-На 19.07 во 03.00 часот, на Бул.„Гоце Делчев“ во Прилеп полициски службеници од ОВР Прилеп го лишиле од слобода О.И.(46) од Прилеп бидејќи истиот го нарушувал јавниот ред и мир.
Исто така на 19.07. во 01.10 часот, полициски службеници од ОВР Прилеп на улицата „Сотка Ѓорѓиоски“ во Прилеп го лишиле од слобода и Р.С.(40) од Прилеп бидејќи истиот го нарушувал јавниот ред и мир.
По документирање на двата настани против лицата ќе следуваат соодветни поднесоци – информираат од СВР Битола.
Во четвртокот вечерта, под ореолот на стотици рефлектори и во срцето на кабарето каде секој здив е трансформација – Gold Felicia – Битола го прослави својот четврти роденден. Но ова не беше роденден. Беше премиера на вечноста.
Четири години. Над 420 кабаре вечери. Секоја како отворена врата кон свет исполнет со уметност, страст и неуморна визија. Под водството на уметниците Никола Пројчевски и Катерина Јовановиќ, оваа вечер се претвори во свечен чин на возвишување – на културата, на сонот, на сè што значи уметност.
Момент кој не се повторува – туку останува. Врежан во сеќавањата на сите што беа таму. На сцената не се славеше само патот изминат, туку се возвиши визијата што ја менува културната иднина на целиот регион.
Врвот на вечерта беше обележан со премиерата на ексклузивно авторско дело, создадено исклучиво за оваа ноќ – единствено, неповторливо, незаборавно. Тоа не беше обична точка во програмата, туку сржта на еден универзум што го гради Gold Felicia – од љубов, од пожртвуваност, од верба дека уметноста може да биде живот.
Тим од соништата стоеше зад ова дело:
Композитор: Димитар Андоновски
Кореографија: Бобан Русески, Симона В. Карадакоски и Илија Карадакоски
Костими: Андреј Ѓоргиевски – Папаз
Изведба: Ансамблот на Gold Felicia
Продукција: 77 Entertainment
Секој тон, секој чекор, секој поглед на сцената – беше молитва. Аплаузите не беа само звучен знак на одобрување – тие беа сведоштво дека уметноста може да го запре времето. И таа ноќ, времето навистина се поколеба… и застана.
Минатото како светилник – иднината како пламен што веќе гори.
На сцената на Gold Felicia – Битола, низ годините настапуваа имиња што оставиле неизбришлива трага на балканската сцена – Чолиќ, Брена, Карлеуша, Пријовиќ, Џамбазов, Каролина. Но оваа ноќ ѝ припаѓаше на иднината – нов глас, нова кореографија, нова ера. Еден нов артистички универзум што се раѓа од истата страст, но со нов здив и нова храброст.
И токму кога срцата беа најполни, беше објавена веста што сите ја чекаа – новото лице на магијата:
Gold Felicia – Тетово
Хотел. Спа. Ексклузивен ресторан. Казино со жива игра.
Една дестинација – безброј искуства.
Нова сцена. Нова визија. Нова точка на мапата на културата и луксузот.
Вечноста не ја бележи датум, туку трепетот во градите. Таа не доаѓа – таа се чувствува.
Gold Felicia уште еднаш докажа дека не е само кабаре – туку жив организам од страст, автентичност и трансформација. Тоа е место каде аплаузот станува молитва, каде рефлекторот е сведок, а секоја вечер – цел универзум.
Погледнете дел од магијата што се случи зад завесата. Повеќе видеа и фотографиите од ноќта кога уметноста го сопре времето ве чекаат на следниот линк: https://bit.ly/Goldfelicia
На здравје за сите што веруваат во уметноста. И до следниот пат – под уште посилна светлина.
Доаѓате на “Пиво Фест” во Прилеп? Првата станица на влезот во градот, задолжително мора да ви биде ресторан Beer ti & ja! Сместен на влезот во Прилеп од страната на Скопје, овој ресторан нуди гурманско добредојде за сите гости.
