Откриена масовна гробница со над 30 илјада жртви на наркокартели во Мексико

12

Во мексиканската сојузна држава Нуево-Леон во североисточниот дел на земјата, во близина на границата со САД е откриена масовна гробница со околу 31 илјада човечки жртви, соопшти обвинителството на државата, пренесува ТАСС, пишува МИА.

Гробницата е пронајдена на територија на ранч во регионот Салинас-Викторија, по поројните дождови во областа. Се претпоставува дека останките се на жртви на наркокартелите.

Останките се нафрлани и измешани, така што е тешко да се утврди точниот број на луѓе, што се закопани во гробнивата, изјави претставник на невладината организација „Граѓани за човечки права“, пренесува весникот „Екселсиор“.

Експерти од обвинителството вршат истражувања и анализи за утврдување на идентитетот на жртвите.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.