Во ЈП „Комуналец“ Битола пристигнаа уште 2 камиони за подигнување на отпад од 12 м3, со што бројот на пристигнати возила е 6 од вкупно планираните 10.
Ова се возила кои Владата преку Министерството за животна средина и просторно планирање ги доделува на јавните комунални претпријатија во општините со што ќе се олесни и ќе се подобри работата на јавните комунални претпријатија, во конкретниот случај на битолски „Комуналец“.
Со ова се создаваат услови за поголема покриеност и поквалитетна услуга за граѓаните и во урбани и во рурални средини, поефикасно собирање на отпадот и зголемување на реоните за селекција уште на местото на создавање.
