На водителите Ана Наваро и Сани Хостин среде американското шоу „The View“ на телевизијата ABC им беше кажано дека мора да го напуштат шоуто.

– Вие две мора да излезете на кратко, им рекол човекот зад камерите.

Ана и Сани биле вакцинирани со двете дози, но морале да го напуштат студиото пред доаѓањето на американската потпретседателка Камала Харис, бидејќи им било потврдено дека имаат коронавиpyc. Со нив во студиото биле уште двајца водители.

BREAKING: Sunny and Ana have been asked to leave the ABC studio because they tested positive for COVID.#TheView pic.twitter.com/DMIYrjHjid

— The Chat (@LiveOnTheChat) September 24, 2021

– Се чини дека тука се случува нешто за што не сум 100 проценти свесна. Може ли некој да ми објасни што се случува?, коментираше водителката.

Потоа им објасни на гледачите што се случува.

– Бидејќи ова ќе биде главна вест во секој момент, Сани и Ана очигледно се позитивни на коронавиpyc. Колку и да се трудите, вакви работи се случуваат, тие веројатно брзо ќе закрепнат и сигурно ќе биде добро, бидејќи и двете се целосно вакцинирани, вели Бехар.

Во пресрет на собирот на македонската А репрезентација за октомвриските натпревари против Лихтенштајн (8. октомври, Вадуц) и Германија (11. октомври, Скопје), репрезентативениот голман, Столе Димитриевски вели дека нашиот најважен меч е дуелот против Лихтенштајн на гостински терен.

Германија, вели Димитриевски, е многу поатрактивен натпревар за сите во тимот и добра шанса да ги одмериме силите на тоа ниво, но целата концентрација треба да ја насочиме на првиот натпревар.

„Мислам дека првиот натпревар против Лихтенштајн е најважниот за нас. Фаворити сме, треба да го добиеме тој меч, но ќе биде многу тешко затоа што Лихтенштајн е добра репрезентација. Видовме дека против Ерменија одиграа одличен натпревар и остварија позитивен резултат, 1:1 на гостински терен. Квалитетно се спротиставија и на Германија. Фаворитот во нашата група ја осигура победата во последните 20-на минути.

Треба да бидеме фокусирани во текот на сите 90. минути за да дојдеме до победа. Мораме да одиграме сериозен натпревар, да бидеме цврсти на сите делови од теренот и секако внимателни во дефанзивниот ред за да останеме без примен гол. Се разбира и да реализираме некоја од шансите за погодок што мислам дека секако ќе ги направиме.

Германија е многу поатрактивен натпревар за сите нас, но треба да останеме фокусирани на првиот меч против Лихтенштајн. Победивме на гости против Германија, сакаме да се надигруваме на тоа ниво, но сега ќе биде сосема поинаку. Повторно ќе кажам, најважно за нас е да оствариме најпрвин позитивен резултат во Вадуц, а тоа за нас е победа“.

Подготовките за двата меча против Лихтенштајн и Ерменија, македонската репрезентација ќе ги започне на 4. октомври.

Извор:ffm.mk

Изминативе години, сите сме сведоци дека еден од најголемите проблеми на граѓаните е недостаток на паркинг простор во централното градско подрачје на Прилеп. Проблем кој го попречува секојдневниот начин на функционирање,проблем кој мора и ќе биде решен – истакна на денешната прес конференција кандидатот за градоначалник на ВМРО-ДПМНЕ за Прилеп, Д-р Борче Јовчески.

Неговата прес конференција во целост ја пренесуваме во продолжение:

“Ова е еден од главните проекти на чие реализирање ќе започнам веднаш по стапувањето на функцијата градоначалник на Прилеп!

Монтажните катни гаражи се еден од водечките проекти во програмата кои даваат одговор на ова прашање и го решаваат проблемот со паркинг на секој граѓанин.

Поставени на атрактивни и лесно достапни, добро познати локации за граѓаните, на неколку минути одење пешки до старата градска чаршија и центарот на градот, ќе бидат поставени во близина на споменикот Карпалак, непосредно пред Кам маркет, на постоечкиот паркинг простор. Втората монтажна катна гаража ќе биде изградена зад Стара Градска Кафеана а третата помеѓу Општината и Поштата.

Истите,како ќе изгледаат можете да ги видите. Ова се изработените веќе 3 Д проекти на катните гаражи кои планираме да ги поставиме.

Несомнено, паркинг просторот стана еден од главните фактори за успешноста во работата воопшто, на многу гранки од стопанството, а за жал проблемот со паркинг простор е најизразен во централните градски подрачја каде е сконцентриран поголем дел од јавниот живот во градовите и најголем дел од јавните институции.

За таа цел изградбата на монтажни катни гаражи во делови од центарот на градот во голема мера ке влијае на задоволување на потребата од паркинг простор и повторно заживување на старата градска чаршија која во последниве години беше оставена речиси без можност да се паркира во нејзина близина, а и слободно ќе речам – отцепена од централното градско подрачје заради немањето слух за овој проблем кој дуќанџиите гласно го кажуваат.

