Поранешниот американски претседател е решен да се врати во Белата куќа и наскоро ќе ја објави кандидатурата, тврдат двајца негови блиски соработници.

Поранешниот американски претседател Доналд Tpaмп речиси сигурно ќе се кандидира на претседателските избори во 2024 година, и тоа наскоро ќе го објави! Како што пренесува Дејли меил, двајцата негови соработници, советникот Џејсон Милер и Џим Џордан, републиканец од Охајо, неодамна разговарале со поранешниот шеф на Белата куќа и тие тврдат дека неговата кандидатура е сигурна.

– Доналд Tpaмп дефинитивно ќе се кандидира на изборите во 2024 година. Разговарав со него вчера. Тој е подготвен наскоро да ја објави својата кандидатура, по ова лудило во Авганистан, вели Џим Џордан.

Масло на огнот додаде Џејсон Милер, поранешниот советник на Tpaмп, кој во емисијата “None of the Above” изјави дека е 100% сиурен дека неговиот поранешен шеф ќе се кандидира на изборите и нема да се помири со изборниот пораз: “Мислам дека Tpaмп дефинитивно се подготвува за кандидирање на наредните претседателски избори. Вчера имавме долг и исцрпен разговор и повторно ќе се видиме во наредниве неколку дена. Тој ќе го соопшти ова многу брзо.

Фејсбук статус на кандидатот за градоначалник на Прилеп од редовите на СДСМ.

“Возвишено беше чувството да се застане на бината покрај моите драги пријатели, пред огромниот број приврзаници на социјалдемократската идеја и поддржувачи на мојата кандидатура за градоначалник на општина Прилеп.

Му благодарам на моето семејство кое безрезервно ме поддржува сите овие години, чија љубов и доверба ми даваат сила и верба да истраам во тоа што го работам и на кое сум максимално и безрезервно посветен.

Вечерашниот настан беше сосем нов и уникатен пристап во начинот на мојата промоција првенствено како личност, а потоа и како политичар. Промоција гледана низ призмата на луѓето кои долго и добро ме познаваат.

Доколку ја добијам довербата, ќе бидам градоначалник на сите граѓани. Без исклучок. Бидејќи и моето сфаќање на животот, мојата животна филозофија е да обединувам, не да делам.

Убеден сум дека победата на СДСМ на претстојните локални избори е извесна, од причина што граѓаните ја препознаваат нашата искрена заложба за создавање еднакво општество за сите граѓани, земја во која младите гледаат перспектива и ја планираат својата иднина”.

Од утринава, кога почна најголемата статистичка операција во земјава, нема информации за одбивање за попишување од страна на граѓаните или за каков било технички проблем, изјави директорот на Државниот завод за статистика Апостол Симовски по попишувањето на едно домаќинство во Ѓорче Петров.

Ги повика граѓаните да соработуваат за да се добијат релевантни податоци и да не подлегнуваат на иницијативите кои повикуваат да не им се отвара врата на попишувачите. Повтори дека попишувањето е безбедно во однос на ширењето на вирусот и нагласи дека попишувачите имаат соодветни легитимации со кои мора да се излегитимираат.

– После 20 години го дочекавме денот да започнеме со најважаната статистичка операција во државата – Пописот на населението, домаќинствата и становите. Посакувам оваа операција да ја завршиме успешно во интерес на сите. Да се приберат доволен фонд на информации за сите граѓани, за станбениот фонд и сите податоци што се важни за државата. Пописот не служи на ниту една политичка партија, ниту на поединци, служи на оние кои треба да го градат развојот на државата, изјави Симовски.

Со бојкотирањето на пописот, како што рече, граѓаните прават штета на самите себеси.

– Ова се податоци за вас и за вашите идни поколенија. Следните 10 години кој било да е во државата треба да гради политики за развој врз основа на овие податоци, порача Симовски.

Талибанците, кои ја презедоа власта во Авганистан, сакаат Германија да воспостави дипломатски односи со нив и да им помогне. Ова за весникот „Велт ам Зонтаг” го изјави портпаролот на исламистичкото движење Забиула Муџахид, јави ДПА.

