ОВР Прилеп поднесе kpивична пријава против Г.П.(33) од Прилеп, поради постоење основано сомнение за сторено kpивично дело „овозможување на употреба на нapkoтични дpoги и психотропни супстанции“.

На 05.07.2020 на полициски службеник од ОВР Прилеп, С.М.(36) од Прилеп му предала амфетамин, по што било утврдено дека амфетаминот го добила од пријавениот, кој Г.П. заедно со нејзиниот брат С.М. го консумирале во нивниот дом.

Првиот вицепремиер и министер за политички систем и односи меѓу заедниците, Артан Груби тврди дека и граѓаните кои имаат пасош од земјите кои дозволуваат само едно државјанство, што значи дека се откажале од македонското државјанство, може да се попишат со извод или со било каков документ кој што го поседуваат и дека тие ќе придонесат за унапредување на правата на Албанците во Македонија. Ваквата изјава ја даде за време гостување во емисијата „Опинион“ која се емитува на албанската телевизија ТВ Клан.

– Доволно е да има извод од матична книга на родени, извод од книга на венчани или каков бил друг документ – рече Груби.

Новинарот повторно го праша за да прецизира:

– Нема врска дали тој граѓанин има пасош од друга држава германско на пример? Каде треба да се попише овој граѓанин, еден Албанец од Македонија со германски пасош? Ги спомнувам овие држави кои не дозволуваат двојно државјанство и живее во неговата земја, каде може да се попише овој граѓанин, треба да дојде во Македонија или има други начини во амбасадите на Македонија?

Груби одговори дека тие можат да се попишат онлајн.

– Не, се попишува онлајн на страната на ДЗС census.stat.gov.mk и одзема од 3-5 минути попишувањето на целото семејство и да се даде придонес за нивните сонародници кои живеат во Македонија и за оние од дијаспората кои кога ќе дојдат ќе ги уживаат сите права – рамномерен регионален развој, рамномерен економски развој, соодветна и правична застапеност, јазик, знаме и сѐ тоа што доаѓа со одредените квоти – рече Груби.

Тој нагласи и дека овие граѓани кои се државјани на земјите кои не дозволуваат двојно државјанство, со попишувањето нема да изгубат никакво право во земјите во кои живеат.

– Апсолутно ниту едно право во земјите во кои тие живеат или се државјани на таа земја не им се загрозува со пописот на населението. И ова е многу важно да се нагласи дека ниту едно право во државата во која тие државјани, било да е Германија или Австрија, кои не дозволуваат двојно државјанство, не им се загрозува со пописот на населението на Македонија – истакна Груби.

Додека во земјава се одигруваат сцени во кои река народ бара спас и решение за сопствениот живот и сопственото здравје заминувајќи по вакциналните пунктови во соседна земја, министерот за здравство, Венко Филипче придружуван од премиерот Зоран Заев возат мотори – oбјави “ЛИДЕР”

Двајцата функционери наместо да бидат во првата борбена линија против ковид заразата, во време кога земјава се соочува со трет бран на болеста, удобно со своите мотори, како што дознаваат од порталот, возат низ Малешевијата.

Македонските фудбалери во своето деби на европските првенства во јуни ќе носат дресови на чиј преден дел ќе доминира рисот, кој веќе е аплициран на новиот брендиран автобус на Фудбалската федерација на Македонија што ќе ги превезува во Романија и во Холандија.

На страничниот дел од автобусот стои и слоганот „Сега е наше време“, под кој „црвено-жолтите“ ќе се претстават на континенталната фудбалска смотра.

По несреќниот пораз од 3:2 против Романија во Букурешт на стартот од мундијалските квалификации, избраниците на селекторот Игор Ангеловски вечерва со почеток од 20:45ч. на Националната арена „Тодор Проески“ во Скопје ќе го пречекаат Лихтенштајн.

Истовремено на Твитер се појави информација, дека логото на рис кое го има на автобусто, веќе го има и на друго место, речиси идентичен.

Си спуштивме free vector! #FFM бруки невидени КОЛКУ ПЛАТИВТЕ ЗА АВТОРСКОТО ДЕЛО ЗА ДИЗАЈН НА ДРЕС? pic.twitter.com/LQuXwZOs2a

— Boban Alex. (@BobanAlexGFX) March 28, 2021

После сите направени преработки на забавна музика, македонскиот бенд „2Be“ овој пат тие се одлучија за малку поинаков стил од тоа претходно и направија преработка на македонска народна песна “Ој девојче девојче” со малку поинаков аранжман.

Песната ја пее и Глоридие Тузолана, младо момче од Конго, кој звучи како да е роден тука во Македонија.

„За Глоди ова е прв пат да пее на Македонски јазик и му е навистина чест и задоволство, тој од првото слушање ја запомни мелодијата и ја снимивме во рок од половина час“ – велат од бендот.

Тие исто така најавија дека ова е само почеток и дека ќе следуваат уште многу преработки, и секако уште многу нивна авторска музика.

Уживајте во продолжение:

Претседателот на стопански комори на Македонија Данела Арсовска преку статус на Фејсбук пишува дека Венко Филипче е најнеспособниот министер за здравство во 30 години независна Македонија.

