24 години од загинувањето на десетмината херои, 24 години непребол и солзи за прилепчаните кои 2001-та загинаа свирепо. Прилеп се сеќава…

На 8 август 2001 година на патот Скопје – Тетово во близина на селото Групчин кај месноста Карпалак од заседа беше нападнат конвој на Армијата на Република Македонија, при што загинаа десет армиски припадници:

Нане Наумоски (48), резервен капетан, Сашо Китановски (40), резервен поручник, Горан Миновски (29), воен обврзник, Ердоган Шабановски (21), воен обврзник, Љубе Грујоски (32), воен обврзник, Бранко Секулоски (43), воен обврзник, Дарко Велјановски (27), воен обврзник, Пеце Секуловски (31), воен обврзник, Веби Рушитовски (26), воен обврзник и Мирко Деспотовски (27), воен обврзник, сите од Прилеп и Прилепско.

Тој ужасен ден, кога мајките ги загубија своите синови, кога сопругите останаа без своите сопрузи, а децата плачеа по своите таткоци, ќе остане вечно во сеќавање на овој град и овој народ, како кобен ден, ден на болка и тага за Прилеп и Македонија.

Градот херој на своите храбри синови им се оддолжи со монументално дело во центарот на градот, спомен обележје кое вечно ќе потсеќа на нивните прерано згаснати животи.

65та Седница на Советот на Општина Прилеп

☝️Денешниот изгласан Ребаланс за општина Прилеп носи нови проекти:

✅ Реконструкција на дел од плоштад Методија Андонов-Ченто (пред хотел Скопје) и поставување на урбана опрема
✅ Изградба на мост на ул. Победа над река Оревоечка
✅ Реконструкција на ул. Орде Чопела – влез на градот од Македонски Брод
✅ Комплетна реконструкција, вклучително со електротехника, на улицата Трајко Николоски
✅ Изградба на ново детско игралиште во центарот на градот (позади Участакот)
✅ Изградба на ново детско игралиште на улицата Борка Спиркоски во населбата Типски
✅ Изградба на водоснабдителен систем во село Лениште
✅ Реконструкција на главен потисен цевковод за водоснабдување на Индустриската зона и комплексот на Манастирот Св. Димитрија во село Селце
✅ Изградба на фотонапонска централа која се поставува на објекти (на Пречистителната станица)
✅ Интеграција на дистрибуирани локации од водоснабдителен систем на град Прилеп во постоечки SCADA систем и интеграција со ГИС систем
✅ Проект за промена на водоводна мрежа од јазол на Бул. “Гоце Делчев” со улица “Кузман Јосифоски” (бр. 1-55) до јазол на улица “Кузман Јосифоски” со ул. “Ленин” (бр. 1-72) – фаза Хидротехника
✅ Реконструкција на фасада на ООУ Рампо Левката
✅ Поставување на 21 полуподземни контејнери
✅ Реконструкција на систем за мониторинг и управување на ПСОВ во Прилеп

Изминатиот период, Локалната самоуправа на Општина Прилеп работеше со максимална посветеност на подготовка и апликација на овие проекти, со цел да реализираме што повеќе значајни инфраструктурни зафати и да ги решиме приоритетните прашања од интерес за граѓаните, благодарение на поддршката од Владата на Република Македонија.

Предлог-Измена и дополнување на Буџет на Општина Прилеп за 2025 година, планот за измена и дополнување на планoт на развојни програми на Општина Прилеп за 2025-2027 година и предлог-кварталниот извештај за извршување на Буџетот на Општина Прилеп, за извештајниот период (кумулативно) за квартал од 01.01.2025 година до 30.06.2025 година, денеска се најдоа пред советниците и беа усвоени со мнозинство гласови.

Советниците дадоа согласност за предавање на трајно користење на 8 прочистувачи на воздух на основните и средните општински училишта и градинките во општина Прилеп и согласност за преместување на спомен обележје во Прилеп.

Советниците го разгледаа и усвоија извештајот за превземените мерки и активност за првото полугодие од 2025 година, за подрачјето на ОВР Прилеп.

На седницата беа усвоени и годишните извештаи за работа на: ООУ „Страшо Пинџур“- с.Мало Коњари, Прилеп, за учебната 2024/2025 година и годишната Програма за работа за учебната 2025/2026, годишниот извештај за работа на ООУ „Круме Волнароски“- с.Тополчани, Прилеп за учебната 2024/2025 година, како и годишната програма за работа на ООУ „Круме Волнароски“-с. Тополчани, Прилеп, за учебната 2025/2026 година.

На Седницата беа разгледани и усвоени предлог програмата за измена и дополнување на програмата за уредување на градежно земјиште на подрачјето на општина Прилеп за 2025 и предлог-локалниот план за енергија и клима на Општина Прилеп за период 2023-2027 и збирниот извештај за проценетата штета во населените места Кадино село, Мало Коњари, Големо Коњари, Галичани и Алинци во oпштина Прилеп, од невремето на ден 27.06.2025 година.

Позитивно мислење советниците дадоа и по решението за предлог-член во УО во ЈУМЦСР Прилеп, за кофинансирање на проектот за ‘’Уредување на сала за музички проби за млади таленти’’ и за Програмата, насловена „За младите се работи: време е за структурна поддршка на нивната иднина“.

Советниците ја усвоија и одлуката за бесплатен градски превоз на 18 септември 2025 година (четврток) во рамки на одбележувањето на неделата на урбана мобилност, за уредување на општински линиски превоз за подрачјето на Општина Прилеп и согласност за определување на тарифа за општински линиски превоз за подрачјето на Општина Прилеп.

Поради лошата состојба во моментов во ФК Победа, пред почетокот на Седницата, беше доставено и барање од ФК Победа АД – Прилеп, за финансиска поддршка од Општината за понатамошно функционирање на клубот за непречено натпреварување и функционирање на младинските школи. Поради итноста, барањето беше разгледано од Комисијата за финансирање и Буџет и беше донесена одлука за дополнителни 1.000.000 денари поддршка кон ФК Победа.

Со положување цвеќе пред спомен обележјето во прилепската касарна “Мирче Ацев”, вечерва со почеток од 18часот, ќе започне одбележувањето на 24-годишнината од загинувањето на десетте прилепски бранители кај Карпалак во 2001 година.

На 8 август 2001 година, конвојот на АРМ беше нападнат кај месноста Карпалак на патот Скопје-Тетово кога беа убиени 10 воени резервисти од прилепската касарна.

Десетмината прилепски бранители: Сашо Китаноски, Нане Наумоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Веби Рушитоски, Горан Миноски и Пеце Секулоски ја платија највисоката цена и ги положија своите животи за својата татковина за зачувување на независноста, суверенитетот и територијалниот интегритет.

Во 19:00 часот денеска, свежо цвеќе ќе биде положено пред спомен плочата посветена на десетмината бранители, во дворот на манастирот Св. Петка во село Лениште, по што ќе се одржи и вечерна богослужба.

Утре пак, на 08.август, одбележувањето на трагичниот настан ќе продолжи од рано утрото, со положување цвеќе кај месноста Карпалак и положување цвеќе пред вечните почивалишта на бранителите во Новите градски гробишта.

Централното одбележување на настанот ќе се одржи пред спомен комплексот “Карпалак” во центарот на Прилеп со почеток од 13 часот, каде пред спомен плочата на бранителите ќе се поклонат претставници од Владата, општината, семејствата…

Владината делегација на настанот ќе ја предводи Заменик министерот за економија и труд, Марјан Ристески, кој е еден од преживеаните од крвавиот масакр кај Карпалак.

На 05.08.2025 во СВР Битола, 45-годишник од Битола пријавил дека бил физички нападнат од неговата невенчана сопруга 46 годишна возраст од Битола. Се работи на расчистување на настанот.

На 06.08.2025 во 02.10 часот на паркинг простор пред угостителски објект во Битола, полициски службеници од СВР Битола лишиле од слобода две лица на возраст од 32 и 33 година од Битола и од с.Бистрица, битолско, затоа што кај нив биле пронајдени и одземени бела прашкаста материја и пари. Лицата биле задржани во полициска станица и по целосно документирање на случајот против нив ќе биде поднесена соодветна пријава.

Бесплатен превоз од Прилеп за Крушево за Литијата во недела , 10.08.2025. Тргнување во 16:00 часот од пред Палма Шоп, се враќање за Прилеп во 20:00 часот. Бројот е ограничен Контакт телефон за пријавување +38978635511 – Јасмина.

Благочестиви христијани, на 10.08.2025 година, недела, во 17:00 часот во храмот „Свети Никола“ – Крушево, ќе се отслужи Вечерна богослужба во спомен на патронот на нашата Македонска Православна Црква – ОА, Свети Климент Охридски.

После Вечерната богослужба, со неговите мошти и моштите од другите светители, ќе се одржи свечена Литија по улиците на градот Крушево.

Затоа Ве покануваме благочестиви христијани, да се поклониме на моштите на нашиот патрон и заштитник на целиот наш Македонски народ, светиот Климент Охридски!

На Литијата ќе чиноначалствува Епископот дремвитски г. Давид во сослужение на Митрополитот крушевски и демирхисарски г. Јован

Литијата ќе започне од храмот „Свети Никола“ и ќе се одвива по главната улица на нашиот град и повторно враќање при храмот.

Во периодот од 28 јули до 03 август 2025 година, Управата за јавни приходи (УЈП) спроведе вкупно 214 теренски контроли за фискализација, насочени кон различни типови деловни субјекти, меѓу кои: ресторани, кафе барови, шанкови на плажа, слаткарници, колонијали, продавници за облека и накит, хотел, автопревозници, паркинзи и други трговски објекти за продажба на мало.

Контролите беа реализирани низ државата во повеќе градови, меѓу кои и туристичките места каде во летниот период има зголемена фреквенција на туристи. Од 214 контролирани субјекти, кај 30,8%, односно кај 66 од контролираните се утврдени неправилности согласно Законот за регистрирање на готовински промет.

За утврдените неправилности донесени се 66 прекршочни санкции – глоби, кои ќе бидат одмерени согласно големината на субјектот.

За четири, односно три субјекти од Охрид и еден од Струга, поради повторено неиздавање фискални сметки во рок од две години, изречена е мерка за привремена забрана за вршење дејност (запечатување).

„Анализата на спроведените контроли и утврдените неправилности по градови е следна: • Во Скопје извршени се 14 контроли и при истите утврдени се 4 неправилности; • Во Струга, Охрид и Битола извршени се 126 контроли, а утврдени се 29 неправилности од кои 11 неправилности во Струга и 18 во Охрид • Во Прилеп извршени се 7 контроли, a утврдени се 3 неправилности; • Во Тетово, Гостивар извршени се 32 контроли, а утврдени се 14 неправилности од кој 13 во Тетово и една во Гостивар • Во Штип, Неготино, Демир Капија, Кавадарци Велес и Куманово извршени се 35 контроли, а утврдени се 16 неправилности, по една неправилност во Неготино и Кавадарци, 2 во Демир Капија, 3 во Штип, 4 во Велес и 5 неправилности во Куманово“.

УЈП апелира до сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата.

„Управата за јавни приходи врз основа на извршените контроли согласно Закон за регистрирање на готовински плаќања, ќе врши вкрстени проверки со цел да ја провери веродостојноста на искажаните приходи кај даночните обврзници. Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување. Управата за јавни приходи останува цврсто посветена на доследна примена на законите и обезбедување еднаков третман за сите даночни обврзници“.

Од 21 до 24 август во Прилеп ќе се одржи десеттото јубилејно издание на Меѓународниот меморијален ракометен турнир, кој се одржува во чест на прилепската ракометна легенда, Миле Нешкоски.

Турнирот и оваа година за жал ќе се игра во училишна сала, затоа што Универзалната сала, или спортскиот храм на прилепчани, се’ уште не е ставен во функција, иако беше ветено дека недостатоците и безбедноста на едната трибина, ќе бидат решени во првите месеци од работата на новото Министерство за спорт.

Минатото лето, министерот за спорт, Борко Ристовски, веднаш по назначувањето го посети Прилеп и вети дека Универзалната сала ќе биде ставена во функција за неколку месеци…. Оттогаш помина цела година, а Универзална се’ уште чека враќање на спортистите…

Гостин на турнирот “Миле Нешкоски” оваа година ќе биде екипата на Црвена Ѕвезда, а учесници на турнирот покрај домаќинот РК Прилеп, ќе бидат уште екипите на: Бутел, Тиквеш, Пролет и Еурофарм Пелистер 2.

Инаку, Универзалната сала не е во функција повеќе години, а веќе видливо е дека времето остава траги врз овој некогаш грандиозен спортски објект.

При последната посета на Прилеп во март годинава, Ристовски изјави:

„За да прескокнеме некои административни чекори за јас ја побарам Спортската сала која што е сега под ПУИГ да дојде кај мене, па повторно да ја давам на користење на Компанијата која што е заинтересирана – „Комфи Ангел“…ние направивме едно решение со кои ги скративме постапките. А тоа е – обавив разговор со директорот на ПУИГ на кого му се кажани насоките од Министерството и од Владата што треба да направи и ги споивме. Мислам дека тие веќе имаа два состаноци на кои што сега веќе меѓу нив ги договараат работите. А тоа е, Компанијата „Комфи Ангел“, заради користење на подолг период, да ја исреконстриура целата спортска сала и да им ја даде на користење“.

На 06.08.2025 во 20:46 часот, полициски службеници од Полициската станица за безбедност на патниот сообраќај Битола го лишиле од слобода С.Ф.(32) од Битола. При контрола на патниот сообраќај, полициските службеници запреле возило „мерцедес” со битолски регистарски ознаки, кое го управувал С.Ф., и по преземени мерки било констатирано дека е под дејство на алкохол, односно му биле измерени 1,84 промили алкохол во крвта.

На 07.08.2025 во 01:25 часот, полициски службеници од Полициската станица за безбедност на патниот сообраќај Битола го лишиле од слобода Н.А.(41) од Франција. При контрола на патниот сообраќај, полициските службеници запреле возило „мерцедес” со странски регистарски ознаки, кое го управувал Н.А., и по преземени мерки било констатирано дека е под дејство на алкохол, односно му биле измерени 1,54 промили алкохол во крвта.

Тие биле задржани во полициска станица и по целосно документирање на случаите, против нив ќе бидат поднесени соодветни пријави по член 297-а од Кривичниот законик – „безобѕирно управување со моторно возило”.

Министерството за социјална политика, демографија и млади и синдикатите на УПОЗ и СОНК потпишаа нов колективен договор со кој ќе се овозможи зголемување на платите на вработените во јавните установи за социјална заштита за 20 проценти, информира министерот Фатмир Лимани.

Тој на својата фејсбук страница пишува дека денеска со Синдикатот на УПОЗ и СОНК, го потпишале новиот Колективен договор кој, како што нагласува, им носи заслужено зголемување на платите на сите вработени – вклучувајќи ги и директорите – во системот на социјална заштита.

-Овој договор значи – подобрување на работните услови, зголемена правна сигурност, продлабочување на социјалниот дијалог, пишува Лимани на ФБ.

Ова, нагласува, е признание за трудот, посветеноста и хуманата мисија на сите вработени во системот на социјална заштита. Со мотивирани и вредни работници, потенцира министерот Лимани, нудиме квалитетни и достапни услуги за сите граѓани.

Подгответе се за викенд исполнет со незаборавна атмосфера, одлична музика и многу позитивна енергија – само во Pub Club Terasa во Прилеп!

Овој викенд вe носиме на две вечери за паметење:

🗓 Петок, 08 август – музичка дружба со акустичниот дуо бенд Боби и Никола
🕘 Почеток од 21:00 часот

🗓 Сабота, 09 август – настап на живо со енергичните крушевчани од No Limit Band
🕘 Почеток од 21:00 часот

📍 Резервирајте навреме на: 070 304 967

Не пропуштајте викенд полн со ритам, забава на најдобрата тераса во градот!

Следете ја Pub Club Terasa и уживајте во летото!