Имено монтажните катни гаражи ќе овозможат искористување на истиот паркинг простор на неколку нивоа (еден или два етажи), а со тоа и зголемување на бројот на паркирани возила, блиску до бараната дестинација.

Овој начин на решавање или поточно ублажување на оваа проблематика, е брз, релативно економичен и ефикасен метод кој го применуваат скоро сите развиени градови.

Прилеп во наредните 4 години ветувам дека ќе стане современ,модерен град со решена инфраструктура и решени сообраќајни проблеми.

Прилеп ќе биде град за сите луѓе”.

Кандидатот за градоначалник на СДСМ за Прилеп, Горан Сугарески, вчера ја одржа првата прес конференција од изборната кампања.

Сугарески меѓудругото во главните ветувања кажа дека ќе ги уредувал влезовите на Прилеп, а потоа вети и булеварски улици, уредување на Градската река, кружни текови…

Се’ она што не се направи и не се помогна во изминатите 4 години додека беше и министер за транспорт и врски, Сугарески ќе го направел кога ќе станел градоначалник.

Неговата прес конференција во продолжение:

Врвни европски малопродажни синџири и дистрибутери беа на дводневна средба во Будимпешта, Унгарија со добавувачи на прехранбени производи од истиот регион, каде што со свој претставник беше присутна и Витаминка.

Целта на средбата е да се најдат нови брендови и производи потребни за меѓународна дистрибуција на големите ланци и брендови.

На годинешната средба беа застапени повеќе категории, од кои во голем дел Витаминка има свои производи, како; закуски, зачини, кондиторски производи, додатоци за храна, суви намирници како и бебешка храна, конзервирана храна, млечни производи, сезонски производи и замрзната храна.

„Stamegna во Будимпешта е една од најзначајните деловни средби во сегментот производи за широка потрошувачка кој е создаден со единствена намена, да отвори можности за растење и развивање посебно за производители на прехранбени производи, а со тоа што ги поврзува со најголемите продажни ланци во Европа, исто така го отвора патот за пласирање на квалитетот многу пошироко. Воедно е корисен и од аспект на запознавање со најновите трендови како побарувачка и стандарди во прехранбената индустрија”, изјави Љупчо Велески, директор за извоз во Витаминка.

Следејќи ги новите трендови во исхраната, од големите малопродажни синџири се повеќе се бараат производи специфични гурмански, етнички, здрави, органски – био и растителни.

Ваквитe средби меѓу бизниси се одличен начин за проширување на извозот, поврзување со водечките купувачи или за истражување на можностите и капацитетите на поширокиот пазар.

На Меѓународниот натпревар по англиски јазик Hippo English Language Olympiad, на кој учествуваа 48,125 учецници од 42 земји, нашиот Даниел Дамески од ООУ “Климент Охридски” Прилеп се пласираше во финалето и оставри резултат од 94% точни одговори.

186 учесници од целиот свет влегоа во финалето, а помеѓу нив беше и Даниел Дамески, ученик од VI-1 одделение во ООУ “Климент Охридски” Прилеп.

Под менторство на наставничката Зорица Трајаноска, Даниел одлично ги претстави Прилеп и Македонија на ова меѓународно натпреварување.

Од училиштето му се заблагодарија на Даниел и истакнаа дека се гордеат на неговиот успех.

Претседателот на Собранието, Талат Џафери, денеска потврди дека во законодавниот дом е пристигнат предлог од Министерството за надворешни работи за професорот Љубомир Фрчкоски да биде амбасадор на Македонија во Обединетите нации во САД.

-За Љубомир Фрчкоски доставен е предлог од МНР, истите се доставени до Комисијата за надворешни работи, но засега не е свикана седницата, рече денеска Џафери пред новинарите.

Тоа е потврда на претходните гласини дека поранешниот министер за внатрешни работи ќе биде шеф на македонската мисија при Организацијата на Обединетите Нации (ООН) во Њујорк.

Откако надлежните институции ја прекинаа постапката за негово назначување за амбасадор на земјава во Соединетите Американски Држави, по кампањата што против него ја поведе Обединета македонска дијаспора (ОМД), заминувањето во Њујорк би било „утешна награда“ за Фрчкоски.

Одекна видео на социјалните мрежи, во кое Емануел Макрон, кој беше во посета на францускиот град Лион, беше погоден со јајце.

Како што може да се забележи на видеото, јајцето не се скрши.

Au #sirha2021, @EmmanuelMacron victime d'un jet d'oeuf. Le projectile a rebondi sur l'épaule du Président de la République. Le jeune homme a été interpellé par le service d'ordre – IMAGES LYONMAG pic.twitter.com/n10POB2MEn

— Lyon Mag (@lyonmag) September 27, 2021

Напаѓачот извика „Да живее револуцијата“. Мажот облечен во бермуди брзо беше совладан, уапсен и изнесен од зградата.