„Сакаме силни и формални дипломатски односи со Германија”, рече тој.

Талибанците исто така би сакале да добијат финансиска поддршка и хуманитарна помош од Германија, како и други земји, за да соработуваат во здравството, земјоделството и образованието.

„Во минатото, Германците секогаш биле добредојдени во Авганистан, рече Муџахид. За жал, тогаш тие им се придружија на Американците. Но, сега им е простено”, рече тој.

Германскиот министер за надворешни работи, Хајко Мас, изјави дека Берлин може да ја продолжи помошта за развој за Авганистан, но еден услов е Талибанците да формираат широка влада. Другите се дека треба да обезбедат да не ги засолнат тepopистите, да ги почитуваат човековите права, а особено женските права, да не го попречуваат пристапот до хуманитарна помош и да дозволат странци и ранливи Авганистанци да ја напуштат земјата.

Германија ја затвори својата амбасада во Кабул и ја прекина помошта откако талибанците ја преземаа власта минатиот месец. Сепак, Берлин вети дека ќе обезбеди хуманитарна и итна помош за поддршка на бегалците – и во Авганистан и во странство. Оваа помош ќе биде обезбедена преку хуманитарни организации.

Додека политичарите се растрчани на терен и бараат поддршка и гласови, граѓаните се потсетуваат на нивните ветувања и на тоа колку сработиле во изминатите години.

Деновиве на социјалните мрежи најактуелен е кандидатото за градоначалник на СДСМ за општина Прилеп, Горан Сугарески, кој зад себе има 20-годишна политичка кариера и редица функции.

Најзначајна му е онаа кога беше прв човек во Министерството за транспорт и врски, каде како прилепчанец од него се очекуваше доизградба на експресниот пат Прилеп-Градско.

Сугарески во 2018 вети дека изградбата на овој патен правец ќе заврши во 2020 година, а еве поминува и 2021, а од нов експресен пат нема ништо.

Овој ФБ статус на Сугарески од 18 мај 2018г. деновиве масовно се споделува помеѓу корисниците на социјалните мрежи и предизвикува огромен револт, како кај граѓаните, така и кај стопанствениците.

Директорот на ДЗС вели дека досега не се соочиле со никаков бојкот или технички проблем со пописот, апелираше граѓаните масовно да се вклучат во статистичката операција и рече дека не сакаат да поведуваат прекршочни постапки за оние кои ќе одбијат да се попишат и затоа ќе се обидат да ги убедат сите да учествуваат во пописот.

Пописот утрово стартуваше успешно, во првите два-три часа попишувачите не се соочиле со никаков бојкот или некој технички проблем, а директорот на Државниот завод за статистика (ДЗС), Апостол Симовски, очекува дека истото ќе го каже и на 30 септември кога ќе заврши оваа статистичка операција.

Тој порача дека податоците од пописот ќе служат да се соберат информации за граѓаните, станбениот фонд и сè што е важно за домаќинствата со единствена цел успешно да се креираат и спроведуваат развојните политики.

-Пописот нема поинаква цел, не служи ниту на една политичка партија, не случи ниту на поединци, служи на оние кои треба да го градат развојот на државата.Ве повикувам сите да се вклучите масовно во оваа операција бидејќи податоците се за вас. Не собираме податоци за да правиме некакви други работи, да ги чуваме во некои архиви и слично туку за да бидат употребени во онаа насока во која кажав. Не подлегнувајте на сите оние иницијативи да се бојкотира пописот бидејќи правите штета на себе си и на своите деца. Ова се податоци за вас и за вашите идни поколенија. Следните десет години, кој било да е во државата, треба да гради политики на развој врз основа на овие податоци, ние не ги правиме за оние што се денеска или што ќе бидат утре на власт, туку за вас – порача Симовски.

На терен од утрово се 5 000 попишувачи, во секое домаќинство влегува по еден попишувач, сите носат брендирани маици и треба да имаат закачена легитимација околу вратот на која го пишува неговото име и презиме и други податоци кои домаќинствата може да ги проверат и споредат со документот за неговата лична идентификација.