Менито нуди богат избор на традиционални прилепски јадења, коленица, гулаш, како и познатиот „ширден“, сервирани со селектирани македонски вина и разладени пијалаци.
Ќе ве пречека совршено климатизиран амбиент, буквално се што треба за одличен прв впечаток при посетата на Прилеп.
Наша препорака:
-Не пропуштајте да пробате лескавица со домашен кајмак што се топи во уста
-Домашни колбаси со мирис што не простува — мораш да пробаш!
-Ако сте за чорба, во Beer ti & ја ќе ја пробате најдобрата во градот
-Секогаш пресна риба….
Сето тоа заедно со ладно пиво, за совршено уживање во фестивалските денови во Прилеп!
Ако пак се’ уште не сте тргнати на пат, резервирајте пред време на тел.бр. +389 75 443 833
Наздравје народе!
Времето денеска ќе биде сончево и топло со мала до умерена локална облачност. Ќе дува слаб до умерен ветер од северoзападен правец. Минималната температура ќе биде во интервал од 10 до 19, а максималната ќе достигне од 29 до 37 степени, најави Управата за хидрометеоролошки работи (УХМР).
Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 17, а максималната ќе достигне до 37 степени.
УХМР најави дека под влијание на топла воздушна маса од југ, од утре следува период на сончево и многу топло време со мала до умерена облачност. Особено топло време се очекува во текот на следната работна седмица, кога дневната температура насекаде ќе биде над 30 степени Целзиусови, на повеќе места ќе надминува 35, а наместа ќе биде и над 40 степени.
Центарот за управување со кризи информира дека во изминатото деноноќие се евидентирани вкупно 35 пожари на отворен простор низ државата. Од нив 4 се активни, 4 се под контрола, а 27 изгаснати.
Како што известија од ЦУК, активни се пожарите во:
Василево – с. Нивичино (нискостеблеста шума)
Македонски Брод – с. Грешница (мешана шума и ниска вегетација)
Прилеп – помеѓу с. Царевиќ и с. Смолани (мешана шума и ниска вегетација)
Липково – с. Виштица (деградирана шума)
Под контрола се пожарите во:
Велес – с. Џидимирци – с. Крушје – с. Иванковци (мешана нискостеблеста деградирана шума)
Дојран – с. Николич (нискостеблеста шума)
Демир Хисар – градска депонија (депонија)
Македонски Брод – с. Црешнево, с. Локвица, с. Крапа (дабова шума, грмушки и ниска вегетација)
Изгаснати пожари се евидентирани низ Ранковце, Куманово, Липково, Кратово, Тетово, Свети Николе, Битола, Штип, Делчево, Скопје (Аеродром, Шуто Оризари, Ѓорче Петров, Гази Баба, Илинден), Росоман и други општини.
Денеска во касарната „Мирче Ацев“ во Прилеп, премиерот Христијан Мицкоски, министерот за одбрана Владо Мисајловски и началникот на Генералштабот на Армијата, генерал-мајор Сашко Лафчиски, присуствуваа на промоцијата на артилериската батерија составена од шест хаубици 105 mm, „Боран“ и друга придружна опрема – набавка која е во рамки на процесот за модернизација и опремување на Армијата од сојузничка Турција.
На настанот присутен беше и актуелниот Заменик министер за економија и труд, Марјан Ристески, кој истакна дека Владата е посветена на воведување на високи стандардни на работа во сите области во општеството!
-Одбраната и безбедноста се столб на секоја држава, работиме посветено Армијата на Република Македонија да биде модернизирана и технички опремена согласно НАТО стандардите. На покана на Министерот за одбрана Vlado Misajlovski денеска присуствував на промоција во касарната „Мирче Ацев“ во Прилеп на артилериската батерија набавена од Република Турција. Артилериската батерија е дел од континуираните инвестициите во одбраната за модернизација и развој на армиските капацитети и се состои од шест хаубици 105 mm, „Боран“, како и друга поврзана опрема. Посветени сме на воведување на високи стандардни на работа во сите области во општеството – напиша Ристески на социјалните мрежи.
