Трпението на граѓаните е при крај! Прилепчани му одбројуваат на творците и реализаторите на албанската платформа: “Имате уште малку време да се откажете од урнисувањето на државноста и унитарноста на државата”, порачаа вечерва прилепчани.
Граѓаните на Прилеп се бесни на лидерот на СДСМ Зоран Заев и првите луѓе на партијата, одново најгласните пораки беа насочени кон човекот кој го прифати спроведувањето на платформата од Тирана. Илјадници граѓани извикуваа “Предавник, предавник, предавник…!”.
Реки народ се слеаа низ градските улици, а напред чекореа ловџиите од Прилеп и прилепско кои несебично застанаа во одбрана на државата и порачаа дека подготвени се да ги бранат терените на кои ловат. Во име на ловците говореше Тале Наумчески од населеното место Мажучиште.
Поддршка на вечерашниот мирен марш пристигна и од Ромите, пред прилепчани со силна порака се обрати претставникот на ромската заедница од Прилеп Киршан Мамудоски.