Инаку, ова не е прв пат францускиот претседател да биде нападнат. Претходно, на 8. јуни, доби шлаканица од човек во публика.

Изборите се борба на граѓани, на цивилен сектор против нарко мафија, ова е Колумбија од пред 30,40 години која мафијата владееле со државата, кај нив нема политички елемент, вели новинарот Драган Павливиќ Латас во „Што не е јасно“ на Алфа потенцирајќи дека на едната страна на овие избори се ВМРО-ДПМНЕ, заедно со нив се Алијанса, Алтернатива, а на друга страна има празен простор, бидејќи СДСМ не е партија, туку ја водат нарко дилери.

Латас ги посочи акцијата во Грчец и Арачиново каде по дојава нарко дилерите избегаа, како во Црна Гора е фатен полициски автомобил со дрога, но пред се како премиерот е ментор на нарко бизнис, марихуаната е нарко производ и тоа во светот најмногу се врти како нарко производ.

– Уште пред да дојдат на власт СДСМ отворено ги користеше нарко дилерите, ако се сеќавате на фалсификаторите на пасоши, човек кој лежеше во затвор за тоа, Чауш. Над 200 пасоши од МВР се дадени на крупни нарко дилери, снема еден тон марихуана од јужна Македонија, Заев даде милион евра на Арачиновци, која е единствена општина која зеде пари божем за борба против ковид. Во Прилеп фатен началник за шверц на марихуана, тој денес не е предмет на обвинителство и сликање како други што ги сликаа, истакна Латас.

Тој нагласи дека тоа им пречи на луѓето како Црвенковски бидејќи во СДСМ повеќе никој не верува во раководството, освен тој што има личен интерес и тој што традиционални се врзува за ликови кај кои понудата е измама, големи пароли, демократија, и ништо од тоа нема да направат.

Самиот СДСМ се урива внатре, сам од себе, затоа што не е партија и нема политичка структура во СДС, а тоа го потврди и Црвенковски, претседател на СДСМ и се уште човек со најголем индивидуален углед кај социјалдемократите, денеска дефинираше дека оваа влада која ја водат СДСМ и ДУИ е корумпирана држава, презадолжена и држава пред експлозија. Нивниот градоначалник во Куманово кажа дека во Македонија владее тортура и тоталитаризам, дека полицијата се обидува да ги намести изборите во Куманово, а полицијата ја води СДСМ, а Максим е градоначалник од СДСМ, изјави Латас.

Премиерот Зоран Заев на денешниот прв ден од почетокот на кампањата за претстојните локални избори вети дека како партија и коалиција ќе водат позитивна кампања која ќе биде насочена кон она што било направено досега, но и кон идните планови за поддршка на локалните самоуправи и за поголем локален економски развој.

-Овие избори се избори на личност, програми, проекти, идеи, и во едни такви околности должност е за сите е да водиме позитивна кампања. Нашата земја оваа година слави 30 години од независност и колку сме навистина созреани и колку сме општествено одговорни сите ние со секоја година и со секои наредни избори може да докажувеме. Тука пред се мислам на нас политичарите, но, секако и на кандидатите што се претставуваат со своите изборни програми, рече Заев.

СДСМ и коалицијата, додаде, ќе води исклучително позитивна кампања.

-Ова затоа што имаме со многу што да се пофалиме во овие четири години, за сите проекти што се реализираат 550 милиони евра се директни поддршки од Владата за локалната самоуправа. Времето што е пред нас ги дава сите причини да веруваме дека ќе биде уште подобро, дека навистина ќе има уште многу проекти и оти животот на локално ниво ќе биде уште попримамлив, пред се младите да остануваат тука, рече Заев во одговор на новинарско прашање по учеството на почетокот на манифестацијата Преспански јаболкобер.

Тој додаде дека досега било направено многу во сферата на инфраструктурата, но, како што рече, претстојат уште многу предизвици.

-Верувам дека во следниот четиригодишен мандат ќе ја завршиме неопходната локална инфраструктура, водоводите, канализациите, прочистителните станици, локалните патишта и се што е неопходно базично, но ќе доминира период на нашата посветеност на локалниот економски развој. Секој наш регион има свои предности, нагласи Заев, и ако бидеме сплотени и единствени веднаш по изборите сите да работиме за граќаните ќе ги мултиплицираме ефектите, истакна премиерот.

На прашањето зошто изборната кампања СДСМ со коалицијата ја почнува од Битола, каде што вечер од 20 часот ќе има централен настан, а претходно и средби со граѓани на Демир Хисар, премиерот одговори дека агендите се прават во координација со сите учесници на изборите и нивните штабови за да не се дуплираат кога се претставуваат на терен.

-Важен е целиот овој наш регион, Битола и Пелагонискиот регион, и Преспанскиот, и Охридско-струшкиот се многу важни од секој можен аспект и веројатно затоа при разговорите одлучивме да почнеме токму од Битола. Утре сме веќе во главниот град, па продолжуваме понатаму во Струмичкиот регион, изјави Заев.