Во 2014 кога беше во 15-тата година на функција, Сугарески барал оставка од Никола Тодоров…
Денеска кога е во 22-рата година од политичко-функционерската кариера, не му текнува да побара оставка од Филипче.
Таквата политика на двојни аршини веројатно ќе биде најстого казнета од прилепчани на 17 октомври.
Добро е денеска да го повика и Кочо Анѓушев, како партнер со кој го решаваа “Еурокомпозит”, да појдат до прилепската модуларна болница и да проверат дали е се во ред таму.
УХМР најавува дека следните денови времето ќе биде со повеќе сончеви периоди, а од утре се очекува дневните температури да бидат значително повисоки.
За време на викендот ќе има и услови за слаб локален дожд, претежно во планинските подрачја, а во недела и услови за ретки грмежи.
Утре минималната температура ќе биде седум, а максималната дневна 30 степени. Во сабота ќе биде до 31, додека во вторник и среда идната недела до 33 степени.
Во Прилеп викендов температури до 25 степени, а врнежи од дожд се очекуваат и во текот на утрешниот ден.
Bладата пpoглacи тридневна жалocт за нecpeќата во Koвид центарот во Тетово и ја прифати понудата од сојузничките земји за обезбедување странски експерти за истраги при екcплозии и пожapи.
Со едноминутно молчење во знак на почит кон жртвите од трагичниот пожар во модуларниот ковид центар во болницата во Тетово, и во знак на сочувство со нивните семејства, Владата денешната вонредна седница донесе одлука да биде прогласена тридневна жалост на територијата на целата држава.
За денови на жалост се прогласени денес, утре и задутре (четврток, петок и сабота), а за време на деновите на жалост знамето на Република Северна Македонија ќе биде истакнато на половина копје.
-Владата апелира до сите општествени чинители да ги одложат сите јавни и приватни прослави, забави, културно-уметнички и спортски настани, партиски и друг тип на промоции предвидени за овие три дена. На оваа седница министрите за внатрешни работи и за здравство информираа за досега утврдената состојба од пожарот со трагични последици и истакнаа дека увидот за утврдување на причините продолжува и денеска, информираат од Владата.
Во оваа насока Владата донесе заклучок со препорака стручните тимови на Министерството за внатрешни работи и на Министерството за здравство да се стават на максимално располагање на обвинителството во истражните постапки. Владата ги задолжи надлежните институции да утврдат каков тип на дополнителна помош и поддршка е потребна за семејствата на загинатите и повредените, со цел истата да биде обезбедена во најкраток временски рок.
Владата им се заблагодарува на сите држави од регионот, од Европа и од светот, за изразеното сочувство за трагичниот настан и донесе одлука да ја прифати понудата на дел од сојузничките сили во НАТО да испратат во земјата стручни лица со највисок степен на експертиза во истраги за пожари за да помогнат во утврдувањето на причините за пожарот во модуларниот ковид центар во болницата во Тетово.
Одлука за тридневна жалост претходно беше донесена и од Општина Тетово.
Министерството за здравство денес објави дека во пожарот во болницата животот го загубиле 14 пациенти, а 12 се повредени. На лекување во модуларната болница биле хоспитализирани вкупно 26 пациенти. Нема настрадани здравствени лица, неколкумина се со полесни повреди.
Во тек е идентификација на жртвите, а увидот од надлежните екипи продолжува и денеска.
Kамерата на „Клан Македонија“ го улови моментот кога премиерот Зоран Заев и неговиот коалиционен партнер Али Ахмети пристигнаа на местото на несреќата во Тетово, каде вчера најмалку 14 лица загинаа во пожарот кој ја пеплоса модуларната ковид-болница.
И Заев и министерот за здравство Венко Филипче и градоначалничката Теута Арифи вчера одбија да дадат било каква изјава и избегаа од камерите и јавноста.
Заев и Ахмети исвиркани во Тетово pic.twitter.com/499P24kAn1
— FurKlan (@FurkanSaliu) September 8, 2021
Премиерот Зоран Заев напиша статус на Фејсбук после вечерашната тpaгедиja во тетовската ковид болница
-Огромна трагедија се случи во тетовскиот КОВИД-19 центар. Експлозија предизвикала пожар. Пожарот е изгаснат, но згаснаа и многу животи. Борбата за живот трае сѐ уште, a сите служби реагираа пожртвувано и спасуваат луѓе.
Изразувам најдлабоко сочувство до семејствата и блиските на починатите и посакувам брзо закрепнување на повредените.
Причините за пожарот ќе бидат утврдени, за што правосудните органи се веќе на терен.
