на кој ќе се третираат ортопедските проблеми во годините што доаѓаат.

Малкумина знаат дека големата љубов на Гоце Делчев била охриѓанката Јанка Каневчева – учителка и револуционерка, активна во женските кружоци на организацијата.

Во повеќе извори пишува дека Јанка била гоцевата вереница, но никогаш не стигнале да се венчаат и да имаат семејство.

Љубовта на Гоце и Јанка сега конечно е отепана во песна, а песната ја сними Мелани Тарчуловска, ќерка на  Соња и Јохан Тарчуловски.

Текстот и музиката се дело на Мишко Талевски, а аранжманот на браќата Тавитијан.

Слушнете и уживајте во продолжение:

Незаборавна вечер исполнета со возбудливи борби и одлична забава – Simfonija Boxing Night беше повеќе од спортски настан кој предизвика лавина од интерес и возбуда во градот под Марковите Кули.

“Виновници” за врвната организација на вакво несекојдневно спортско уживање во Прилеп беа семејството Чатлески, “Про Бокс Македонија” и ресторанот за свечености “Симфонија”, кои на вљубениците во боксот и спортот им подарија сеќавања кои ќе траат долго, долго време.

Во преполната “Симфонија”, публиката уживаше во 6 возбудливи борби, од кои една за меѓународна титула, а домаќините од Македонија беа доминантни над своите противници гости од Србија, Хрватска и Босна и Херцеговина.

Во првата борба во рингот се соочија Неро Герлек – Македонија и Бошко Мишиќ – Хрватска. Борбата во четири рунди во CRUISERWEIGHT категорија му припадна на македонскиот претставник.

Михаил Волканоски од “Тим Чатлески” во втората борба ракавиците ги вкрсти со босанскиот боксер Недим Селимовиќ и триумфираше во SUPERFEATHERWEIGHT­ категорија.

Следуваше борбата за УБО КОНТИНЕНТАЛНА титула, каде во борба од 10 рунди во MIDLEWEIGHT се соочија Лос Бобош од Романија и Ѓорѓе Крсмановиќ од Босна и Херцеговина. После 10 рунди и судиска одлука 2:1, победник беше Крсмановиќ.

Македонскиот гладијатор Тоше Цветков се соочи со Јасмин Хашиќ од Босна и Херцеговина и триумфираше во HEAVYWEIGHT категорија.

Атмосферата буквално еруптирараше кога во рингот влегоа прилепските боксери. Ице Трајкоски боксуваше против Дејан Бубиќ од Србија во четири рунди во CRUISERWEIGHT категорија, a Матеј Чатлески ракавиците ги вкрсти со Срѓан Жариќ од Србија во борба од 4 рунди во LIGHT HEAVYWEIGHT категорија.

И двајцата боксери од Прилеп забележаа победи, што предизвика огромна бука во салата. За младиот Матеј Чатлески, кој е син на поранешниот македонски шампион, Дарко Чатлески, ова беше втора професионална борба и истовремено втора победа. Неговата борба во рингот предизвика дополнителни емоции, особено кај повозрасните гледачи, кои се присетија на шампионските денови на неговиот татко, кој е синоним кога боксот во Прилеп е во прашање.

View this post on Instagram

A post shared by 𝑴𝒂𝒕𝒆𝒋 𝑪𝒂𝒕𝒍𝒆𝒔𝒌𝒊 (@catleskim)

Веруваме дека профи боксот се враќа во Прилеп и дека овој настан ќе биде само еден нов почеток и секако ќе предизвика интерес како кај надлежните власти, така и кај бизнис секторот да се инвестира во овој спорт, затоа што Прилеп и прилепските боксери заслужуваат и можат да ги освојат и светските рингови.

Денеска во Владата се одржа настанот „Демографски трендови – Заедничка акција за инвестирање и искористување на човечкиот капитал“ на кој премиерот Христијан Мицкоски истакна дека петгодишната програма на Владата и Фондот за население на ООН не е само документ, туку конкретен план за дејствување и стратегија за иднината на државата и граѓаните.

„Нема градинки без деца, нема училишта без ученици, нема универзитети без студенти, нема спорт без спортисти, нема земјоделие без земјоделци, нема општини без граѓани. Нема економија без работна сила, нема потрошувачка без потрошувачи, нема ништо без луѓето, нема ништо без народот и демографија. Демографската рецесија не е нов феномен, таа трае повеќе од 70 години. Во 1950-та година имало над 50.000 новородени бебиња, во 2024-та имаме само околу 16.000 новородени бебиња. Кога овие деца ќе одат во прво одделение значи дека ќе имаме околу 150 училници празни, 250-300 наставници ќе останат без работа. Тоа е резултатот од оваа рецесија“, рече Мицкоски.

Премиерот ја посочи и главната причина за падот на бројот на население: природниот процес и намалениот наталитет, како и потребата од економски раст и поддршка за семејствата.

