И покрај шпекулациите кои се појавија во некои медиуми, пратениците на ВМРО-ДПМНЕ потврдуваат дека опозицијата е консолидирана и единствена, особено по гласањето за уставните измени во петокот.
Поранешниот министер за надворешни работи и актуелен пратеник во Собранието на Република Македонија, Антонио Милошоски, на својот Фејсбук профил му изрази поддршка на претседателот на ВМРО-ДПМНЕ, Христијан Мицкоски, и истакна дека по “црниот петок” јасно се виде “кој се залага да се испочитува вољата на народот, а на кого му се побитни заткулисните договори”.
Во продолжение статусот на Антонио Милошоски:
“Драматичните случувања во Собранието и нелегалниот чин против Уставот, барем дадоја појасна слика за тоа кој се залага да се испочитува вољата на народот од кој сме избрани, а на кого му се побитни заткулисните договори.
Христијан Мицкоски, претседателот на ВМРО-ДПМНЕ, сепак покажа дека му е побитна демократската доверба која гласачите им ја дале на пратениците, и вољата на членството и симпатизерите.
Со тој став ја заслужи мојата поддршката и како пратеник, и како член на ВМРО-ДПМНЕ од 1992 година. Консолидацијата и единството во ВМРО-ДПМНЕ, врз основа на програмските определби, се потребни и полезни за демократијата во Република Македонија”.