-Во 30 години независна Македонија, толку неспособен министер како Филипче ни имало ни ќе има. Умиpaaт луѓе на секој чекор, се бopaт за живот, бapaaт cпac каде ќе стигнат, одат по други држави да се вакциниpaaт изложувајќи се на опacнocт од зapaза, економијата поради неговата неспоcoбност по цела година да воспостави контрола е на раб на пpoпacт, а тој се слика без cpaм со 1 кутија вакцини кои требаше да пристигнат минатата година. Уште сите амбасадори ги собрал, да се сликаат за големиов успех. Мрш, стои во нејзиниот пост на Фејсбук.

Репрезентацијата на Португалија синоќа во Белград одигра 2:2 во квалификациски натпревар за Светското фудбалско првенство 2022.

Во последната минута, трета од судиското надополнување, холандскиот судија Дени МекКели не досуди гол на Кристијано Роналдо откако топката ја мина гол-линијата. По негодувањето на 36-годишниот Португалец, судијата го казни играчот со жолт картон, а по мечот, Роналдо ја фрли капитенската лента на теренот.

По овој натпревар, Португалија и Србија имаат по 4 бода и се на првото и второто место во групата А.

Попладнево се одиграа четирите натпревари од 20.коло во ВМФЛ во двете конкуренции. Овие мечеви требаше да се одиграат уште минатата недела, но поради лоши временски услови, истите беа одложени.

Во Втората лига – Исток, Тиквеш со 1:0 успеа да слави во Прилеп, на стадионот на Могила. Стрелец на победничкиот гол беше Вареловски уште во 5-та минута.

Ова беше десетти пораз на Победа, која се наоѓа на осмото место на табелата, на пет бода повеќе од зоната за испаѓање.

Сезонава Победа има само три победи и уште седум нерешени резултати.

Следното коло црвено-белите гостуваат кај лидерот на табелата Брегалница, која без пораз сигурно чекори кон пласман во најелитното фудбалско друштво.

Инаку, според последните гласини кои кружат низ прилепската чаршија, Победа деновиве била “освежена” со нови кадри. Засега од клубот на официјалната Фејсбук страна нема никакво соопштение за што точно се работи.

Министерството за здравство информира, согласно податоците од Институтот за јавно здравје:

Во последните 24 часа се направени 4.738 тecтирања, а peгистрирани се 1.320 нови случаи на KOBИД-19 во: Скопје – 604, Куманово – 80, Битола – 72, Велес – 62, Охрид – 60, Кавадарци и Штип – по 44, Прилеп – 43, Гостивар – 40, Гевгелија – 38, Тетово – 29, Струмица – 28, Неготино – 23, Струга – 20, Кочани – 19, Кичево – 18, Радовиш и Берово – по 10, Свети Николе и Крива Паланка – по 9, Ресен, Виница и Богданци – по 7, Делчево, Валандово и Крушево – по 6, Демир Капија – 5, Пробиштип, Кратово и Пехчево – по 4, Македонски Брод и Дојран – по 1.

Регистрирани се 514 оздравени пациенти од:

Скопје – 267, Прилеп – 35, Куманово – 31, Велес – 26, Битола – 18, Кавадарци – 16, Гостивар и Струмица – по 14, Тетово и Кочани – по 13, Валандово – 12, Неготино – 11, Гевгелија – 9, Штип и Ресен – по 8, Демир Капија – 4, Свети Николе, Пробиштип и Виница – по 3, Берово – 2, Кичево, Кратово, Демир Хисар и Дојран – по 1.

Пријавени се вкупно 35 починати лица: 16 пациенти од Скопје

(89г,87г,82г,79г,76г,72г,70г,69г,69г,68г,68г,65г,64г,62,57,54), 4 пациенти од Битола (78г,68г,65г,63г), 3 пациенти од Струмица (80г,64г,62г), по 2 пациенти од Кочани (71г,62г) и Прилеп (84г,69г) и по едно починато лице е пријавено од Куманово (53г), Тетово (69г), Гостивар (79г), Кавадарци (74г), Велес (82г), Гевгелија (34г), Крива Паланка (71г) и Демир Капија (85г). Од пријавените, 35 лица сите се починати во болнички услови.

Направени се 4.738 тестови преку: ИЈЗ-889, ЦЈЗ Скопје-120, ЦЈЗ Битола-102, Клиника за инфективни болести и фебрилни состојби-0, Судска медицина-7, лабораторија болница Козле-18, УК Пулмологија со алергологија–7, ГОБ 8-ми Септември-0, Институт за микробиологија–90, Жан Митрев (Филип Втори)-248, Авицена-366, Биотек-431, Систина-305, лабораторија Лаор–429, Синлаб-160, Ремедика-46, ЈЗУ и ПЗУ (рапид тест) – вкупно 1520.

Досега во земјата се направени вкупно 612.694 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 126.230, бројката на оздравени пациенти е 104.345, на починати е 3.642, а бројот на активни случаи изнесува 18.243.

Познатиот актер, пејач и композитор Зафир Хаџиманов почина како пocледица на виpycoт Koвид-19, јавија српските медиуми.

Она пак што паѓа во очи е што Xaџиманов на 5 март на својот фејсбук профил има објавено дека се вакциниpaл пpoтив Koвид-19 заедно со неговата сопруга Сенка Велетанлиќ.

„Сенка и јас се боцнавме, после долго чекање. Две пријатни дами не пецнаа неосетно. Вакцината ќе не спаси од куќен затвор“, напишал Хаџиманов на 5 март.

Она што не е јасно дали ја примил и втората доза на вакцина и кога точно се заразил.

Хаџиманов е роден на 25 декември 1943 година во Кавадарци и живееше во Белград. Зад себе остави над 5.000 записи од македонски изворни песни.