Претседателот на СДСМ, Венко Филипче, предмалку ги соопшти кандидатите за градоначалници на повеќе општини, со кои партијата ќе ја бара поддршката на престојните локални избори.
Кандидат на СДСМ за градоначалник на Прилеп ќе биде актуелната претседателка на ОО СДСМ Прилеп, Петра Лукароска.
Прес конференцијата на Филипче проследете ја во продолжение:
Интегрален текст од изјавата на премиерот Христијан Мицкоски од денешната промоција на новата артилериска батерија „Боран“ во касарната “Мирче Ацев” во Прилеп:
„Денеска стоиме пред важен чекор на нашата држава, го зајакнуваме својот одбранбен капацитет, ја модернизираме својата армија и јасно покажуваме дека знаеме да вложуваме одговорно, стратешки и во интерес на безбедноста на своите граѓани.
Со гордост објавувам дека преку Министерството за одбрана успешно ги реализираше два значајни договори за набавка на нова современа воена опрема – опрема која е целосно усогласена со НАТО стандардите. Ова не е само набавка. Ова е визија за Македонија како стабилна, сигурна и подготвена членка на НАТО Алијансата. Ова е порака дека државата станува сила што застанува на свои нозе.
Во рамки на првиот договор, се набавени и веќе испорачани шест хаубици – моќни артилериски системи кои ќе го засилат капацитетот на нашата Армија. Заедно со нив е предвидена и набавка на муниција со зголемен дострел, чија испорака и исплата се планирани во текот на 2026 година.
Со вториот договор, обезбедена е набавка на опрема за хаубиците – системи за комуникација и контрола на оган кои значително ќе ја зголемат огнената моќ и прецизноста на делувањето на нашите единици.
Но оваа набавка не е изолиран случај. Таа е дел од една поширока слика. Ние градиме и придонесуваме на секое поле – во економијата, во енергетиката, во земјоделието, во здравството, во образованието и да, и во одбраната. Затоа што напредна држава не е онаа што се развива само во еден сектор, туку онаа што се издигнува во целина.
А силата на една држава се гледа токму во способноста да го заштити својот суверенитет, да го гарантира својот мир и да стои цврсто кога е предизвикана. Без безбедност, нема стабилен развој. Без силна одбрана, нема трајна стабилност.
Ова не се само бројки. Ова се живи сведоштва за новиот пристап кој го градиме – пристап во кој безбедносниот систем се развива темелно, домаќински и со јасна цел. Да обезбедиме одбранбен систем кој ќе се темели на сопствена сила и стратегија.
Нашата Армија со оваа опрема не само што ќе биде помоќна, туку и покоординирана, попрецизна и поусогласена со НАТО стандардите.
Нема повеќе импровизации, нема повеќе застарена опрема и декларативна поддршка. Има реални инвестиции, има план, има стратегија. Има волја и одговорност.
Со оваа набавка, ја градиме државата која самоуверено стои рамо до рамо со сојузниците.
Македонија која се грижи за своите војници, која ја почитува својата Армија и која знае дека силна Армија значи сигурен народ.
На сите припадници на Армијата – ви честитам.
Оваа опрема е за вас. За вашата безбедност, за вашата способност и за вашата посветеност кон татковината. А вие сте нашиот прв бедем и гордост на Македонија.
Македонија мора да успее. А ќе успее само ако е силна, самостојна и сигурна.
Ги градиме темелите на промените.“
Во Прилеп викендов се одржува фестивалот на скарата и пивото кој се очекува да го наполни градот и да донесе бенефит за целата чаршија.
Но, прилепчани не беа баш “ќефлии” со новите цени на пивото и скарата. Точено пиво се продава по 80 ден. за чаша, а парче скара и по 200 денари. Ова се дел од цените на пијалокот и храната кои се нудат по штандовите:
