Претседателот на СДСМ, Венко Филипче, предмалку ги соопшти кандидатите за градоначалници на повеќе општини, со кои партијата ќе ја бара поддршката на престојните локални избори.
Кандидат на СДСМ за градоначалник на Прилеп ќе биде актуелната претседателка на ОО СДСМ Прилеп, Петра Лукароска.
Прес конференцијата на Филипче проследете ја во продолжение:
Интегрален текст од изјавата на премиерот Христијан Мицкоски од денешната промоција на новата артилериска батерија „Боран“ во касарната “Мирче Ацев” во Прилеп:
„Денеска стоиме пред важен чекор на нашата држава, го зајакнуваме својот одбранбен капацитет, ја модернизираме својата армија и јасно покажуваме дека знаеме да вложуваме одговорно, стратешки и во интерес на безбедноста на своите граѓани.
Со гордост објавувам дека преку Министерството за одбрана успешно ги реализираше два значајни договори за набавка на нова современа воена опрема – опрема која е целосно усогласена со НАТО стандардите. Ова не е само набавка. Ова е визија за Македонија како стабилна, сигурна и подготвена членка на НАТО Алијансата. Ова е порака дека државата станува сила што застанува на свои нозе.
Во рамки на првиот договор, се набавени и веќе испорачани шест хаубици – моќни артилериски системи кои ќе го засилат капацитетот на нашата Армија. Заедно со нив е предвидена и набавка на муниција со зголемен дострел, чија испорака и исплата се планирани во текот на 2026 година.
Со вториот договор, обезбедена е набавка на опрема за хаубиците – системи за комуникација и контрола на оган кои значително ќе ја зголемат огнената моќ и прецизноста на делувањето на нашите единици.
Но оваа набавка не е изолиран случај. Таа е дел од една поширока слика. Ние градиме и придонесуваме на секое поле – во економијата, во енергетиката, во земјоделието, во здравството, во образованието и да, и во одбраната. Затоа што напредна држава не е онаа што се развива само во еден сектор, туку онаа што се издигнува во целина.
А силата на една држава се гледа токму во способноста да го заштити својот суверенитет, да го гарантира својот мир и да стои цврсто кога е предизвикана. Без безбедност, нема стабилен развој. Без силна одбрана, нема трајна стабилност.
Ова не се само бројки. Ова се живи сведоштва за новиот пристап кој го градиме – пристап во кој безбедносниот систем се развива темелно, домаќински и со јасна цел. Да обезбедиме одбранбен систем кој ќе се темели на сопствена сила и стратегија.
Нашата Армија со оваа опрема не само што ќе биде помоќна, туку и покоординирана, попрецизна и поусогласена со НАТО стандардите.
Нема повеќе импровизации, нема повеќе застарена опрема и декларативна поддршка. Има реални инвестиции, има план, има стратегија. Има волја и одговорност.
Со оваа набавка, ја градиме државата која самоуверено стои рамо до рамо со сојузниците.
Македонија која се грижи за своите војници, која ја почитува својата Армија и која знае дека силна Армија значи сигурен народ.
На сите припадници на Армијата – ви честитам.
Оваа опрема е за вас. За вашата безбедност, за вашата способност и за вашата посветеност кон татковината. А вие сте нашиот прв бедем и гордост на Македонија.
Македонија мора да успее. А ќе успее само ако е силна, самостојна и сигурна.
Ги градиме темелите на промените.“
Во Прилеп викендов се одржува фестивалот на скарата и пивото кој се очекува да го наполни градот и да донесе бенефит за целата чаршија.
Но, прилепчани не беа баш “ќефлии” со новите цени на пивото и скарата. Точено пиво се продава по 80 ден. за чаша, а парче скара и по 200 денари. Ова се дел од цените на пијалокот и храната кои се нудат по штандовите:
Потпишани договорите за нови капитални инвестиции во Прилеп! Во Владата на Република Македонија, ги потпишавме договорите за реализација на проектите што Општина Прилеп ги поднесе преку јавниот повик на Министерството за локална самоуправа за 2025 година – информираше на Фејсбук градоначалникот на општина Прилеп, Борче Јовчески.
Прилеп добива нови инвестиции во вредност од околу 8 милиони евра, наменети за капитални проекти од витално значење за граѓаните:
✅ Реконструкција на дел од плоштадот „Методија Андонов – Ченто“
✅ Изградба на мост на ул. „Победа“
✅ Реконструкција на ул. „Орде Чопела“
✅ Комплетна реконструкција на ул. „Трајко Николоски“ со електроинсталации
✅ Нови детски игралишта во центарот и населбата Типски
✅ Водовод за с. Лениште
✅ Реконструкција на цевководот кон Индустриската зона и манастирот во с. Селце
✅ Фотонапонска централа на Пречистителната станица
✅ SCADA интеграција со ГИС системот
✅ Замена на дотраената водоводна мрежа во центарот на Прилеп
✅ Полуподземни контејнери на 21 локација низ градот
✅ Реконструкција на фасадата на ООУ „Рампо Левката“
Овие инвестиции се директен одговор на реалните потреби на граѓаните и продолжение на нашата посветена работа за унапредување на квалитетот на живот во Прилеп. Да потсетиме, преку првиот јавен повик во 2024 година, Прилеп веќе обезбеди дополнителни 3 милиони евра за:
-Кружен тек кај мостот „Табана“
-Изградба на дел од улицата „Победа“
-Реконструкција на водоводот во Карабдалица
Водоводните линии се веќе завршени, а останатите два проекти влегуваат во градежна фаза веќе следната недела! Во изминатите две години, благодарение на поддршката од Владата предводена од ВМРО-ДПМНЕ, Општина Прилеп обезбеди вкупно 11 милиони евра директни инвестиции – поддршка што е историска, конкретна и мерлива. Кога постои визија, посветеност и искрена работа во интерес на граѓаните – резултатите не изостануваат.Прилеп заслужува многу. Продолжуваме со уште поголема одлучност да го градиме неговиот напредок – стои во објавата на Јовчески на социјалните мрежи.
-На 18.07.2025 во 04.35 часот на ул.„Цар Самоил“ во Прилеп, полициски службеници од ОВР Прилеп лишиле од слобода двајца 17-годишни малолетници од Прилеп. Тие биле затекнати како од метално сандаче за доброволен прилог од црква вршат кражба. Тие се приведени во Полициска станица Прилеп и по документирање на настанот против нив ќе биде поднесена соодветна пријава – информираат од МВР.
Европскиот олимписки фестивал за млади (EYOF) претставува водечки повеќеспортски настан наменет за европската младина – млади спортисти на возраст од 14 до 18 години, кои доаѓаат од вкупно 50 европски делегации.
Ова е најголемиот спортски настан кој се организира за млади и има историја долга 34 години. Олимпискиот фестивал за млади првпат бил одржан во Брисел во 1991 година, како летен спортски натпревар.
Македонија официјално го доби домаќинството за 2025 година за време на 50. Генерално собрание на Европските олимписки комитети.
Од 20 до 26 јули, Скопје ќе биде домаќин на овој голем спортски настан, каде ќе присуствуваат повеќе од 4000 спортисти и официјални лица од 50 европски делегации, а дополнително ќе учествуваат и над 700 волонтери од целиот европски континент. Фестивалот ќе опфати вкупно 15 спортски дисциплини.
Овој значаен спортски настан ќе се реализира претежно во главниот град, додека одредени спортски дисциплини ќе се одржат и во Куманово.
Повеќе информации за натпреварувањата можете да следите на веб страната: skopje2025.sporteurope.org и на социјалните мрежи: Фејсбук и Инстаграм
Над 30 видови пиво и богато мени со мезиња, убава музика, пријатна атмосфера – перфекција за топло добредојде на сите посетители на фестивлот на скарата и пивото во Прилеп – “Пиво Фест 2025”.
ТERASA PUB CLUB ве кани на едно уникатно уживање во фестивалските денови во Прилеп.
За тие кои уште не знаат, локалот е сместен над Ресторан “Порта”, во строгиот центар на Прилеп. Ова не е само паб. Ова е нов културен ритам, ново чувство, нов урбан простор за сите што сакаат вистинска атмосфера.
Посетете ги и уживајте! Прилеп има нова приказна, а сите вие сте повикани да бидете дел од неа!
Денес, во касарната „Мирче Ацев“ во Прилеп, премиерот Христијан Мицкоски, заедно со министерот за одбрана Владо Мисајловски и началникот на Генералштабот на Армијата, генерал-мајор Сашко Лафчиски, ќе бидат присутни на свеченоста по повод промоцијата на артилериската батерија.
Батеријата се состои од шест хаубици 105 mm, „Боран“, како и друга поврзана опрема.
Министерството за одбрана соопшти дека оваа аквизиција е дел од процесот за модернизација и опремување на Армијата, овозможена од страна на сојузничка Турција.
На настанот, обраќање ќе имаат премиерот Мицкоски, министерот Мисајловски, началникот на ГШ, генералот Лафчиски, како и амбасадорот на Турција, Фатих Улусој.
Во магичниот амбиент на црквата „Св. Софија“ во Охрид, на 16 јули се одржа уште една незаборавна австриска вечер – дел од престижната програма на фестивалот „Охридско лето“. Касинос Австрија Интернешанал Македонија како ексклузивен спонзор, обезбеди поддршка за реализацијата.
Музиката не познава граници – таа ги поврзува луѓето, народите и срцата. Гудачкиот квинтет на Тиролскиот симфониски оркестар од Инсбрук ја воодушеви публиката со изведби на дела од Гулда, Дворжак и Трајковски-Фис. Особено горди сме што дел од овој состав беше и контрабасистот Драган Трајковски – Македонец кој со години е еден од носителите на австриската музичка сцена. На програмата беа гудачки квинтети на Гулда, Дворжак и Трајовски-Фис.
Како ексклузивен спонзор, Касинос Австрија Интернешанал Македонија со задоволство ја поддржа оваа вечер – симбол на културен дијалог, почит и уметност.
Како уметник и поранешен стипендист на Австриската влада, директорот на фестивалот, Ѓорѓи Цуцкоски, изрази благодарност до австрискиот амбасадор- Мартин Памер и ексклузивниот спонзор Казинос Аустрија.
Австриската вечер на фестивалот се одржува секоја година со поддршка на Амбасадата на Република Австрија во Р. Македонија и Австриската влада. Вечерта е мост меѓу културите, традицијата и уметноста – и токму таквите вредности, Касинос Австрија Интернешанел Македонија ги поддржува и негува.
Општина Битола е лидер по бројот на потпишани договори, вкупно 65 по вториот јавен повик од инструментот за капитални инвестиции. Денес, во
Владата, градоначалниците на општините ги потпишуваа договорите со соодветните министерства.
Градоначалникот на општина Битола Тони Коњановски, ги потпиша договорите за проекти во рамките на пет министерства, од кои, најголемиот број се проекти во Министерството за транспорт – 27, во Министерството за животна средина и просторно планирање – 22 проекти, во Министерството за образование и наука – 12 проекти и по два проекти во Министерството за спорт и во Министерството за култура.
Вредноста на потпишаните проекти е во вредност од околу 707.000.000 денари.
Во првиот повик објавен во септември 2024 година, општина Битола доби 16 проекти, во вредност од околу 230.000.000 денари од Владата, со
општинско кофинансирање од околу 45.000.000 денари.