Ова е навистина трагичен настан и можам да ве уверам дека целиот државен врв е посветен на брзо разрешување на оваа ситуација. Во моментов трае кризниот штаб во Општина Тетово.
Министерството за здравство информира, согласно податоците од Институтот за јавно здравје:
Во последните 24 часа се направени 6.480 тестирања, а регистрирани се 702 нови случаи на КОВИД-19:
Скопје – 280, Струмица – 49, Куманово – 47, Штип – 37, Гостивар – 33, Тетово – 28, Охрид – 26, Кичево – 19, Битола – 17, Прилеп, Велес и Кавадарци – по 16, Свети Николе – 14, Радовиш -13, Струга – 10, Ресен, Крива Паланка, Делчево, Виница и Пробиштип – по 9, Дебар – 8, Гевгелија и Берово – по 5, Кочани, Неготино и Кратово – по 4, Валандово и Демир Хисар – по 2, Македонска Каменица и Демир Капија – по 1.
Регистрирани сe 1.119 оздравени пациенти од:
Скопје – 512, Струмица – 104, Гостивар – 102, Куманово – 79, Кичево – 56, Велес – 25, Прилеп – 24, Штип – 23, Дебар – 22, Битола – 21, Кавадарци – 18, Кочани и Ресен – по 16, Радовиш 15, Свети Николе – 13, Гевгелија – 11, Картово – 10, Пробиштип – 8, Делчево – 7, Тетово – 6, Неготино, Богданци и Македонски Брод – по 5, Виница – 4, Берово – 3, Валандово – 2, Струга, Крива Паланка, Крушево, Демир Хисар, Демир Капија, Дојран и Македонска Каменица – по 1.
Пријавени се 24 починати лица:
10 починати лица од Скопје (93г, 85г, 81г, 70г, 65г, 63г, 59г, 57г, 50г и 37г), 4 починати лица од Гостивар(86г, 75г, 63г, 51г), 2 починати лица од Прилеп (70г и 45г) и по едно починато лице од Тетово (87г), Кавадарци (67г), Струмица (62г), Кичево (61г), Кочани (76г), Дебар (60г), Валандово (76г) и Богданци (62г).
Од пријавените 21 е починат во болнички услови и 3 се починати во домашни услови.
Направени се 6.480 тестови преку: ИЈЗ-368, ЦЈЗ Скопје-49, ЦЈЗ Битола-77, ЦЈЗ Прилеп-61, ЦЈЗ Тетово–122, ЦЈЗ Куманово–109, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија – 12 ГОБ 8-ми Септември-0, Институт за микробиологија–350, Жан Митрев (Филип Втори)-146, Авицена-336, Биотек-331, Систина-99, лабораторија Лаор-376, Синлаб-102, Ремедика-17, Плодност–79, Генеа -40, Никоб лаб-824, ВФВ Медикал-119, Ели Медика-132, Ројал Медика –68, ЈЗУ и ПЗУ (рапид тест) – вкупно 2.662.
Досега во земјата се направени вкупно 1.203.819 тестирање на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 181.620, бројката на оздравени пациенти е 161.515, на починати е 6.153, а бројот на активни случаи изнесува 13.952.
Во Прилеп во моментов активни се 272 слyчаи.
Исклучително cepиозен е пожapoт кој повеќе од 40 минути беснее во тетовската модуларна Koвид болница.
Од МВР велат дека нивни екипи веќе се на терен но не можат да потврдат ниту да демантираат дали и колку жpтви има во огнената cтиxиja.
Поради силниот интензитет на пожapoт, три возила на скопската противпожарна служба веќе се на пат за Тетово.
На видео објавено пак на Фејсбук се гледа дека починатите веќе се изнесени надвор од опожарената зграда и се покриени со бели чаршафи.
Очевидци велат дека докторите вложувале максимални напори да ги евакуираат пациентите и со кревети и колички ги извлекувале од запалената зграда. Според последните информации, зградата е целосно изгорена.
Пожар во ковид центарот во Тетово pic.twitter.com/CuliNpBiYw
— Курир (@KurirMK) September 8, 2021
Членот на Извршниот комитет на ВМРО-ДПМНЕ, Влатко Ѓорчев, на Фејсбук го прокоментира празнувањето на 30-годишнината од независноста на Македонија.
-Тажен помен. Музика за погреб и парастос. Празна пустелија. Плус гробарите. Македонијо, заслужуваш подобро – напиша Ѓорчев.
Бугарија предлага да им се одземе бугарското државјанство на оние кои нема да се изјаснат како Бугари на пописот во Македонија.
