Јапонската принцеза Мако, внука на царот Нарухито, планира да се омажи за своето долгогодишно момче Кеи Комура до крајот на оваа година и планира да одбие исплата од 1,3 милиони долари од јапонската влада, пишува Тајмс.

Јапонската влада традиционално им плаќа на жените кои го губат својот кралски статус кога ќе се венчаат. Принцезата Мако ќе се откаже од кралските титули за да се омажи за Комура, бидејќи законот во Јапонија бара принцезата да го напушти царското семејство откако ќе се омажи за човек од народот.

Тајмс исто така пишува дека принцезата планира да се пресели во Соединетите држави, каде нејзиниот иден сопруг има намера да работи во адвокатска фирма во Њујорк.

Двојката се запознала за време на студиски настан во ресторан во Токио. И двајцата во тоа време биле студенти на Меѓународниот христијански универзитет во Токио.

„Прво ме привлече неговата светла насмевка“, рекла Мако во една прилика. Тие се вериле во 2013 година, по неколкугодишна врска на далечина.

Имено, Мако поминала извесно време на студии во Велика Британија.

Трактор со приколка и косачка како донација доби Општина Македонски Брод. Како што е соопштено тракторот е марка Солис, а инвестицијата е од Бирото за регионален развој.

Како што рече градоначалникот Живко Силјаноски, механизацијата вредна 1 900 000 денари, ќе се искористи за повеќе намени.

-Тракторот ќе се користи за подобрување на комуналните услуги и за собирање смет. Со дополнителната приклучна опрема, косачката, ќе се отстрануваат ниско стеблести дрва и гранки по локалните патишта, ќе се коси тревата на двете страни од сите патишта, бидејќи при интензивна вегетација ги стеснува коловозите, а ќе биде од полза и за косење на тревата на градскиот стадион и негово континуирано одржување, рече градоначалникот.

Тој информира дека од Бирото за регионален развој се обезбедени и средства за два инфраструктурни проекта што се реализираат во Општина Македонски Брод.

Александар Гацевски, Дарко Станковски, Мартин Јовановски и Владимир Неделковски, за два месеци треба да полетаат за Аргентина на Светско во параглајдинг, но за жал како и за многу други нешта државата не одвојува доволно пари, па четворицата македонски репрезентативци кои зад себе имаат огромен број успеси бараат донации.

Еве што напишаа тие:

-Нашата Македонија, можеби е мала земја но докажано раѓа спортисти со врвни квалитети. Во Параглајдингот можеме да се пофалиме дека имаме пилоти, херои, кои важат за едни од најдобрите во светот. Фактот дека Македонија го живее своето ‘златно време’ во овој спорт повторно се потврди годинава со врвните успеси, подиуми и победи, на нашите пилоти на повеке интернационални натпревари и со тоа, Македонската репрезентација е поканета од Интернационалната асоцијација да учествува во полн 4-член состав на претстојното Светско првенство 2021, кое ке се одржи од 31-ви Октомври до 13-ти Ноември во Аргентина.

За жал нашата земја во моментот не одвојува доволно средства за да се покријат трошоците за учество на Македонија на Светското првенство, а истовремено, нашите пилоти финансиски се целосно исцрпени од изминатите натпревари и не можат да ги покријат и овие трошоци, кои вкупно за целиот тим(патни трошоци, сместување и котизации) изнесуваат околу 10 000 евра.

Со цел да добиеме шанса да го претставиме спортскиот дух на Македонија, ги замолуваме сите кои имаат можност да помогнат преку донација и споделување на социјалните мрежи.

Голема благодарност од МАКЕДОНСКИOT ПАРАГЛАЈДИНГ ТИМ:

Александар Гацевски
Дарко Станковски
Мартин Јовановски
Владимир Неделковски
ЗА МАКЕДОНИЈА !!!

За да им помогнете кликнете и донирајте ТУКА

Спортските обложувалници Евротип, Голд Слот и Голд Фелициа успешно ја спроведоа четвртата по ред крводарителска акција, на која се одзваа вработените во овие компании.

Очекувањата за успешност на оваа акција беа надминати, откако по најавите за собирање на 27 крвни единици, се собраа 33, наведува организаторот.

Покрај вработените во Евротип, Голд Слот и Голд Фелициа, во крводарителската акција учество зедоа и други компании како СН Осигурителен Брокер, СН Финансии и ЈК Травел.

„Искрено сме воодушевени од одзивот на четвртата по ред крводарителска акција. Вклучувајќи ја и оваа, досега вкупно се дарувани над 100 крвни единици, што за нас претставува исклучителен успех.

Продолжуваме и понатаму со организација на акции од ваков карактер, а по вклучувањето и на други компании, се надеваме дека истото ќе се случи и со останатите од градот и пошироко.“ – вели Елена Трајчевска, организатор на акцијата.

Акцијата беше спроведена почитувајќи ги сите мерки и протоколи за заштита од КОВИД-19, а од општинската организација на Црвен Крст – Битола изразија благодарност до сите кои учествуваа, како и до организаторите за нивната мотивација да организираат вакви акции.

Екипата на ГРК Тиквеш од Кавадарци го освои шестиот по ред меморијален турнир „Миле Нешкоски” во Прилеп

Во финалето кавадарчани го победија српскиот состав на Дубочица со 32-31 (17-12 на полувремето).

Со истиот резултат Тиквеш го победи претходно и составот на РК Прилеп, а на патот до финалето кавадарчани победа забележаа и против екипата на Струга (28-30).

Во натпреварот за трето место РК Прилеп загуби од екипата на Еурофарм Пелистер 2 со 28-31, а за петто место Струга беше подобра од РК Голден Арт после изведувањето на пенали.

Турнирот одново ги пробуди спомените за еден од најдобрите првотимци на некогашниот Тутунски комбинат, големиот ракометар, спортист и човек, Миле Нешкоски.

Минаа 10 години од неговата прерана смрт, но сеќавањата не бледнеат. Ракометар кој пленеше со врвна техника, мајсторство од бековската позиција, со голови на чудесен начин – и од најмлак лоб-удар, но пред се исклучително фер-плеј играч.

Нека му е вечна слава!

Во продолжение можете да го проследите денешниот финален натпревар:

Експресниот пат Градско – Прилеп е приоритет за Владата и има големо економско и социјално значење за целиот регион, изјави министерот за транспорт и врски Благој Бочварски кој со директорот на претпријатието за Државни патишта Ејуп Рустеми денеска извши увид на работите на делницата Дреново-Фариш.

На екепресниот пат Градско-Прилеп досега се изградени по 35 отсто од двете делници Градско – Дреново и Дреново – Фариш, а патот во вредност од 64 милиона евра ќе биде готов до јули 2023.

Според Бочварски, надминати се сите проблеми со изградбата.

-На втората делница од Дреново до Фаришката клисура бележиме засилени градежни работи за доизградба на овој патен правец. Во соработка со ЈП за државни патишта успеавме да ги надминеме сите проблеми и сега имаме чиста траса на која во наредниот период очекуваме да има силна градежна активност. Вредноста за изградба на оваа делница е 33,3 милиони евра. Претходно беа реализирани 35 проценти а сега новиот изведувач компанијата „Синохидро“ има обврска да го доизгради преостанатиот дел. Крајниот рок е месец јули 2023 година, но моите очекувања се дека тоа може да се случи и порано, пред рокот. Ме охрабрува фактот што и првата делница од Градско до Дреново, изведувачот работи со макисмално темпо, така да очекувам овој експресен пат да биде финиширан средината на 2023 година, изјави Бочварски.

Од претходните фотосесии издвојуваме:

Противуставно е користењето на кратенката С. Македонија, изјави премиерот Зоран Заев и додаде дека тоа е понижување за државата и непочитување на Уставот.

Тој апелира да се користи уставното име на државата, Република Северна Македонија, по сѐ почестата употреба на кратенката Република С. Македонија, која во последно време се користи и од политичари.

„Прво, нашата држава се вика Република Северна Македонија, не е Република С. Македонија. Тоа е понижување кон државата и Уставот на државата, секако и кон преспанскиот договор, кој прерасна во закон со ратификацијата во Собранието, а кај нас тоа е преточено и во Уставот. Јас можам да разберам дека некој не се согласува со вакцините и слично, но сите се согласуваме со демократијата. Демократијата вели тоа е новиот Устав што е изгласан со двотретинско мнозинство заради идните перспективи на децата, на младите, на нашите интеграции во НАТО и ЕУ“, рече премиерот Заев.

За него, односот кон уставното име на државата кажува каков е, всушност, секој поединец.

„Граѓаните тоа го ценат, граѓаните знаат дека сите треба принципиелно, уставно и законски да се однесуваме и останува на сите одделно, пред сѐ, на политичките субјекти, кои се лош пример за ова, да го променат тоа во иднина. Тоа е нашата реалност, тоа е тоа, беше едно бреме што 27-28 години надвиснуваше над нашата земја, ги кочеше идните перспективи на сите наши граѓани“, рече премиерот Заев.

Особено нагласи дека почитувањето на Уставот и законите е обврска на политичките субјекти како пример за сите други граѓани.

На 01.09.2021 во 13.37 часот во СВР Битола било пpиjaвено дека на кpcтocница од ул.„Апостол Здравевски“ и ул.„Буковска“ во Битола се cлyчила cooбpaќajна незгода помеѓу товарно моторно возило „ивеко“ со скопски peгиcтapcки ознаки, yпpaвyвано од Р.М.(51) од Битола и мопед со битолcки peгиcтapcки ознаки, yпpaвyван од малолетник од Битола.

Во незгодата со тешки телecни повpeди се здобил малолетен сопатник од мопедот, а со телecни повpeди се здобил возачот на мопедот, конcтатиpaни во Клиничката болница Битола.

Извршен бил yвид на местото на настанот од yвидна екипа од СВР Битола – информираат од МВР.

Полека истекува и рокот за истакнување на советничките листи, но полека се насетуваат контурите околу народните претставници.

Неофицијално фиксно кај СДСМ е само решението за носител на листа, бидејќи нелогично е досегашниот претседател на Совет да не е носител на листата.

Апсурдно и понижувачки би било да се прати уште еден сигнал до членовите, дека покрај Илија Јованоски и Претседателот на Cовет не го бидувало, или во спротивно ќе се бара оставка од сите директори на jавни претпријатија и назначување на нови до 17-ти октомври.

Вториот проблем се и коалиционите партнери кои полека се ситнат, но тие што останаа бараат добитно место максимум до десeттата позиција.

Според извори од коалиционите партнери, Достоинство на Стојанче Ангелов добива добитно место, партијата на Енес Ибрахим ќе има свој претставник, НСДП е традиционален добитен партнер, но ВМРО Народна, Партијата на пензионерите и Ромската партија, по се изгледа ќе бидат извисени овој пат…

Останува следниве денови да се потврди ова што чаршијата го шпекулира.

При контрола на автобус пријавен за излез на ГП Деве Баир, царинските инспектори од Одделението за оперативни работи привремено задржаа 100.000 швајцарски франци, соопштија од Царинска управа.

– На ГП Деве Баир за излез се пријавил автобус со македонски регистарски ознаки GV7396АD на превозникот Експрес Туризам од Гостивар, управувано од лицето Х.О државјанин на Р.Турција, кој сообраќа на редовна линија Гостивар – Истанбул.

При извршена детална контрола и личен претрес на возачот во внатрешниот џеб на панталоните му биле пронајдени непријавени 2 пакувања обвиткани со црн најлон и селотејп трака во кои се наоѓале 100.000 швајцарски франци, информираат царинските служби.

Девизните средства се привремено одземенa со Потврдa за привремено одземени предмети, а против пријавеното лице ќе биде поднесено Барање за поведување на прекршочна постапка до Основниот суд во Крива Паланка.