„Создадовме највисок економски раст на Балканот во однос на нашиот БДП. Тоа значи нови работни места, поголеми плати, поголеми можности за младите. Инвестираме во иднината на семејствата – шест бесплатни обиди за инвитро со забрзана процедура, на товар на Фондот. Бесплатни учебници за учениците затоа што образованието е темел на демографскиот раст“, додаде тој.

Мицкоски истакна дека многудетните семејства мора да бидат приоритет на Владата.

„Нека ме нарекуваат конзервативен, заостанат, како сакаат, но ова мора да биде прв приоритет на оваа Влада и на сите следни влади. За бадијала ни се градинки ако нема деца, за бадијала ни се училишта ако нема деца, за бадијала градиме автопати и пруги ако нема кој да вози и кој да се вози по нив. Формирањето многудетно семејство е највисок патриотски чин на еден народ за сопствената татковина, без разлика на етничката или верската припадност. Ако сакаме да имаме иднина, ако сакаме да имаме држава која ќе се развива, семејството е одговорот на овој предизвик“, порача премиерот.

-На 29.09.2025 во 15:18 часот на ул.„Карпалак“ во Прилеп, полициски службеници од ОВР Прилеп го лишија од слобода З.Т.(42) од Прилеп. При сообраќајна контрола со радар, полициските службеници констатирале дека управувал товарно возило „фолксваген” со скопски регистарски ознаки со брзина од 121 километар на час на место каде брзината на движење е ограничена со сообраќаен знак на 50 километри на час.

По целосно документирање на случајот, против него ќе биде поднесена соодветна пријава по член 297-а од Кривичниот законик – „безобѕирно управување со моторно возило” – стои во соопштението од МВР.

Првата скајранинг лига во Македонија, составена од 5 трки во 3 дисциплини донесе одлични трки, борба и неизвесност.
Во секоја трка секоја позиција беше бодувана согласно системот на бодување на Светската скајранинг федерација, а прилепчаните Златко Карчески со 280 бодови кај мажите и Елена Каранфилоска со 300 бодови кај жените, се првите национални шампиони на лигата.

За тие кои не знаат, Skyrunning е форма на планинско трчање што се одвива на ниски, средни и високи, планински терени. Се карактеризира со стрмни падини и предизвикувачки патеки кои често бараат од тркачите да ги користат рацете за да се тркаат преку камења и други пречки. Skyrunners мора да бидат физички подготвени и ментално тешки, бидејќи спортот бара високо ниво на издржливост и способност за движење на тежок терен.

За да учествуваат во skyrunning, тркачите мора да бидат во добра физичка кондиција и да имаат искуство со трчање на планински терен. Исто така, препорачливо е да тренирате специјално за skyrunning, со вклучување на тренинзи на рид, тренинзи за сила и трчање по патека во тренингот за да се изгради сила и издржливост.

Скајранинг комисијата се погрижи за најдобрите пет пласирани во машка и женска конкуренција преку @fpsmakedonija и @sportlabmk да обезбеди соодветни награди.

Шампиони по дисциплини за 2025год се:

Класик скајранинг
1.Дејан Ангелoски
1.Елена Каранфилоска

Ултра скајранинг
1.Александар Стојкоски
1.Вера Урдаревска

Вертикален Километар
1.Златко Карчески
1.Елена Каранфилоска

Првата сезона ја одбележаа вкупно 510 натпреварувачи во машка и женска конкуренција на 5 трки.

Честитки за нашите прилепчани и желби за успех на домашно и меѓународно ниво и во иднина!

На 25-ти септември во македонскиот Културно информативен центар во Тирана со одржа отворањето на изложбата на големиот македонски сликар oд Прилеп Кирил Гегоски.

Оваа изложба се реализира во соработка со Националната галерија на Република Северна Македонија, под кураторство на Горанчо Ѓоргиевски и е поддржана од Министерство за култура и туризам на Република Северна Македонија.

На свеченото отварање зборуваа ВД Амбасадорот на Република Северна Македонија во Албанија г-динот Љуфтим Спахиу и директорката на КИЦ Тирана Ема Попивода. На изложбата присуствуваа и директорот на Националната галерија г-динот Али Синани, програмскиот координатор Маја Крстевска, како и други вработени во галеријата.

Ѕидовите на КИЦ на Македонија во Тирана ги краси дел од 50 – годишното творештвото на Кирил Гегоски, кое како што кажа и самиот автор, со својата убавина имаат за цел да ја пренесат радоста со која ги создавал своите дела – до посетителите.

Културните настани значајно придонесуваат за афирмација на нашата култура и уметност, поттикнуваат меѓународна размена и соработка и го зајакнуваат нашиот идентитет. Бројната посетеност на настанот сведочи за успешното претставување на нашиот културен центар, но и за значајното културно – уметничко богатство на нашата земја, кое е препознаено и надвор од нашите граници.

Изложбата ќе биде отворена до 10-ти октомври, 2025 година.