-Сите останати кои немаат ваква легитимација, нека сметаат граѓаните дека се некои провокатори кои сакаат да направат нешто поинаку. Да не пуштаат ниту еден човек дома ако ја нема оваа легитимација и да проверат дека таа се однесува на тие лица. Свесни сме каква антикампања имаме и можно е секогаш да има некои што ќе се обидат да го злоупотребат овој попис – рече директорот на ДЗС.

Симовски вели дека на една врата ќе се тропне и илјада пати ако треба за да се соберат податоците лично од секој полнолетен член на домаќинството. Тој уверува дека процесот ќе се одвива безбедно односно без опасност од ширење на ковид-19, по сите протоколи. Повеќето попишувачи се вакцинирани, а ако некој не сака да прими невакциниран попишувач, тогаш во тоа домаќинство ќе се испрати некој што ја примил вакцината.

Директорот порача и дека немаат намера да поведуваат прекршочни постапки за оние кои ќе одбијат да се попишат. Тоа, како што вели, би се направило во исклучителни ситуации.

Астролозите, исто така, се занимаваат со прашањето која раса на кучиња одговара на знаците во хороскопот врз основа на нивните карактеристики!

За Овен, тоа е Џек Расел териер, а за Близнаците, тоа е секогаш љубопитниот и пријателски настроен -златен ретривер …

Овен

Џек Расел териер е идеален избор за миленичиња од овој знак. Како раса, тој е жив, независен, паметен, агилен и идеален за учество во спортски настани. Им одговара и енергичен шнауцер бидејќи е одлично куче чувар со блага природа.

Бик

Овој хороскопски знак е најсоодветен за стабилен и темпераментен Бернардинец, кој сака да игра на отворено. Биковите, исто така, би уживале во дружењето со шкотскиот териер.

Близнаци

Секогаш љубопитните и пријателски настроени златни ретривери ќе одговараат на Близнаците. Никогаш нема да им биде здодевно со нив. Лабрадорот има сличен карактер, па и тој ќе им одговара.

Рак

Овој хороскопски знак одговара на малите раси кои сакаат да се галат. Џуџест Шпиц и Чивава совршено се вклопуваат на емотивниот Рак.

Лав

Силниот Лав бара ист вид милениче. Најдобро би им одговарал Ротвајлер или Германски овчар.

Девица

На овој хороскопски знак му треба интелигентно и ненаметливо куче, а тоа е кучето Ст. Хуберт, кое се користи за полициски активности и за спроведување на законот.

Вага

Ирскиот или англискиот сетер е идеално милениче за припадниците на овој знак бидејќи сакаат да играат и се полни со живот.

Шкорпија

Мирно и добро воспитано куче, како што е пиринејското планинско куче, им одговара на Шкорпиите, на кои совршено би им се вклопило и португалско куче.

Стрелец

Овој хороскопски знак има потреба од издржливо куче кое може да го придружува на долги прошетки и се качува по планините, а тоа е хртот – активно куче со блага природа.

Јарец

Боксерите и Далматинците се идеални кучиња за овој хороскопски знак бидејќи се лојални и тоа е особина која Јарците ја ценат.

Водолија

Тие би сакале Маламут од Алјаска, кој е многу внимателен со новите луѓе, но им дава безусловна љубов на сопствениците кога ќе ги запознае.

Риби

Разиграни, живи и грациозни кучиња одговараат на овој знак, а кокер шпаниелите и мопсите се токму такви.

По дебито на Благоја Милевски како селектор на домашен терен против Ерменија (0-0), Македонија во квалификациите за Светското првенство (СП) кое ќе се игра во 2022 година во Катарсе соочува со првото септемвриско гостување и тоа против Исланд.

Исланд оваа година има само три победи на последните 15 средби имаат избраниците на Арнар Видарсон. А, сè уште во тимот се играчи како Сигурдсон, Гунарсон, Халфредсон… „Рибарите“ во изминатите 365 дена успеаја да победат против Романија (2-1) во квалификациите за Европско првенство, против Литхенштајн (4-1) во квалификациите за Светско првенство и против Фарски Острови (1-0) во пријателски натпревар.

За Македонија и Исланд ова ќе биде прва меѓусебна средба по дванаесет години. Последен пат двете селекции играа во 2009 година во рамки на мундијалските квалификации. Во Скопје победи Македонија со головите на Аце Стојков и Филип Ивановски (2-0), додека во Рејкјавик се доживеа минимален пораз (0-1).

Овие тимови играа еден против друг и во квалификациите за СП 1998, а билансот беше домашна победа на Македонија и гостинско реми (1-0 и 1-1).

СДСМ вечерва во центарот на Прилеп го промовираше Горан Сугарески за кандидат за градоначалник на општината.

Но, челновите беа изненадени кога на бината наместо премиерот Зоран Заев се појави само министерот за здравство Венко Филипче, чија задача беше да го пофали Сугарески пред насобраните социјалдемократи.

Венко Филипче вечерва зборуваше колку била успешна власта во градот, кој е апсолутен рекордер по cмpтнocт од Ковид-19.

Градот кој е отсечен од целата држава, бидејќи власта ја заглави изградбата на експресниот пат Прилеп-Градско и не изгради ниту еден километар од ветениот автопат кон Битола.

Во изминатите 5 години не е донесена ниту една нова фабрика во индустриските зони и не е отворено ниту едно ново работно место, а за ветувањата од претходните локални избори да не зборуваме, речиси ништо не е реализирано.

Можеби затоа Зоран Заев вечерва не дојде во Прилеп и го прати Филипче да зборува и да бара гласови од прилепчани.

Пред само неколку месеци Филипче заедно со Заев со хеликоптер слетаа во Прилеп, денеска барем заборавија на тој луксуз.

Останува да видиме како ќе се одвива изборната трка за Прилеп и дали Сугарески ќе успее да му парира на засега фаворитот за победник, Д-р Борче Јовчески од редовите на ВМРО-ДПМНЕ.

Страницата за добивање работна виза за Германија била прегледана 50.000 пати за само неколку часа откако беше отворена пред два дена, објави Германската амбасада во Скопје. Таа беше отворена откако на 1 септември во Германија стапи на сила последователна регулатива на таканаречената Регулатива за Западен Балкан, со која германската влада и по истекот на 2020 година им овозможи на државјаните на Македонија, Косово, Србија, Албанија, БиХ и Црна Гора да имаат привилегиран пристап до германскиот пазар на труд. За целиот Западен Балкан биле обезбедни 25.000 работни визи годишно, од кои 4.750 за Македонија.

“Почитувани дами и господа, драги пријатели на Германија,

Изминатите денови добивме многу повратни реакции од Вас за доделувањето на термини за визи за Западен Балкан. За жал, Вашите реакции беа претежно негативни и од тие причини сакам уште еднаш да Ви ја претставам ситуацијата:

Сојузната влада овозможи за државјани од Северна Македонија (како и од Албанија, Босна и Херцеговина, Косово, Црна Гора и Србија) привилегиран пристап кон германскиот пазар на труд.

Ова и понатаму се однесува на секој тип на работа – независно од признатата квалификација. Согласно германската законска регулатива, во целиот регион на Западен Балкан смее да се доделат 25.000 визи годишно, од нив Северна Македонија добива годишна квота од 4.750 визи.

Гледано според бројот на жители, на граѓаните од Северна Македонија, исто така поради Вашиот голем интерес, им стои јасно надпропорционален удел на располагање.

Но, бидејќи истовремено интересот за оваа програма е огромен (нашата објава од понеделникот само за неколку часа имаше над 50.000 прегледи), се разбира дека знаеме дека само еден дел од заинтересираните може да добие прилика.

Сегашниот систем на доделување на термини, кој впрочем се користи во сите 6 земји од регионот, треба да и овозможи на Амбасадата, ограничената понуда на термини за поднесување на барања по можност да ја реализира широко распространето.

Затоа Ве молам за Вашето разбирање и Ви ветувам истовремено, дека постојано работиме на подобрување на доделувањето на термините, за истото да биде потранспарентно за Вас” – напиша на Фејсбук германската амбасадорка во Македонија, Анке Холштајн.