Фондацијата „Македонија“ ќе испрати писмо до претседателот на Народното собрание и до претседателот на државата со цел, да се воведат промени во Законот за бугарско државјанство, пишуваат бугарски „Факти“.
„Да им се одземе бугарското државјанство на оние лица, кои во С.Македонија се декларирале со различна етничка припадност од бугарската, а имаат добиено бугарско државјанство врз база на етничката свест како Бугари. Тоа е прикажување на невистините информации пред службите и органите на Бугарија“, изјави за БНР, Виктор Стојанов, претседател на фондацијата „Македонија“.
Но, од друга страна има реакции затоа што во Бугарија на попис воопшто нема графа за Македонци. Од денеска почнува електронскиот попис во Бугарија.
Извор: “press24.mk”
Aко минатата година на предвремените парламентарни избори, коалицијата предводена од СДСМ “Можеме” броеше 25 политички партии, оваа година за локалните бројката се намали на 20.
“СДСМ ја предводи најголемата, најразнолика и најсилна коалиција составена од 25 политички партии која е апсолутен фаворит на изборите. За првпат имаме целосно мултиетничка коалиција, а 60% од нашите кандидати се жени”, пишува на веб странта mozeme.mk, која и денеска е се уште активна.
Денеска пак премиерот Зоран Заев истакна дека коалицијата „Најдоброто за мојата општина“, која СДСМ ја предводи за локалните избори во октомври брои 20 партии.
Договорот за коалицијата беше потпишан попладнево на средба во штабот на СДСМ. Дефинирани се соработки на повеќе нивоа, заеднички советнички листи и 69 градоначалници.
Како што рече лидерот на СДСМ, Зоран Заев, коалицијата на изборите ќе има широка кадровска понуда и принципиелна соработка во првиот и вториот изборен круг. Вака поставена, нагласи, коалицијата е гарант дека ќе продолжи напредокот на државата, развојот на регионите и општините.
– Ова е коалицијата „Најдоброто за мојата општина“, фаворит, победник на изборите. Имаме знаење, волја и мотивација, план и програма за решавање на проблемите на граѓаните. Принципите зад кои заеднички застануваме се препознатливиот печат – работа во интерес на сите, на граѓаните, општините и државата за напредок и развој на секој наш град, секое село и населено место, истакна Заев по потпишувањето на Договорот.
Со нас, дополни, граѓаните се на чисто. Нашата понуда не е „мачка во вреќа“, туку реалност која зборува за најдоброто сама по себе.
Според Заев, вредносниот граѓански концепт на „едно општество за сите“, значи продолжување на успешната коалициска соработка со партнерите ДУИ, БЕСА и ДПА на локалните избори, преку изградени критериуми за заемна поддршка на кандидатите со најдобра програма и најголема доверба кај граѓаните.
-СДСМ е прогресивна и модерна партија која своите партнерства ги гради на идеолошки заложби и програмски концепти, а не со меници и притисоци својствени за едно друго режимско време. Ме радува што нашите партнери ги делат истите вредности. Искрено вложуваме во нашата цврста определба дека сите граѓани се еднакви, без разлика на нивната етничка, верска и политичка припадност. Цврсто веруваме дека владеењето на правото, почитувањето на човековите слободи и права, економскиот прогрес, меѓуетничкиот соживот и толеранција, се столбовите на кои почива модерната македонска држава, напомена Заев.
Тој оцени и дека четири години работите се менуваат на подобро, и на централно и на локално ниво.
-Наследивме општини заглавени во долгови, без визија за развој, но веднаш почнавме да работиме на нивна трансформација. Директно од Буџетот насочивме 50 милиони евра, им помогнавме да се раздолжат, обезбедивме и дополнителни 500 милиони евра за нови проекти на локално ниво, нагласи Заев.
Осврнувајќи се на реализираното, Заев потенцира дека никогаш досега не се инвестирале толку многу средства во општините, рамномерно, а спроведени се, рече, над 7.000 проекти.
-Наместо во барок, споменици и палми, вложуваме во училишта, градинки, патишта, здравствени установи и социјални згради. Се што зналчи унапредување на квалитетот на живот на граѓаните, истакна Заев, додавајќи дека и на централно ниво е направен голем исчекор, и во меѓународните односи и во економските текови.
Лидерот на СДСМ подвлече и дека денешното потпишување на Договорот има симболика.
-На државотворни партии им приличи да склучат Договор токму на Денот на независноста, денот на кој одбележуваме 30 години сувереност и државност, подвлече Заев.
